இந்திய மீனவர்களின் அத்துமீறலை தடுக்க கடற்படையினர் நடவடிக்கை எடுப்பதில்லை

• யுத்த காலத்தில் காட்டிய தீவிரம் தற்போது இல்லையென யாழ் மீனவர்கள் குற்றச்சாட்டு

• தமிழக மீனவர்களுக்கு அந்நாட்டு கடற்படை ஒத்துழைக்கின்றது.

தமிழக மீனவர்களுக்கு இந்தியக் கடற்படையினர் ஒத்துழைப்பு வழங்குவதைப்போன்று இலங்கை மீனவர்களுக்குக் கடற்படையினர் ஒத்துழைப்பு வழங்குவதில்லையென வடபகுதி மீனவர்கள் குற்றஞ்சாட்டுகின்றனர். தமிழக மீனவர்கள் இந்தியக் கடற்படையினருக்கோ அல்லது இந்தியக் கரையோரப் பாதுகாப்புப் பிரிவினருக்கோ தெரியாமல் இலங்கைக் கடல் எல்லைக்குள் ஊடுருவ முடியாது. இந்தியக் கடல் எல்லையை மீறி இலங்கைக் கடற்பரப்புக்குள் அவர்கள் நுழைவதை இந்தியக் கடற்படையினர் கண்டும் காணாததுபோல் இருந்துவிடுகின்றனர் என்றும் மீனவர்கள் சாடியுள்ளனர்.

தமிழக மீனவர்கள் எமது கடல் எல்லைக்குள் அத்துமீறி நுழைந்து மீன்பிடிப்பதைத் தடுப்பதற்கு இலங்கைக் கடற்படையினர் எந்தவிதமான கடும் நடவடிக்கையும் எடுப்பதில்லை எனத் தெரிவித்திருக்கும் வடபகுதி மீனவர்கள், தமிழர்கள் என்பதினால்தானா கடற்படையினர் இவ்வாறு பாரபட்சமாக நடந்துகொள்கிறார்கள் என்றும் கேள்வியெழுப்பியுள்ளனர்.

தமிழக மீனவர்கள் அத்தமீறி நுழையும் விடயத்தில் இருநாட்டுக் கடற்படையினரும் உறுதியாகவிருந்தால் இவ்வாறான பிரச்சினைகள் ஏற்படாது என்றும் மீனவர்கள் சுட்டிக்காட்டுகின்றனர். தமிழக மீனவர்கள் 126 பேர் பருத்தித்துறைமுனைக் கடற்பரப்பில் மீன்பிடியில் ஈடுட்டிருந்தபோது அப்பகுதி மீனவர்களால் சுற்றிவளைக்கப் பட்டுப் பிடிக்கப்பட்டனர்.

எனினும் இவ்வாறு பிடிக்கப்பட்ட மீனவர்கள் இந்தியாவின் தலையீட் டைத் தொடர்ந்து விடுவிக்கபட்ட னர். இந்த நடவடிக்கையால் இலங்கை கடல் எல்லைக்குள் அத்துமீறி நுழைந்த மீனவர்களைப் பிடிப்பதற்குப் பாடுபட்ட பாதிக்கப்பட்ட மீனவர்களுக்கு எந்தப் பலனும் கிடைக்கவில்லையென்றும் வடபகுதி மீனவர்கள் தரங்கப்படுகின்றனர்.

இந்த நிலை தொடர்ந்தால் இரு நாட்டு மீனவர்களுக்குமிடையில் கைகலப்பு ஏற்படுவதற்கான சூழ்நிலையோ தோன்றும் என மீன்பிடி சங்கங்களின் சமாஜங்கள் எச்சரித்துள்ளன.

கடந்த காலத்தில் அப்பாவித் தமிழ் மக்கள் பல்வேறு துன்பங்களை எதிர்கொண்டிருந்தபோது எந்தவிதமான கண்டனங்களையும் வெளியிடவில்லை. னால் தமிழக மீனவர்கள் 126 பேர் கைதுசெய்யப்பட்ட விவகாரத்தை இந்தியப் பிரதமர் மன்மோகன் சிங் கண்டித்திருப்பது, தமிழகத்தில் நடைபெறவிருக்கும் சட்டசபைத் தேர்தலை மையமாகக் கொண்ட தேர்தல் நாடகமென்றும் மீனவர்கள் விமர்சித்துள்ளனர்.

அதேநேரம், மீனவர் பிரச்சினையைத் தீர்ப்பதற்கு இணைந்த செயற்குழுவொன்றை அமைப்பது தொடர்பில் கலந்துரையாட இந்திய மீனவர்கள் குழுவொன்று இல ங்கை அனுப்பப்படவிருப்பதாக இந்தியா அறிவித்துள்ளது. எல்லை மீறலைக் கட்டுப்படுத்தாமல் பேச்சுவார்த்தைகளை நடத்துவதில் எந்தவிதமான பலனும் ஏற்படப்போவதில்லை.