புலிகள் புரிந்த கொடூரங்களுக்கு முஸ்லிம்கள் வன்மையான கண்டனம்

கடந்த காலங்களில் இன அழிப்புக்காக எல்.ரீ.ரீ.ஈ.யினர் மேற்கொண்ட கொடூரமான செயற்பாடுகளை இலங்கையின் பல பாகங்களிலுமுள்ள முஸ்லிம் தலைவர்களும், முஸ்லிம்களும் வன்மையாகக் கண்டித் துள்ளனர். பிரிவினை கோரிப் போராடிய எல்.ரீ.ரீ.ஈ.யினரால் தமக்கு ஏற்பட்டிருந்த பல்வேறு பாதிப்புகள் மற்றும் கொடிய யுகத்தில் முஸ்லிம் சமூகத்தினர் எதிர்கொண்ட நிலைமைகள் குறித்தும் கண்டனங்களை வெளியிட்டுள்ளனர். கடந்த காலங்களில் ஆயிரக்கணக்கான முஸ்லிம், சிங்கள மக்கள் கொல்லப் பட்டமைக்கும் அவர்கள் கண்டனங்களை வெளியிட்டுள்ளனர். 1990ஆம் ஆண்டு ஓகஸ்ட் 4ஆம் திகதி தனது ஊரான ஏறாவூரில் 173 பேர் எல்.ரீ.ரீ.ஈ.யினரால் சுட்டுக்கொல்லப்பட்ட சம்பவத்தை நினைவுகூர்ந்த ஏறாவூரைச் சேர்ந்த விவசாயியான அனீஸ், வாள்கள் மற்றும் ஆயுதங்களுடன் நுழைந்த எல்.ரீ.ரீ.ஈ.யினர் நள்ளிரவில் உறங்கிக்கொண்டிருந்த அப்பாவிப் பொதுமக்களைப் படுகொலை செய்ததாகக் கூறுகின்றார்.

கர்ப்பிணிப் பெண்கள் கூட எல்.ரீ.ரீ.ஈ.யினரால் விட்டுவைக்கப்பட வில்லையென்றும், கைக்குழந்தைகள்கூட பாதிக்கப்பட்டதாக அவர் தெரிவிக்கின்றார். கிழக்கு மாகாணத்திலுள்ள பெரும்பாலான முஸ்லிம் சமூகத்தினர் மீன்பிடி மற்றும் விவசாயத்தை நம்பியே இருந்தனர். தமது தொழில்களைச் செய்வதற்கு முட்டுக்கட்டையாகவிருந்த எல்.ரீ.ரீ.ஈ.யினர், முஸ்லிம் கிராமங்களுக்குள் புகுந்து தாக்குதல்களையும் நடத்தியிருந்தனர். பல ஏக்கர் விவசாயக் காணிகள் வேளாண்மை செய்யாமல் கைவிடப்பட்டது என்றும் அனீஸ் குறிப்பிட்டார்.

மோதல்கள் இடம்பெற்ற சூழ்நிலைகளில் வடக்கு, கிழக்கிலிருந்து முஸ்லிம் சமூகங்கள் பல்வேறு சொல்லொணாத் துயரங்களை அனுபவித்து வந்ததாக சிறுவர் அபிவிருத்தி மற்றும் மகளிர் விவகார அமைச்சர் எம்.எல்.ஏ.எம்.ஹிஸ்புல்லா தெரிவித்தார். தமது தனிநாட்டுக் கோரிக்கையை நிறைவேற்றிக் கொள்வதற்காக எல்.ரீ.ரீ.ஈ.யினரால் மேற்கொள்ளப்பட்ட இனச்சுத்திகரிப்பின் போது ஆயிரக்கணக்கான முஸ்லிம்கள் கொல்லப்பட்டதுடன், பல முஸ்லிம் கிராமங்கள் அழிக்கப்பட்டதாகவும் அவர் கூறினார்.

வடக்கு, கிழக்கில் முஸ்லிம்கள் செறிந்து வாழ்ந்த பிரதேசங்களில் வங்கிகளை எல்.ரீ.ரீ.ஈ.யினர் கொள்ளையடித்தனர். முஸ்லிம்களின் நிலங்களைப் பறித்து தமது உறுப்பினர்களுக்கு வழங்கியதால் முஸ்லிம்கள் அச்சம் காரணமாகத் தமது இடங்களிலிருந்து வெளியேற வேண்டிய சூழ்நிலை ஏற்பட்டது. மீன்பிடி மற்றும் விவசாயமே முஸ்லிம்களின் வாழ்வாதாரத் தொழில்களாகவிருந்தன. இதனைக் கூடச் செய்வதற்கு எல்.ரி.ரி.ஈ.யினர் அனுமதி வழங்கவில்லை என்றும் பிரதியமைச்சர் குறிப்பிட்டார்.

அமைதியான இஸ்லாம் தொடர்பில் அச்சம் கொண்டிருக்கும் அமெரிக்கா, இலங்கை உள்ளிட்ட நாடுகளுக்கு மனித உரிமைகள் பற்றிக் கற்பிக்க முயற்சிப்பதுடன், தாம் செய்தவற்றை நியாயப்படுத்துவதற்கு முயல்வதாக மேல் மாகாண ஆளுநர் அலவி மெளலானா தெரிவித்துள்ளார். எல்.ரீ.ரீ.ஈ.யினரும் வடக்கில் இவ்வாறான இனப்படுகொலைகளையே மேற்கொண்டனர். ஆயிரக்கணக்கான முஸ்லிம்கள் வடக்கு, கிழக்கில் கொல்லப் பட்டனர்.

அப்பாவி முஸ்லிம்களுக்கு எல்.ரீ.ரீ.ஈ.யினர் செய்த கொடுமைகளை மறந்துவிட்ட அமெரிக்கா, தனது நிலைப்பாட்டை நியாயப்படுத்த முயற்சிப்பதாக அவர் குறிப்பிட்டார். எல்.ரீ.ரீ.ஈ.யினர் அப்பாவி முஸ்லிம் மக்களைப் படுகொலை செய்தபோது, கண்களை மூடியிருந்த அமெரிக்கா தற்போது, மனித உரிமைகளைப் படிப்பிக்க வருவதாக தொழில்நுட்ப மற்றும் ஆராய்ச்சி பிரதியமைச்சர் பைசர் முஸ்தபா தெரிவித்தார். அமெரிக்கா இலங்கைக்கு எதிராகக் கொண்டுவந்திருக்கும் பிரேரணை, தற்பொழுது நாட்டில் அமைதியான முறையில் முன்னெடுக்கப்பட்டிருக்கும் நல்லிணக்கத்தைக் குழப்பி புதிய பிரச்சினைகளையே தோற்றுவிக்கும் என அவர் குறிப்பிட்டார்.

பள்ளிவாசல்களில் தொழுதுகொண்டிருந்த முஸ்லிம்களைப் படுகொலை செய்தமையானது எல்.ரீ.ரீ.ஈ.யினரின் உச்சகட்ட வன்முறையை வெளிக்கொணர்வ தாக ஊடகவியலாளரும், கலைஞருமான நிலார்.என்.காசிம் தெரிவித்தார்.

இவ்வாறான சம்பவம் உலகில் எந்தவொரு பகுதியிலும் இடம்பெற்றிரு க்காது. எல்.ரீ.ரீ.ஈ.யினர். ஆயிரக்கணக்கான அப்பாவி முஸ்லிம்களை துப்பாக்கிகளால் சுட்டு அவர்களின் சொந்த இடங்களிலிருந்து விரட்டியுள்ளதாகவும் அவர் குறிப்பிட்டார்.