தமிழக காங்கிரஸ் பட்டியலை நிராகரித்தார் சோனியா காந்தி

அடுத்த முதல்வராக கருணாநிதியும் ஆக முடியாது ஜெயலலிதாவும் ஆக முடியாது

தற்கொலை செய்து கொள்ளக் கூடியவர் அல்ல சாதிக் பாட்சா. அவரது இறப்பு குறித்து சி.பி.ஐ. விசாரிக்க வேண்டும் என சுப்பிரமணியசாமி தெரிவித்துள்ளார். ஜனதா கட்சி தலை வர் சுப்பிரமணிய சாமி, சென்னையில் நேற்று முன்தினம் அளித்த பேட்டி தமிழக சட்டசபை தேர்தலில் பா.ஜ. கட்சியின் தாமரை சின்னத்தில் போட்டியிடும் அனைத்து வேட்பாளர்களையும் ஆதரிக்க ஜனதா கட்சி முடிவு செய்துள்ளது.

நான் 10 தொகுதிகளில் பிரசாரம் செய்கிறேன். இந்தத் தேர்தலில் எங்கள் கட்சிக்கு பிரதிநிதித்துவம் கிடைத்தால் அவர்கள் ஊழலுக்கு எதிராகப் போராடுவர். தேர்தலுக்குப் பின் தமிழக அரசியலில் புது திருப்பம் ஏற்படும். இப்போதைய கூட்டணிகள் ஏதும் அமையாது. அப்போது புதிய கூட்டணி ஏற்பட்டிருக்கும்.

அடுத்த முதல்வராக கருணாநிதியும் ஆக முடியாது ஜெய லலிதாவும் ஆக முடியாது. அடுத்த முதல்வர் யார் என்பதை அடுத்த புதிய கூட்டணி தீர்மானிக்கும். இலஞ்ச ஒழிப்பு, தீவிரவாதம், பொருளாதார ஏற்றம், தேசிய மற்றும் சர்வதேச விவகாரங்களில் தமிழர்களுக்கு நியாயம் வழங்குதல், கோயில் நிர்வாகத்தை அரசின் பிடியிலிருந்து விடுவித்தல், கோயில் ஊழியர்களை அரசு ஊழியர் ஆக்கு வது, வீடு, ஓய்வூதியம் உள்ளிட்ட பல்வேறு திட்டங்களை வலி யுறுத்தி பிரசாரம் மேற்கொள்வோம்.

தி.மு.க. காங்கிரஸ் - அ.தி.மு.க. ஆகியவற் றின் ஊழல் இலஞ்ச நடவடிக்கைகளினால் தமிழர்கள் இன்று சுயமரியாதையை இழந்து நிற் கின்றனர்.

ஜனதா கட்சி வேட்பாளர்கள் வெற்றி பெற்றால் தமிழர் பண்பாடு, பெருமை மீண்டும் நிலைநாட்டப்படும். 2 ஜி அலைக்கற்றை விவகாரத்தில் மத்திய அமைச்சர் சிதம்பரம், சோனியாவின் மருமகன் ராபர்ட் வாத்ரா ஆகியோரின் பெயரையும் சேர்க்க வேண்டும்.

இது தொடர்பாக நான் பிரதமருக்கு கடிதம் எழுதுவேன். கருணாநிதி மீது நான் ஆளுநரிடம் கொடுத்துள்ள புகார் மனு குறித்து நடவடிக்கை எடுக்க அவருக்கு மூன்று மாத அவகாசம் உள்ளது. தேர்தலுக்குப் பின் நான் ஆளுநரிடம் அனுமதி பெற வேண்டிய தேவை இருக்காது.

சாதிக் பாட்சா மரணத்தில் சந்தேகம் உள்ளது. அவர் தற்கொலை செய்து கொள்ளக் கூடிய நபர் அல்ல. அவரது மரணம் குறித்து சி.பி.ஐ. விசாரிக்க வேண்டும். இவ்வாறு சுப்பிரமணியசாமி கூறினார்.

தமிழக காங்கிரஸ் பட்டியலை நிராகரித்தார் சோனியா காந்தி

தமிழ்நாடு காங்கிரஸ் சார்பில் பரிந்து ரைக்கப்பட்ட காங்கிரஸ் வேட்பாளர் பட்டியலை கட்சித் தலைவர் சோனியா காந்தி நிராகரித்துவிட்டார். இதனால் தமிழக காங்கிரஸ் வட்டாரங்கள் அதிர்ச்சியில் ஆழ்ந்துள்ளன என்று தெரிகிறது.

இரண்டு முறைக்கு மேல் எம்.எல்.ஏ. க்களாக இருந்தவர்களுக்கு மீண்டும் போட்டியிட வாய்ப்பு இல்லை என்று காங்கிரஸ் தலைவர் சோனியா காந்தி முடிவு செய்திருப்பதாகக் கூறப்படுகிறது. தமிழ் நாடு காங்கிரஸ் குழுத் தலைவர் தங்கபாலு தலைமையிலான 20 பேர் கொண்ட மாநில தேர்தல் குழு மார்ச் 17 ஆம் திகதி விருப்ப மனுக்களை ஆய்வு செய்து ஒவ்வொரு தொகுதிக்கும் 3 முதல் 5 பேர் கொண்ட பரிந்துரைப் பட்டியலை இறுதி செய்தது.

காங்கிரஸ் மத்திய தேர்தல் குழுவில் இடம்பெற்றுள்ள வயலார் ரவி, ஆஸ்கர் பெர்னாண்டஸ், குலாம் நபி ஆசாத் ஆகியோரிடம் பரிந்துரைப் பட்டியலை வழங்கினார் தங்கபாலு. திங்கட்கிழமை மாலை 5 மணி முதல் 7 மணி வரை வயலார் ரவி, ஆஸ்கர் பெர்னாண்டஸ், குலாம் நபி ஆசாத், தங்கபாலு ஆகியோர் பரிந்துரைப் பட்டியலை ஆய்வு செய்து வேட்பாளர் பட்டியலை இறுதி செய்ததாகக் கூறப்படுகிறது.

இலண்டனில் இருந்து டில்லி திரும்பிய காங்கிரஸ் தலைவர் சோனியா காந்தியிடம் இந்தப் பட்டியலை அவர்கள் நேற்று முன்தினம் இரவு வழங்கியதாகவும் அதனை நிராகரித்த அவர் இரண்டு முறைக்கு மேல் எம்.பி. அல்லது எம்.எல்.ஏ.க்களாக இருந்தவர்களுக்கு வாய்ப்பு இல்லை என்றும் புதியவர்களுக்குத் தான் வாய்ப்பு என்று கூறியதாகவும் தெரி கிறது. இதனால் காங்கிரஸ் வட்டாரத்தில் பெரும் பரபரப்பு ஏற்பட்டுள்ளது.