இலங்கையை சீரழிக்க முயலும் அமெரிக்க தலையீட்டிற்கு தமிழர்கள் துணைபோக கூடாது

இலங்கை அரசியல் சாசனத்திற்கு கொண்டு வரப்பட்ட 13வது திருத்தச் சட்டம் இன்னும் சரியான முறையில் அமுலாக்கப்படவில்லை. 1987ம் ஆண்டில் கொண்டுவரப்பட்ட இந்த 13வது திருத்த சட்ட மூலத்தைக் கூட தமிழ் தேசிய கூட்டமைப்பு சாதகமாக பயன்படுத்தி தமிழ் மக்களின் பிரச்சினைக்கு தீர்வு காண முனையவில்லை என்று மட்டக்களப்பு மாவட்ட ஸ்ரீலங்கா சுதந்திரக் கட்சி அமைப்பாளர் அருண் தம்பிமுத்து தெரிவித்தார். 13வது திருத்தச் சட்டம் ஒரு ஆரம்பமே ஆகும். அதை வைத்துக் கொண்டே பிரச்சினையை தீர்த்து வைப்பதற்கு மென்மேலும் நட வடிக்கை எடுக்க வேண்டும். சிங்கள மக்களின் ஆதரவின்றி, எந்த அரசியல் தீர்வையும் ஏற்படுத்த முடியாது.

தென்னி லங்கையில் இருந்துவந்த ஜனாதிபதி மஹிந்த ராஜபக்ஷ அவர்களுக்கு இந்நாட்டு பெரும்பான்மை சிங்கள மக்களின் முழுமை யான ஆதரவு இருக்கின்ற காரணத்தினால், இந்தத் தலைவருக்கே இனப்பிரச்சினைக்கு எல்லா சமூகங்களும் ஏற்றுக் கொள்ளக்கூடிய ஒரு தீர்வை கொண்டுவர முடியும் எனவும் அவர் தெரிவித்தார்.

சுமார் ஒரு மாத காலமாக ஜெனீவாவில் தங்கியிருக்கும் அருண் தம்பிமுத்து, அமெ ரிக்காவும் அதன் நேச நாடுகளும் ஐக்கிய நாடுகள் மனித உரிமை பேரவையில் கொண்டு வந்திருக்கும் பிரேரணைக்கு எதிராக, இலங்கையின் உண்மை நிலையை விளக்கிக் கூறுவதற்காக தனது முழுமையான பங்களிப்பை வழங்கிக் கொண்டிருக்கிறார்.

மட்டக்களப்பு மாவட்ட ஸ்ரீலங்கா சுதந்திரக் கட்சி அமைப்பாளர் அருண் தம்பிமுத்து தினகரனுக்கு அளித்த பிரத்தி யேக பேட்டியிலேயே இவ்வாறு தெரி வித்தார். அவர் தொடர்ந்து கருத்து தெரிவிக்கையில்,

1950ம் ஆண்டிலிருந்து தமிழ் தேசிய கூட்டமைப்பினர் செயற்பட்டு வருகின்றனர். அவ்வமைப்பு அக்காலப்பகுதியில் வேறு பெயர்களில் இயங்கினாலும், தமிழ் தேசிய கூட்டமைப்பு தமிழ் மக்களை தொடர்ந்தும் ஏமாற்றியே வந்திருக்கிறது.

த.தே. கூட்டமைப்பு பேச்சுவார்த்தைகளின் மூலம் சிங்களத் தலைவர்களுடன் யதார்த்த பூர்வமாக பிரச்சினைகளை பேசித் தீர்ப்பதற்கு பதில் இலங்கையில் ஆயுத போராட்டத்தை நடத்தி அதன் மூலம் சர்வதேச கவனத்தை ஈர்ந்தெடுத்து சர்வதேச சமூகத்தை இலங்கையின் உள் விவகாரங்களில் தலையிடச் செய்து அதன் மூலம் தமிழர் பிரச்சினையை தீர்த்துக் கொள்ளலாம் என்ற தவறான கொள்கையை கடைப்பிடித்து வருகின்றது என்றும் அவர் தெரிவித்தார்.

