கூட்டுப்படை தாக்குதல் தொடர்கிறது

லிபிய வான் பரப்பில் 175 தடவைகள் தாக்குதல் விமானங்கள் பறந்தன

கூட்டுப்படைக்கு தலைமை தாங்குவதில் தொடர்ந்து சிக்கல்

லிபியா மீதான அமெரிக்க கூட்டுப் படை தாக்குதல் நேற்றைய தினத்திலும் தொடர்ந்தது. இதன்போது லிபியா தலைநகர் திரிபோலி மற்றும் தென் மேற்கு நகரான ஜாபர் பகுதிகளில் கூட்டுப் படையி னரால் ஏவுகணை மற்றும் விமானத் தாக்குதல் நடத்தப்பட்டதாக அங்கிருந்து வரும் செய்திகள் தெரிவிக்கின்றன. இதில் தலைநகர் திரிபோலியில் எட்டு இடங்களில் தொடர்ச்சியாக வெடிப்புச் சத்தங்கள் கேட்டதாக அங்கிருக்கும் அல் ஜஸிரா ஊடகவி யலாளர் செய்தி வெளியிட் டுள்ளார். தவிர ஜாபர் பகுதியில் உள்ள முக்கிய இராணுவ தளங்களின் மீதும் கூட்டுப் படை தொடர்ச்சியாக தாக்குதல் நடத்தியுள்ளது. இதன்படி லிபிய வான் பரப்பில் கூட்டுப் படை தாக்குதல் விமானங்கள் நேற்றைய தினத்தில் மாத்திரம் 175 தடவைகள் பறந்ததாக அமெரிக்க விமானப் படை கூறியுள்ளது.

இதில் அமெரிக்க விமானங்கள் மாத்திரம் 113 தடவைகள் பறந்ததாக கூறியுள்ளது. இதேபோன்று கடந்த மூன்று நாட்களில் மாத்திரம் மிசுரடா, அஜபியா மற்றும் சிந்த் பகுதிகளில் தமது விமானங்கள் கடாபி ஆதரவுப் படையின் ஆயுதம் தரித்த 10 வாகனங்களை தாக்கியதாக பிரான்ஸ் விமானப் படை கூறியுள்ளது. இந்நிலையில் கடாபி விமானப் படையால் தொடர்ந்தும் விமானம் மூலம் தாக்குதல்களை மேற்கொள்ள முடியாது என பிரிட்டன் ஏயார் வைஸ் மார்ஷல் கிரேக் பெக்வெல் குறிப்பிட்டுள்ளார்.

இதனிடையே கூட்டுப் படைகளின் தாக்குதலை லிபிய அரச தொலைக்காட்சியும் உறுதி செய்தது. கலனிய சிலுவைப் படை லிபியாவின் இராணுவம் மற்றும் சிவிலியன்கள் மீது தாக்குதல் நடத்தியது என்று அந்த செய்தி கூறியுள்ளது.

இந்நிலையில் அமெரிக்க கூட்டுப் படையின் தாக்குதலில் கொல்லப்பட்ட 18 உடல்களை லிபிய இராணுவம் நேற்றைய தினம் தேர்வு செய்யப்பட்ட ஊடகவியலாளர்களுக்கு காண்பித்தது. அதில் சிவிலியன்களும் உள்ளடக்கப்பட்டுள்ளதாக லிபிய இராணுவம் கூறியுள்ளது.

அதேபோன்று தாக்குதல் இடம்பெற்ற கடாபியின் குடியிருப்பு பகுதியையும் நேற்றைய தினம் ஊடகவியலாளர்களுக்கு காண்பிக்கப்பட்டது.

இதேவேளை, லிபிய இராணுவத் தினருக்கு கிளர்ச்சியாளர்களுக்கும் இடையிலான மோதல்கள் தொடர்ந்தவண் ணம் உள்ளன. இதில் கடந்த ஒரு வாரமாக அமைதி நிலவிய மிஸ்டரா பகுதியில் மீண்டும் மோதல் மூண்டுள்ளது. இதில் கடாபி ஆதரவுப் படை அங்குள்ள மருத்துவமனை மீது ஷெல் தாக்குதல் நடத்தியுள்ளது.

இதில் பலர் கொல்லப்பட்டுள்ளதாக செய்தி வெளியாகியுள்ளது. இது தவிர திரிபோலிக்கு 160 கிலோ மீற்றர் அப்பால் உள்ள சின்டான் மற்றும் கிளர்ச்சிப் படையின் தலைமையகத்திற்கு அண்டியுள்ள அஜபிய பகுதிகளிலும் தொடர் மோதல்கள் இடம்பெற்று வருகின்றன.

எனினும் கிளர்ச்சியாளர்களுடன் மோதலில் ஈடுபடுவதாக கூறும் செய்தியை கடாபி ஆதரவுப் படை மறுத்துள்ளது. தாம் தற்காப்பு யுத்தத்திலேயே ஈடுபட்டு வருவதாக அது கூறியுள்ளது.

எவ்வாறாயினும் அமெரிக்க கூட்டுப் படை கடாபி ஆதரவுப் படைக்கு விமானங்கள் மூலம் தாக்குதல் நடத்தி அவர்கள் முன்னகர முடியாமல் தடுத்து வருகின்றமை குறிப்பிடத்தக்கது.

இதேவேளை கூட்டுப் படைக்கு யார் தலைமை தாங்குவது என்ற சர்ச்சைக்கு இன்னும் தீர்வு காணப்படவில்லை. அமெரிக்கா விரைவில் தமது கட்டுப்பாட்டை கைமாற்றுவதாக கூறியிருந்தாலும் அது யாரிடம் வழங்கப்போகிறது என்பது இன்னும் தெளிவாகவில்லை.

நேட்டோ கூட்டுப்படைக்கு தலைமை ஏற்பதாக இன்னும் உத்தியோபூர்வமாக அறிவிக்கவில்லை.

அதன் இறுதி முடிவு விரைவில் எடுக்கப்படும் என எதிர்பார்க்கப்படுகிறது. நேட்டோ தலைமை தாங்கும் பட்சத்திற்கு அதற்கு அரபு நாடுகள் எதிர்ப்பு தெரிவிக்கவும் வாய்ப்பு உள்ளதாக தெரிகிறது.

எனினும் கூட்டுப்படையில் சேராத நேட்டோ உறுப்பு நாடான ஜெர்மனி லிபியாவுக்கு அருகாமையில் தரித்து வைத்திருந்த தமது போர் கப்பல்களை அங்கிருந்து அகற்றியுள்ளது.

இதேபோன்று கூட்டுப் படையில் உள்ள இத்தாலி பொது மக்களுக்கு பாதிப்பு ஏற்படும் என்று லிபிய மீதான தாக்குதல்களை தொடர்ந்து தவிர்த்துவருவதாக அதன் விமானப் படை தரப்பு கூறியுள்ளது.

எவ்வாறாயினும் லிபியா மீதான தாக்குதலுக்கு அரபு நாடுகளான குவைட் மற்றும் ஜோர்தான் கொள்கை ரீதியில் ஆதரவு அளித்துள்ளதாக பிரிட்டன் பிரதமர் டேவிட் கெமரூன் தெரிவித்துள் ளார். இந்த தகவலை ஜோர்தான் அர சும் உறுதி செய்தது எனினும் மனிதாபிமான உதவிகளில் தாம் நேடியாக பங்கேற்பதாக ஜோர்தான், குவைட்டுடன் ஐக்கிய அரபு இராச்சிய அரசுகள் கூறியுள்ளன.