மீசாலை பெண் படுகொலைச் சம்பவம், கள்ளக் காதலே காரணமாம்

தென்மராட்சியில் பரபரப்பாகப் பேசப்பட்டு வரும் திருமதி சாந்தினி குகதாசன் கொலைபற்றிய தகவல்களில் புதிய செய்திகள் கசியத் தொடங் கியுள்ளன. வடமராட்சியைச் சேர்ந்த குகதாசன் பொறியியலாளராவார் அவர் கனடா குடியுரிமை பெற்றவர். அவருக்கும் மீசாலை வெள்ளைமாவடி பிள்ளையார் கோவிலடியைச் சேர்ந்த சாந்தினிக்கும் பேசி முடிக்கப்பட்ட திருமணமாகும். திருமணமாகி ஏழு ஆண்டுகளுக்கு மேலாக கனடாவில் வாழ்ந்தவர். திருமண வாழ்வினால் இவருக்கு ஒரு மகனுமுண்டு. சீதனமாக நிலபுலங்கள் அதிகம் வழங்கப் பட்டிருந்தன. மட்டுமல்ல குகதாசனது சம்பாத்தியத்திலும் சில காணிகள் வாங்கப்பட்டுள்ளன. சீதனமாக பெறப்பட்ட நிலங்களிலும் பார்க்க கணவரின் வருமானத்தில் வாங்கிய காணிகள் ஏராளம்.

இந்த நிலையில் இருவரது வாழ்விலும் புதிதாக “வில்லி” ஒருத்தி குறுக்கிட்டதால் மணவாழ்க்கையில் பூகம்பம் ஆரம்பமானது. அந்த “வில்லி” உறவுக்குள் யாராலும் பிரிக்க முடியாத நிலை.

சாந்தினி முடிவுக்கு வந்தாள். தனக்கு இனியொரு வாழ்க்கை தேவையில்லையென இந்திய நீதிமன்றத்தில் விவாகரத்து பெற்று சுமார் மூன்று வருடங்கள் இந்தியாவில் இருந்து மீண்டும் மீசாலைக்கு வந்து தமையன் வீட் டில் தங்கியிருந்தார். அதுவரை சாந்தினிக்கு தனக்கு மரணப் பொறி இங்குதான் இருக்கி றது என்பது புரியவில்லை.

உள்வீட்டிலே சதி முயற்சிக்கு குகதாசனுக்கு தகவல் கிடைத்து வந்தது.தன்னுடைய தகவல்களில் இப்படியான “வன்மம்” உருவாகுமென்பதை அறியாமல் சரி விவாகரத்துக்கு வந்து விட்டால் நீங்கள் வாங்கிய காணி, நகைகள் ஒப்படைக்க வேண்டும் என குகதாசனுடன் பலமுறை சாந்தினி பேசியிருக்கிறார்.

ஆனால் குகதாசனுக்கோ சாந்தினி உயிரு டன் இருந்தால் வில்லியை கனடாவுக்கு அழைத்துச் செல்வது ஒரு போதும் சாத்தியமா காது என உணர்ந்து கொண்டார். சதித்திட்டம் உருவாகியது. கனடாவில் இருந்து வந்த குகதாச னுக்கு “வில்லி” பாத்திரமேற்ற பெண் தற்பொழுது சந்தேக நபராக விளக்க மறிய லில் உள்ளார்.கூட இருந்து குழி பறிக்கும் அலுவல்களை கச்சிதமாக முடித்தார்.

திட்டமிட்டபடி வவுனியாவில் இருந்து கொலைக் கூலிகளுடன் சாந்தினி வீட்டுக்குச் சென்ற குகதாசன், சரி நம்ம வாழ்க்கை பிரிந்தது, பிரிந்தது தான், எல்லாக் காணியையும் உன் பெயருக்கு எழுதப் போகின்றேன். என ஆசை வார்த்தை காட்டி பிள்ளையையும் அழைத்துச் சென்றுள்ளார்.

கைது செய்யப்பட்டிருக்கும் இளம் பெண்ணுக்கும் குகதாசனுக்கும் இரண்டு மூன்று வருடங்களாக காதல் இருந்ததாகவும் கூறப்படுகின்றது. கைதுசெய்யப்பட்டுள்ள குகதாசனது தகவலின் அடிப்படையிலே சந்தேகநபரான இளம் பெண் யாரென்று துருவித் துருவி ஆராய்ந்த போது சகோதரரின் மனைவியின் தங்கையெனத் தெரியவந்துள்ளது

(தினகரன்)