புலம்பெயர் இலங்கையர்களின் சமய கலாச்சார நிகழ்வுகளில் இலங்கை உயர்ஸ்தானிகர்

கடந்த ஞாயிறு அன்று கனடா நாட்டிற்கான இலங்கைத்தூதுவர் கௌரவ சித்ராங்கனி வாஹீஸ்வரா அவர்கள் புலம்பெயர் இலங்கையர்களின் சமய கலாச்சார நிகழ்வுகளில் கலந்து கொள்வதற்காக ஒட்டாவா நகரிலிருந்து டொரொன்டோ ஸ்கார்புரோ நகரிற்கு டொரொன்டோ துணைத்தூதர் கருணாரத்ன பரணவிதான‌ சகிதம் வருகை தந்திருந்தார்.

இதில் முதலாவது நிகழ்வாக புதிதாக நிர்மாணம் செய்யப்பட்ட ஸ்கார்புரோ பெரிய சிவன் ஆலயத்தின் கும்பாபிஷேகத்தில் கௌரவ சித்ராங்கனி வாஹீஸ்வரா அவர்கள் கலந்து கொண்டார்.ஸ்கார்புரோ பெரிய சிவன் ஆலயத்தின் கும்பாபிஷேகத்தில் கனடாவைச்சேர்ந்த அனைத்து இந்து மதகுருமார்களும் சமுகமளித்திருந்தனர்.வருகைதந்த அனைவரையும் ஆலயத்தின் அறங்காவலர் சிவனடியார் வரவேற்று ஆலயத்திற்கு அழைத்துச்சென்றார்.

பின்னர் நடந்த பிரதான பூசையில் தூதரக அதிகாரிகளுடன் கலந்துகொண்டு சிவபெருமானின் ஆசியை பெற்றார்.இலங்கையின் உயர்ஸ்தானிகரும் உதவி உயர்ஸ்தானிகரும் சிவனடியாரால் அங்கு சூழ்ந்திருந்த சகல மதகுருமாரளுக்கும் மற்றும் பொதுமக்களுக்கும் அறிமுகம் செய்து வைக்கப்பட்டனர்.

இந்நிகழ்வின்போது பேசிய கௌரவ உயர்ஸ்தானிகர் சித்ராங்கனி வாஹீஸ்வரா அவர்கள் தனது முதலாவது இந்து ஆலய விஜயம் இது என்று குறிப்பிட்டார்.இதன்போது சிவனடியார் அவர்கள் இலங்கையில் பிரசித்தி பெற்ற சிவன் ஆலயங்களில் ஒன்று மாத்தறையில் உள்ளதாகவும் அது பழுதடைந்துள்ளதால் அதனை மீள திருத்தியமைக்கும் படி கேட்டுக்கொண்டார்.அதற்கு மேற்படி சிவாலயமானது அமைச்சர் டலஸ் அள‌கப்பெருமவின் தொகுதியில் உள்ளதாகவும், தான் மேற்குறித்த சிவன் ஆலயம் தொடர்பாக கௌரவ ஜனாதிபதியிடமும்,அமைச்சர் டலஸ் அளகப்பெருமவிடமும் கவனத்திற்கு கொண்டுவந்து நிறைவு செய்வதாகவும் கூறினார்.த‌ன‌து ஒட்டாவா தூத‌ர‌க‌ம் த‌மிழ் ம‌க்க‌ளுக்காக‌ என்றென்றும் திற‌ந்தே இருக்கும் என்றும் அவ‌ர் கூறினார்.

பின் உரையாற்றிய‌ துணைத்தூத‌ர் க‌ருணார‌த்ன‌ ப‌ர‌ண‌விதான‌ அவ‌ர்க‌ள் த‌ன‌து சிவ‌ ப‌க்தியையும்,பெரிய‌ சிவ‌ன் ஆல‌ய‌த்தின் வ‌ள‌ர்ச்சியையும்,இல‌ங்கையிலுள்ள‌ சிவ‌பெருமான் ஆல‌ய‌ங்க‌ள் ப‌ற்றியும் குறிப்பிட்டார்.இன்றைய‌ நிக‌ழ்வுக‌ள் போல் நாம் அனைவ‌ரும் ஒற்றுமையாக‌ வாழ‌ வேண்டுமென்று எல்லாம் வ‌ல்ல‌ இறைவ‌னை பிரார்த்திப்ப‌தாக‌ அவ‌ர்மேலும் கூறினார்.

