திராவிட கட்சிகளையும் விட்டு வைக்கவில்லை ‘விக்கிலீக்ஸ்’

வாக்காளர்களுக்கு பணம் கொடுத்த மு.க.அழகிரி, கார்த்தி சிதம்பரம்: அமெரிக்க தூதரின் ரகசிய செய்தி மூலம் அம்பலப்படுத்தியது விக்கிலீக்ஸ்

தேர்தல் நேரத்தில் வாக்காளர் களுக்கு பணம் கொடுப்பது தென் இந்தியாவில் சாதாரண விஷயம் என்று அமெரிக்க அரசின் தலை மையிடத்திற்கு, சென்னையில் உள்ள அமெரிக்க தூதரக அதிகாரி அனுப்பிய ரகசிய செய்தியில் கூறப்பட்டிருப்பதை ‘விக்கிலீக்ஸ்’ இணையதளம் அம்பலப்படுத்தி யுள்ளது. மத்திய அமைச்சர் மு.க.அழகிரி மற்றும் மத்திய உள்துறை அமைச் சர் ப.சிதம்பரத்தின் மகன் கார்த்தி ஆகியோர் வாக்காளர்களுக்கு பணம் கொடுத்தார்கள் என்றும் அமெரிக்க தூதர் விலாவாரியாக அனுப்பியுள்ள ரகசிய செய்தி, ‘விக்கிலீக்ஸ்’ தகவல் மூலம் வெளிச் செத்திற்கு வந்துள்ளது.

உலகெங்கும் உள்ள அமெரிக் கத் தூதரகங்கள் தங்கள் நாட்டின் வெளியுறவுத்துறைக்கு அனுப்பிய பல்வேறு ரகசிய தகவல்களை விக்கிலீக்ஸ் வெளியிட்டு வருகிறது. இதில் இந்தியா தொடர்பான விவ ரங்களை விக்கிலீக்ஸ், ‘தி இந்து’ நாளிதழுடன் பகிர்ந்து கொண்டுள்ளது.

இதுவரை விக்கிலீக்ஸ் வெளியிடாத இந்தத் தகவல்களை செவ்வாய்க்கிழமை முதல் ‘இந்து’ நாளேடு வெளியிட்டு வருகிறது. அதில் கூறப்பட்டுள்ள விபரங்களில் முக்கிய அம்சங்கள் வருமாறு:

2009ம் ஆண்டு மக்களவைத் தேர்தலின்போது வாக்காளர் களுக்கு பணம், பொருட்கள் கொடுத்ததாக ஆந்திரா மற்றும் தமிழக அரசியல்வாதிகளும், அவர் களின் உதவியாளர்களும் ஒப்புக் கொண்டதாக சென்னையில் உள்ள அமெரிக்கத் தூதரக அதி காரி பிரடரிக் கப்லான், அமெரிக்க வெளியுறவுத் துறை தலைமை யகத்திற்கு அனுப்பிய கேபிளில் கூறப்பட்டுள்ளது.

அமெரிக்க தூதரகக் குழுவிடம் கார்த்தி சிதம்பரம், ரசாயனத்துறை அமைச்சர் மு.க. அழகிரியின் நம் பிக்கைக்குரிய முன்னாள் மதுரை மேயர் எம்.பட்டுராஜன், ஆந்திரா வைச் சேர்ந்த மஜ்லிஸ் இ முத்தா கிதுல் முஸ்லிமீனைச் சேர்ந்த எம்.பி. அசாதுதீன் ஒவைசி ஆகி யோர் தேர்தல் பிரச்சாரத்தின்போது தாங்களும், தங்கள் உதவியா ளர்களும் வாக்காளர்களுக்கு எவ் வாறு பணப் பட்டுவாடா செய்தோம் என்று ஒளிவுமறைவின்றி பேசி யுள்ளனர்.

13-5-2009 அன்று அனுப்பப் பட்டுள்ள கேபிளில், கப்லான், தேர்தல் பணிகளை பண பலம் எவ் வாறு ஆட்டிப் படைக்கிறது என்று இந்த துறையில் உள்ள பலரிடம் சேகரித்த தகவல்களை அனுப்பி யுள்ளார்.

