வேறு உள்நோக்கத்துடனே அமெரிக்கா இலங்கைக்கெதிராக பிரேரணை தயாரிப்பு

ஜெனீவாவில் நடைபெற்று வரும் ஐ.நா. மனித உரிமைப் பேரவை அமர்வு குறித்தே தற்பொழுது பரபரப்பாகப் பேசப்படுகிறது. இலங்கைக்கு எதிரான சதி குறித்தும் 2012ல் அனைவருக்கும் மின்சார வசதி அளிக்கும் அரசின் இலக்கு குறித்தும் மின்சக்தி எரிசக்தி அமைச்சர் சம்பிக ரணவக்கவுடன் நடத்திய நேர்காணல் :
கேள்வி : இலங்கைக்கு எதிராக அமெரிக்க பிரேரணையொன்றை கொண்டுவர உள்ளது. அமெரிக்கா திடீரென ஏன் இலங்கைக்கு எதிராக கடும் போக்கைப் பின்பற்றுகிறது?

பதில் : பயங்கரவாதத்துக்கு எதிரான யுத்தம் என்ற கோசத்தை அமெரிக்கவே ஆரம்பித்தது. சர்வதேச மட்டத்தில் நடந்த பல்வேறு பயங்கரவாதச் செயல்களுடன் புலிகளுக்கு தொடர்பு இருப்பதையும் அமெரிக்கா அறிந்தே இருந்தது. இலங்கை புலிகளை அழித்தது அமெரிக்காவுக்கும் ஒரு வகையில் சாதகமாகவே இருந்தது.

இந்த நிலையில் இலங்கைக்கு எதிராக அமெரிக்கா இவ்வாறு பிரேரணை யொன்றை கொண்டு வருவது புதுமை யாகவே உள்ளது. இறுதிக்கட்ட யுத்தத் தில் 40 ஆயிரம் பேர் கொல்லப்பட்ட தாக பல்வேறு மட்டத்திலும் பரப்பப் பட்ட தகவல்கள் உண்மை என நம்பும் நிலை உருவாக்கப்பட்டுள்ளது.

ஆனால் வடக்கில் நடத்தப்பட்ட தனியான சுயாதீன கணிப்பீட்டின் மூலம் இயற்கை மரணம், புலிகள் தரப்பு இறப்பு அடங்கலாக 2009 ஜனவரி முதல் மே வரையில் 8998 பேரே இறந்துள்ளனர்.

புலிகள் செய்த அநியாயங்கள் குறித்து எதுவும் கூறாது இலங்கைக்கு எதிராக இவ்வாறு பக்க சார்பான பிரேரணை கொண்டு வருவது அநீதி. இது தவிர ரொபட் பிளேக்கிற்கு இலங்கை தொடர்பில் தனிப்பட்ட குரோதம் இருக்கலாம்.

இறுதிக்கட்ட யுத்தத்தின்போது பிரபா கரன் அடங்கலான புர தலைவர்களை ஐரோப்பாவுக்கு அனுப்பும் திட்டமொன்று அமெரிக்காவிடம் இருந்தது. இதனை இலங்கை ஏற்காத கோபமும் அமெரிக்காவுக்கு இருக்கும்.

வெளிநாடுகளில் உள்ள சில தமிழ் புலம்பெயர் அமைப்புகள் அரசியல் வாதிகளுக்கு தேர்தல் செய்ய உதவுகின் றன. இதுவும் இலங்கைக்கு எதிரான பிரேரணைக்கு காரணம் எனலாம்.

இந்து சமுத்திரத்தினூடாகவே 50 வீதமான பண்டம் போக்குவரத்து நடக்கிறது. பல்வேறு வகையிலும் இந்து சமுத்திரம் கேந்திர முக்கியத்து வம் வாய்ந்தது. 19ம் நூற்றாண்டில் அத்லாந்திக் சமுத்திரமும் 20ம் நூற்றாண் டில் பசுபிக் சமுத்திரமும் 21ம் நூற்றாண் டில் பசுபிக் சமுத்திரமும் முக்கியம் வாய்ந்ததாக இருந்தன. இந்த நிலை யிலே இந்து சமுத்திர பிரதேசம் குறித்து அமெரிக்கா கண்வைத்துள்ளது.

ஆப்கானிஸ்தான், ஈராக், மியன்மார், ஈரான், இந்தோனேஷியா, மாலைதீவு, பங்களாதேஷ் என பல நாடுகளின் மீது அமெரிக்கா தலையீடு செய்துள்ளது.

எனவே இலங்கைக்கு எதிரான யுத்த குற்றச்சாட்டை விட அமெரிக்கா பிரேரணை கொண்டு வருவதில் வேறு நோக்கம் உள்ளது.

கேள்வி : மனித உரிமை பேரவையில் இலங்கைக்கு எதிரான பிரேரணையை தோற்கடிக்க முடியும் என நினைக்கிaர்களா?

பதில் : மனித உரிமை பேரவையி லுள்ள நாடுகளை நோக்கும் போது அமெரிக்க பிரேரணையை தோற்கடிப் பது கஷ்டமாக இருக்கிறது. ஆனால் அமெரிக்கா தோல்வியடையும் யோசனை கொண்டுவராது. அதனால் யாரும் ஏற்கக் கூடிய இலகுவான பிரேரணையே கொண்டு வரும். லிபியா விற்கு எதிராகவும் மனிதாபிமான உதவி வழங்கும் பிரேரணையே கொண்டு வரப்பட்டது.

ஆனால் மனிதாபிமான உதவிகளுக்குப் பதிலாக அந்த மக்களுக்கு துப்பாக்கியே வழங் கப்பட்டது. இவ்வாறு உதவி வழங்கும் நோக்குடன் அமெரிக்கா தலையீடு செய்த நாடுகள் நாசமடைந்துள்ளன. எனவே மக்கள் அமெரிக்கா குறித்து நல்ல விழிப்புடன் இருக்க வேண்டும்.

கேள்வி : அமெரிக்காவின் பிரேரணை நிறைவேற்றப்பட்டால் இலங்கையின் நிலை என்ன?

பதில் : இலங்கைக்கு எதிராக பொருளாதாரத் தடை மற்றும் தலையீடுகள் இடம்பெறலாம். யுத்தக் குற்றச்சாட்டு சுமத்தி படையினருக்கு எதிராக செயற்படலாம். எந்த சாவலுக்கும் நாம் முகம் கொடுக்க தயாராக இருக்க வேண்டும்.

அமெரிக்காவின் அநியாயங்களுக்கு எதிராக முழு உலக நாடுகளும் இணைய வேண்டும் அதன் மூலமே அதனை முறியடிக்கலாம்.