அண்ணன் சிவாவுக்கு அகவை 64 அகமகிழ வாழ்த்திடுவோம்.

உலக மெங்கும் உள்ள தமிழகளிடம் குறிப்பாக அரசியவையும் எமது நாட்டின் சூழ்நிலையும்; சிந்திக்கின்ற அத்தனை பெயர் மத்தியிலும் அறியபட்ட பெயர் தோழர்  விஸ்வலிங்கம் சிவலிங்கம். கடந்த 11 ஆண்டுகளாக தமிழ் ஒலிபரப்பு கூட்டுத்தாபனத்தில் ஞாயிற்றுக்கிழமை மதியச் செய்தியின் பின் அரசியல் ஆய்வினையும், வியாழன் தோறும் அரசியல் கலந்துரையாடலையும் அறிவுபூர்வமாகவும் ஆரோக்கியமாகவும் உலக வாழ் தமிழ் பேசும் மக்கள் மத்தியில் கொண்டு சென்ற பெருமை திரு. விஸ்வலிங்கம் சிவலிங்கம் அவர்களைச் சாரும் என்பதில் ஜயமில்லை. இவர் மழை, வெய்யில், பணி என்று பாராமலும் பல அச்சுறுத்தல் நெருக்குவாரங்களுக்கு மத்தியிலும் 11 ஆண்டுகளாக தனது பணியை தமிழ் ஒலிபரப்புக் கூட்டுத்தாபனத்தின் ஊடாக வழங்கி வருவதை தமிழ் ஒலிபரப்புக் கூட்டுத்தாபனத்தின் நேயர்கள் மறந்து விடமாட்டார்கள்.

இவர் இளமையில் இருந்தே இடதுசாரிக் கொள்கையாளராகவும் செயற்பாட்டளாரகவும் தமிழ் பேசும் மக்களின் அரசியல் உரிமைப்  போராட்டத்துக்காக தொடர்ந்தும் குரல் கொடுத்து வருபவர். இவர் தன்னுடைய தெளிவான கருத்தை எந்த இடத்திலும் சொல்லத் தயங்கியவரல்ல. இவர் ஒரு சிறந்த சிந்தனையாளர். சிறந்த எழுத்தாளர். இலக்கிய விமர்சகர், அரசியல் ஆய்வாளர். சிறந்த மொழிபெயர்ப்பாளர். சிறந்த பேச்சாளர்.சிறந்த பண்பாளர்

இவருக்கு எதிரிகள் என இருக்கமுடியாது. அப்படி இருந்துவிட்டாலும் கூட இவரை சந்திக்க நேர்ந்தால் எதிரியாக இருந்தவர் இவரின் பண்பினைப் பார்த்து பாராட்டத் தொடங்கிவிடுவர். அந்தளவுக்கு பண்பானவர்.

10 வருடங்களுக்கு  முன்  இவரின் அரசியல் கருத்தினைக் கேட்டுமுகம் சுளித்தவர்கள் ஆத்திரம் கொண்டவர்கள் திட்டித் தீர்த்தவர்கள் இவரை இன்று அரசியல் ஆசானாக ஏற்றுக் கொண்டுள்ளனர்.

இந்த நல்ல மனிதரின் பொன்னான  பிறந்த நாளில் அவருக்கு மனம் நிறைந்த வாழ்த்துக்களை தெரிவிப்பதோடு அவர் மேலும் பல்லாண்டு காலம் நோய் நொடியின்றியும் வாழ்ந்திடவும் அவருடைய பணி தொடரவும் எண்ணங்கள் நிறைவேறவும் தமிழ் ஒலிபரப்புக் கூட்டுத்தாபனத்தின் நேயர்கள் நிகழ்ச்சித் தயாரிப்பாளர்கள் நிர்வாகிகள் மனம் நிறைந்து வாழ்த்துகின்றோம்.