வாக்காளர்களுக்கு அரசியல் வாதிகள் பணம், பொருள் முதலி யவை கொடுப்பது என்பது தென் இந்தியாவில் சாதாரணமான ஒன்று. ஏழை வாக்காளர்கள் வேட்பாளர்கள் ஏதாவது கொடுக்க மாட்டார்களா என்று எதிர்பார்க்கின் றனர். அவர்களும் வாக்காளர் களின் எதிர்பார்ப்புகளை எப்படியா வது பூர்த்தி செய்கின்றனர். கிணறு வெட்ட பணம் கொடுப்பதில் இருந்து, காலையில் செய்தித்தாள் கொடுக் கும்போது அதற்குள் பணத்தை வைத்துக் கொடுத்து, வாக்காளர் களை தங்கள் பக்கம் இழுப்பது வரை தாங்கள் செய்தவற்றை எல்லாம் அரசியல்வாதிகளும், அவர்களது ஆட்களும் ஒப்புக் கொண்டுள்ளனர்.

இதற்கான பணம், கட்சி நிதி திரட்டுவதன் மூலம் கிடைக்கிறது. இவ்வாறு பணம் கொடுப்பதால் வாக்காளர்களின் மனம் மாறு கிறதா என்று உறுதியாக சொல்ல முடியவில்லை என்றாலும், சில நேரங்களில் நிச்சயம் மனம் மாறத் தான் செய்கிறது என்று தூதரக அதிகாரியின் கேபிளில் கூறப் பட்டுள்ளது.

கப்லானும், அவரது ஊழியர் களும் சென்ற இடங்களில் எல் லாம் பத்திரிகையாளர்கள், அரசி யல்வாதிகள், வாக்காளர்கள் லஞ் சம் என்பது தேர்தல் நேரத்தில் ஏற் றுக்கொள்ளப்பட்ட உண்மை என்றே கூறினர்.

இந்தக் குழு சென்னை மற்றும் ஐதராபாத்தில் உள்ள சேரிப் பகுதி களுக்கு சென்றபோது, தேர்தல் நேரத்தில் அங்குள்ள மக்கள் ஏதா வது கிடைக்காதா என்று எதிர் பார்ப்பதை தெரிந்து கொண்டனர்.

அரசியல் வல்லுநர் ஒருவர் அவர்களிடம் கூறுகையில், பிரச் சாரத்திற்கு சேரிப்பகுதிகள் மிகவும் முக்கியமானவை. அங்குள்ள மக் கள் தொகையும், அவர்களது வறு மையும் லஞ்சம் மூலம் அவர்களை சுலபமாக வாங்கிவிடச் செய்கிறது என்றார்.

தேர்தலுக்கு சில வாரங்களுக்கு முன் அரசியல் கட்சிகளின் ஏஜெ ண்டுகள் அரிசி மூட்டையில் பணத் தைக் கொண்டு வருவார்கள். அவர் களிடம் இருக்கும் வாக்காளர் பட் டியலில் உள்ள பெயர்களின் அடிப் படையில் பணப்பட்டுவாடா செய் வார்கள். ஏஜெண்டுகள் வழக்க மாக தேர்தல் ஆணையம் தூங்கும் போது நடு இரவில் குறிப்பாக 2 முதல் 4 மணிக்குள் தான் வரு வார்கள்.

இன்னொரு செய்தித்தாள் கிடைக்குமா?

இதுவரை தமிழகம் கண்டிராத அளவுக்கு அரசியலில் பணப்புழக் கத்தை விட்டவர் மு.க.அழகிரி என் பது கப்லானின் கருத்து. அழகிரி யின் நம்பிக்கைக்குப் பாத்திர மான பட்டுராஜன், கடந்த 2009ம் ஆண்டு ஜனவரி மாதம் நடந்த திருமங்கலம் இடைத் தேர்தலுக் காக வாக்காளர்களுக்கு பணம் கொடுக்கப்பட்டதை ஒப்புக் கொண் டார். இது ஒன்றும் பெரிய ரகசியம் எல்லாம் கிடையாது. அழகிரி திரு மங்கலத்தில் உள்ள ஒவ்வொரு வாக்காளருக்கும் ரூ. 5 ஆயிரம் கொடுத்தார் என்று பட்டுராஜன் ஒப்புக் கொண்டுள்ளார் என கப்லானின் கேபிள் கூறுகிறது.

இன்னொரு செய்தித்தாள் கிடைக்குமா என்ற தலைப்பில் கப் லான் எழுதிய தகவலில், திருமங்க லத்தில் திமுக எவ்வாறு பணப் பட்டுவாடா செய்தது என்று விளக் கமாக கூறியுள்ளார்.