இந்திக‌ழ்வின்போது ப்ர‌ம்ட‌ன் மேற்கு பாராள‌ம‌ன்ற‌ உறுப்பின‌ர் அன்று க‌னியா(Andrew Kania - Brampton West mp) க‌ன‌டிய‌ அர‌சின் சார்பாக‌ வாழ்த்து செய்தியை திரு சிவ‌ன‌டியான் அவ‌ர்க‌ளிட‌ம் கைய‌ளித்து உரை நிக‌ழ்த்தினார்.

பெரிய‌ சிவ‌ன் ஆல‌ய‌த்தின் கும்பாபிஷேக‌ நிக‌ழ்வுக‌ளை க‌ன‌டா த‌மிழ் வ‌ன் தொலைக்காட்சியும், திரு ந‌ட‌ராஜ் குமாரின் கீத‌வாணி வானொலியும் நேரடியாக‌ ஒலிப‌ர‌ப்பு செய்த‌மை குறிப்பிட‌த்த‌க்க‌து.

ஆல‌ய‌ நிக‌ழ்ச்சிக‌ளை கனடா லிப‌ர‌ல் பார்ட்டி அமைப்பாள‌ர்க‌ளான‌ சிவ‌ம் விநாய‌க‌மூர்த்தி,சூரிய‌குமார் ந‌வ‌ர‌த்ன‌ம் ம‌ற்றும் கிறிஸ் பார்த்தீப‌ன் ஒழுங்கு செய்திருந்த‌மை குறிப்பிட‌த்த‌க்க‌து.

பின்ன‌ர் க‌னடாவின் புதிய‌ இள‌ம் த‌லைமுறையின‌ரை ச‌ந்திக்க‌ டொரொன்டோவிலுள்ள‌ இல‌ங்கை இஸ்ல‌மிய‌ ப‌ள்ளிவாச‌லுக்கும்(Masjid Al Jannah) சென்ற‌ன‌ர்.அங்கு கௌர‌வ‌ உய‌ர்ஸ்தானிக‌ர் சித்ராங்கனி வாஹீஸ்வரா ம‌ற்றும் துணைத்தூதுவ‌ர் கருணாரத்ன பரணவிதான‌ இளையோர்க‌ள் ம‌த்தியில் உரையாற்றின‌ர்.இந்த‌ இள‌ம் த‌லைமுறையின‌ர் க‌ல்வியில் சிற‌ந்த‌ நிலையில் விள‌ங்குவ‌தையிட்டு தான் மிக‌வும் ம‌கிழ்ச்சிய‌டைவ‌தாக‌வும் அங்கு கௌர‌வ‌ உய‌ர்ஸ்தானிக‌ர் சித்ராங்கனி வாஹீஸ்வரா அவ‌ர்க‌ள் குறிப்பிட்டார்.இவ‌ர்க‌ளின் அறிவு இல‌ங்கையின் வ‌ள‌ர்ச்சியில் ப‌ங்கெடுக்க‌வேண்டும் என‌ அவ‌ர் மேலும் குறிப்பிட்டார்.

அன்று மாலையில் டொரொன்டோ ட‌வுன் ட‌வுனிலுள்ள‌ க‌த்தோலிக்க‌ தேவால‌ய‌த்தில்(Our Lady of Loards) ந‌ட‌ந்த‌ ஈஸ்ட‌ர் மாத‌ ஆராத‌னையிலும் க‌ல‌ந்து கொண்டு யேசுபிரானின் ஆசீர்வாத‌தையும் பெற்ற‌ன‌ர்.பின்பு அங்கு ச‌முக‌ம‌ளித்த‌ அனைத்து ச‌முக‌ ம‌க்க‌ளிட‌ம் க‌ல‌ந்துரையாடின‌ர்.

க‌ட‌ந்த‌ ச‌னிக்கிழ‌மை இர‌வு இளைய‌பார‌தியின் சீ.ரீ.பி.சீ(CTBC) வானொலியில் நேர‌டி தொலைபேசி உரையாட‌லில் க‌ல‌ந்துகொண்டு வ‌சிக‌ர‌னின் கேள்விக்க‌ணைகளுக்கு ந‌ன்கு பதிலளித்த‌மை குறிப்பிட‌த்த‌க்க‌து.

க‌ன‌டா உத‌ய‌ன் ஆசிரியர் லோகேந்திர‌லிங்க‌ம்,இல‌ங்கை வீர‌கேச‌ரி ப‌த்திரிகை பிர‌த‌ம‌ ஆசிரிய‌ர் வி.தேவ‌ராஜா ஆகியோர் இந்நிக‌ழ்வில் க‌ல‌ந்து கொண்டு பேட்டி எடுத்த‌மையும் குறிப்பிட‌த்த‌க்க‌து.