ஊழல்கள் ,முறைகேடுகள் இடம்பெறாதவாறு முன்னெடுப்பதே தனது இலக்கு - புதிய உபவேந்தர்

(பே.சபேஷ்)

கிழக்குப் பல்கலைக் கழகத்தில் எவ்வித ஊழல்கள் மற்றும்  முறைகேடுகள் இடம்பெறாதவாறு நிதி, நிருவாகம் மற்றும் கல்விசார் நடவடிக்கைகளை எதிர்காலத்தில முன்னெடுப்பதே தனது இலக்கு என கிழக்குப் பல்கலைக் கழகத்தின் புதிய உபவேந்தராக பொறுப்பேற்றுள்ள கலாநிதி கிட்ணன் கோபிந்தராஜா தெரிவித்துள்ளார். கடந்த 7 வருடங்களாக கனடாவிலுள்ள பல்கலைக் கழகங்களில் பேராசிரியராக பணியாற்றிய அவர் கிழக்குப் பல்கலைக் கழகத்தின் துணைவேந்தராக நியமனம் பெற்றதையடுத்து மீண்டும் நாடு திரும்பியுள்ளார். இன்று திங்கட் கிழமை பல்கலைக் கழகத்தில் தனது பொறுப்புக்களை ஏற்ற பின்னர் இடம்பெற்ற பத்தரிகையாளர்கள் சந்திப்பின்போதே இதனைத் தெரிவித்துள்ளார்.

அங்கு தொடர்ந்தும் கருத்து வெளியிட்ட அவர், கிழக்கப் பல்கலைக் கழகத்தில் கடந்த காலங்களில் நிதி நிருவாகம் மற்றும் கல்விசார் நடவடிக்கைகளில் முறைகேடுகள் இ;டம்பெற்றுள்ளதாக பலராலும் கூறப்படுவது உண்மைதான எதிர்காலத்தில் அவை இடம்பெறாதாவாறு தனது பணி முன்னெடுக்கப்படும். கிழக்குப் பல்கலைக் கழகத்தில் நான் மாணவனாக கல்வி கற்ற காலத்திலிருந்தே இப்படியான முறைகேடுகள் இடம்பெற்றுவருகின்றன. பல்கலைக் கழகங்களில் ஊழல் மற்றம் முறைகேடு என்பது எல்லா பல்கலைக் கழகங்களிலும் இடம்பெறுகிறது. ஆனால் கிழக்குப் பல்கலைக் கழகத்தில் இடம்பெற்ற ஊழலைப் பெரிதுபடுத்துகிறார்கள். ஆனால் சிறிய ஊழலோ பெரிய ஊழலோ ஊழல் ஊழல்தான்.

2004 ஆம் ஆண்டு கிழக்கு மாகாணத்தில் விடுதலைப் புலிகள் அமைப்பில் ஏற்பட்ட பிளவு காரணமாக கிழக்கு மாகாணத்தைச் சேர்ந்த புத்திஜீவிகள் விடுதலைப் புலிகளினால் இலக்குவைக்கப்பட்டதன் காரணமாகவே பல கல்விமான்கள் நாட்டைவிட்டு வெளியேற வேண்டிய நிலை ஏற்பட்டது. இப்படியான நெருக்கடி நிலை காரணமாக அப்போது நாட்டைவிட்டு நானும் வெளியேற வேண்டிய நிலை ஏற்பட்டது. 2004 ஆம் ஆண்டு விடுதலைப் புலிகளினால் விடுக்கப்பட் அச்சுறுத்தல் காரணமாகவே கிழக்கு மாகாணத்திலுள்ள புத்திஜீவிகள் பலர் நாட்டைவிட்டு வெளியேற வேண்டிய நிலை ஏற்பட்டதாகவும் எதிர்காலத்தில் இப்படியான நிலை இடம்பெற மாட்டாது என்ற நம்பிக்கை இருப்பதன் காரணமாகவே நாடு திரும்பி இந்த பதவியை பொறுப்பபேற்றுள்ளேன்.

2005 ஆம் ஆண்டு துணைவேந்தர் பதவி வகித்த கலாநிதி எஸ்.ரவீந்திரநாத் மர்மமான முறையில் கடத்தப்பட்டு காணாமல் போன சம்பவம் கவலைக்குரியது. இந்த சம்பவம் துரதிஸ்டவசமானது தனிப்பட்ட ரீதியில் நல்ல மனிதர் பல்கலைக்கழக நடவடிக்கைகளில் அக்கறையுடன் செயல்பட்டவர் என்றார்.