வழக்கமாக நடு இரவில் வாக் காளர்களுக்கு பணம் கொடுப்ப தற்கு பதிலாக, திருமங்கலத்தில் வாக்காளர் பட்டியலில் உள்ளவர் களுக்கு செய்தித்தாள்களில் ஒரு கவரில் பணம் வைத்து கொடுக் கப்பட்டது. அந்த செய்தித்தாள் களில் யாருக்கு வாக்களிக்க வேண்டும் என்று வலியுறுத்தி திமுகவின் வாக்காளர் சீட்டு பூத் சிலிப் வைக்கப்பட்டிருந்தது. இதன் மூலம் வாக்காளர்கள் அனைவரும் கட்டாயமாக லஞ்சம் வாங்க நிர்ப்பந் திக்கப்படுத்தப்பட்டுள்ளனர். செய் தித்தாள்களில் வைத்து பணம் பட்டுவாடா செய்யப்பட்டதை பட்டு ராஜனே ஒப்புக் கொண்டுள்ளார்.

மதுரையில் உள்ள காங்கிரஸ் நிர்வாகி எஸ். கண்ணன் என்பவர், தூதரக ஊழியர்களிடம் கூறுகை யில், திருமங்கலத்தில் தலைக்கு ரூ. 5 ஆயிரம் கொடுக்கப்பட்டது அனைத்தையுமே மாற்றிவிட்டது. இது முன்பு கொடுக்கப்பட்ட ரூ. 500 என்ற தொகையை விட அதிகம் என்றார்.

2009ம் ஆண்டு நாடாளு மன்ற தேர்தலின்போது, திருமங் கலத்தில் செய்ததுபோல் பணம் பட்டுவாடா செய்வதில் சிரமம் ஏற் பட்டது. ஏனென்றால் சட்டசபை தொகுதியை விட மக்களவை தொகுதி 7 மடங்கு பெரியது. இருப் பினும் செய்தித்தாள் முறை மூலம் பணம் கொடுக்கத்தான் அழகிரி திட்டமிட்டார்.

கார்த்தி சிதம்பரம்

மத்திய அமைச்சர் ப.சிதம்பரத் தின் 2009ம் ஆண்டு மக்கள வைத் தேர்தல் பிரச்சாரத்தை அவ ரது மகன் கார்த்தி சிதம்பரம் தான் கவனித்துக் கொண்டார். கார்த்தி சிதம்பரம் ஓட்டுக்கு பணம் கொடுக் கவில்லை என்று மறுத்தார். அதே நேரத்தில் “அவ்வாறு செய்வது தவறு என்றெல்லாம் ஒன்றும் இல்லை. சிவகங்கை தொகுதியில் உள்ள அனைத்து கிராமங்களுக்கு பணம் பட்டுவாடா செய்வது சாத் தியம் இல்லை என்று தான்” என ஒப்புக் கொண்டார்.

கேபிளில் பெயர் குறிப்பிடாத தமிழக இளைஞர் காங்கிரஸ் தலைவர் சென்னையில் உள்ள தூதரக குழுவிடம் கூறுகையில், சிவகங்கையில் கார்த்தி சிதம்பரம் சிறப்பாக செயல்படுகிறார். அவர் சிலருக்கு பணம் கொடுத்துள்ளார். ஆனால் அவரது தந்தை அவ் வாறு செய்யமாட்டார் என்றார்.

தனது தந்தையை ஆதரிக்கும் சில கிராம மக்களுக்கு பணம் கொடுத்ததை கார்த்தி ஒப்புக் கொண்டுள்ளார். பெரும்பாலான கிராமங்கள் உள்ளூர் கோயில் களுக்கும், சத்திரங்களுக்கும் நன் கொடை கேட்டன என்றார்.

இது தவிர ஐதராபாத்தில் ஒவைசி, வாக்காளர்களுக்கு பணம் கொடுத்ததை ஒப்புக் கொண்டார். நான் கிணறு வெட்ட பணம் கேட் டவர்களுக்கு கட்சியினர் மூலம் ரூ.25 ஆயிரம் கொடுத்து, அவர் கள் கிணறு தான் வெட்டுகிறார் களா என்று கண்காணிக்குமாறு கூறினேன். நான் வாக்காளர் களுக்கு நேரடியாக பணம் கொடுக் கவில்லை, அவர்களின் தேவை களை பூர்த்தி செய்தேன். நான் ஒரு அனாதைப் பெண்ணின் திரு மணத்திற்கு ரூ. 35 ஆயிரம் கொடுத் தேன் என்று ஒப்புக் கொண்டார். இவ்வாறு பணம் கொடுப்பது சட்ட விரோதமில்லையா என்று கேட்ட தற்கு, ஆமாம், ஆனால் இதுதான் ஜனநாயகம் என்று பதில் அளித் தார் என அமெரிக்க தூதரக அதி காரி கப்லானின் ரகசிய கேபிள் களில் கூறப்பட்டுள்ளது.