தவறான முடிவுகள் எடுக்கும் சரியான மனிதர் வைகோ

கடந்த 2006 சட்டசபை தேல்தல் முதல் அ.தி.மு.க. கூட்டணியில் இருந்த ம.தி. மு.க. தற்போது அதிலிருந்து விலகியுள்ளது. இரண்டு மாதத்துக்கு அரசியல் துறவறம் மேற்கொள்ளப்போவதாக வைகோ அறிவித்துள்ளார். குட்டிக் கட்சிகள் கூட களம் காணத் தயாராகும் இந்த நேரத்தில் வைகோ போன்ற முதிர்ந்த அரசியல்வாதிகள் இத்தகைய முடிவை எடுத்தது அரசியல் நோக்கர்களிடையே அதிர்வலைகளை ஏற்படுத்தியுள்ளது. தி.மு.க.வில் இருந்து திட்டமிட்டு வெளியேற்றப்பட்ட வைகோ, மீண்டும் 1999 லோக்சபா தேர்தலில் அக்கட்சியுடனே கூட்டணிக்கு சம்மதித்தது மிகப் பெரிய பின்னடைவை ஏற்படுத்தியது.

அடுத்து நடந்த 2001 சட்டசபை தேர்தலில் ஒரு ஆசனத்துக்காக உணர்ச்சி வசப்படாமல் இருந்திருந்தால் 15 முதல் 20 எம்.எல்.ஏ. க்களை அப்போதே ம.திமு.க. பெற்றிருக்கும். கூட்டணியில் இருந்து வெளியேறி தனித்துப் போட்டியிட்டு அதையும் இழந்தார் வைகோ.

தொடர்ந்து மூன்று ஆண்டுகள் தி.மு.க. மீது சீறிப் பாய்ந்த அவர், 2004 லோகசபா தேர்தலில் அவர்களோடு இணைந்து அண்ணன் கலைஞர், தம்பி வைகோ என மாறி மாறி கண்ணீர் உகுத்ததை, அடிமட் டத் தொண்டர்கள் விரும்பவில்லை. அதேபோல 2006 ஆம் ஆண்டு சட்டசபை தேர்தலிலும் மூன்று ஆசனங்களுக்காக தி.மு.க.வை முறைத்துக்கொண்டு அ.தி. மு.க. அணியில் ஐக்கியமானார்.

பொடா சட்டத்தின் கீழ் சிறையில் அடைக்கப்பட்ட வடுக்கள் மறைந்திராத நேரமது. முதல் நாள் பாசிச ஜெயலலிதா என முழங்கியதும், மறுநாள் அன்புச் சகோதரி என முழங்கிய தும், தர்மசங்கடத்தை ஏற்படுத்தின. அதன் பிறகு அம்மையாருக்கு முழு விசு வாசமாகத் தான் இருந்தார் வைகோ. அந்த விசுவாசம், எல்லை கடந்த சென் றது தான் அவருக்கே வினையாக அமைந்தது. 2006 தேர்தலில், ஆறு தொகுதிகளில் மட்டுமே வெற்றிபெற முடிந்தது. அதிலும் ஒரு எம்.எல்.ஏ. இறந்து விட்டார்.

அதற்காக நடந்த திருமங்கலம் இடைத்தேர்தலில் தொகுதியை அ.தி.மு.க.வுக்கு தாரை வார்த்துவிட்டார். அப்போது கட்சிக்குள் முணுமுணுப்புகள் எழுந்தன.

ஆரம்ப காலத்தில் தோளோடு தோள் நின்று அத்தனை பேரும், இன்றைய திகதியில் ம.தி.மு.க.வில் இல்லை. காரணம் ஆயிரம் இருக்கலாம் வைகோ பக்கமே நியாயம் இருக்கலாம் முக்கிய புள்ளிகள் வெளியேறுகின்றனர் என்ற ஒரு வரி மட்டும் தான் உலகத்தைச் சென்ற டைந்தது. விலகிய அளவுக்கு புதிய ஆட்களைச் சேர்த்திருந்தால் கூட இத் தகைய விமர்சனங்கள் எழுந்திருக்காது.

இந்த ஆட்சியில் நடந்த இடைத் தேர்தல்களைப் புறக்கணிப்பதென ஜெயலலிதா முடிவெடுத்தார். அதற்கும் உடன்பட்டார் வைகோ.

ஆட்சியைப் பிடிக்க நினைக்கும் அரசியல் கட்சிகள், தேர்தலைப் புறக் கணிப்பது நல்லதல்ல என்பதை உணர்ந்து அடுத்த தேர்தலிலே அ.தி.மு.க. போட்டி யிட்டது. அத்தனை கட்சிகளும் ஆர்ப் பாட்டம், போராட்டம், மாநாடு என சுறுசுறுப்பாக இயங்கிக்கொண்டிருக்கையில், விசுவாசத்துக்கு குந்தகம் வந்துவிடக் கூடாது என அமைதியாக இருந்தார் வைகோ.

2009 லோகசபா தேர்தலில் விருதுநகர் தொகுதியில் போட்டியிட்ட போது கூட அதைத்தான் பிரசாரம் செய்தார். இப்படி பல நேரத்தில் அவர் எடுத்த தவறான முடிவுகள், நிதர்சனத்துக்கும், அந்த நல்ல மனிதருக்கும் இடையிலான இடைவெளியை அதிகரித்துக் கொண்டே சென்றன. இன்று சட்டசபை பொதுத் தேர்தலையே புறக்கணிக்கும் முடிவை எடுத்திருக்கிறார்.