1956ம் ஆண்டில் சிங்கள மட்டும் சட்டம் நிறைவேற்றப்பட்டது. இன்று ஜனாதிபதி அவர்கள் தன்னுடைய சிறந்த ஆளுமைத்திறன் மூலம் சிங்கள மக்களும் ஏற்றுக் கொள்ளக்கூடியதாக மும்மொழி திட்டத்தை வெற்றிகரமாக நிறைவேற்றி யிருக்கிறார்.

இந்த யதார்த்தத்தை உணர்ந்து தமிழ் தமிழ்தேசிய கூட்டமைப்பினர் சிங்கள மக்களும் நாட்டின் ஏனைய சமூகங்களும் ஏற்றுக் கொள்ளக்கூடிய ஒரு நிரந்தரத் தீர்வை ஏற்படுத்துவதற்கு அரசாங்கத்துடன் ஒத்துழைப்பது அவசியம்.

ஐக்கிய தேசியக் கட்சியினர், முன்னாள் ஜனாதிபதி சந்திரிக்கா குமாரதுங்க அர சாங்கம் கொண்டு வர முயற்சி செய்த அரசியல் சாசன சட்டத்திருத்த நகலை பாராளுமன்றத்திற்குள்ளே கிழித்து எறிந்த மையும் நான் ஞாபகப்படுத்த விரும்புகிறேன் என்றார்.

அமெரிக்க அரசாங்கம் இலங்கையில் தனது ஈடுபாட்டை அதிகரிப்பதற்காக மேற் கொண்டுவரும் தற்போதைய முயற்சிகள் தமிழர்களுக்கு எந்த வகையிலும் உதவப் போவதில்லை. இலங்கையைப் பற்றி எந்தவொரு நாடும் கவலைப்படப் போவதுமில்லை.

எனவே, நாம் அனை வரும் ஒன்றி ணைந்து ஒரு சமூகத் தீர்வை ஏற்படுத்துவது அவசியம்.

1956ல் சிங்கள மட்டும் சட்டம் நிறை வேற்றப்பட்டு 56 வருடங்கள் கடந்து விட்ட இன்றைய சூழ்நிலையில், தமிழ் மொழிக்கு அரசாங்கம் சிறந்த முறையில் உரிமைகளை பெற்றுக் கொடுத்துள்ளது. ஆரம்ப கட்டம் முதல் தமிழ்த் தலைவர்கள் எதிரும் புதி ருமாக இருந்துள்ளார்கள். தமிழ் தலை வர்களும் சிங்கள முற்போக்குவாதிகளும் சேர்ந்து செயற்பட்டிருந்தால் தமிழ் இனத்தின் நிலை இவ்விதம் இன்று இருந்திருக்காது.

மேற்கத்திய நாடுகள் உண்மையாகவே இலங்கை மக்கள், தங்கள் வாழ்க்கையை கட்டியமைக்க வேண்டுமென்று விரும் பினால், அநாவசியமான தலையீடுகளை தவிர்த்துக் கொள்ள வேண்டும். வல் லரசுகளின் விளையாட்டின் மூலம் நாம் பல தடவைகள் பிரச்சினைகளை எதிர் நோக்கியிருக்கிறோம்.

இந்த பிரேரணை மூலம் இந்நாட்டில் தலையிடுவதையும் நாட்டின் ஒருமைப் பாட்டையும், இறை மையையும் பறிக்க வல்லரசுகள் எத்தனிக் கலாகாது. இதன் மூலமே எமது மக்களின் உரிமையை நாம் பாதுகாக்க முடியும் என அருண் தம்பி முத்து மேலும் தெரிவித்தார்.