அமெரிக்காவின் அட்டூழியங்களை விரல் நீட்டி குற்றம் சுமத்த முடியாத நிலை

ஆப்கானிஸ்தானில் நிலை கொண் டிருக்கும் அமெரிக்கா மற்றும் ஐரோப்பிய நாடுகளைச் சேர்ந்த நேட்டோ படைகள் அங்கு மனித உரிமைகளை மீறி செயற்பட்டுக் கொண்டிருக்கின்ற னர். நாம் அதற்கு எதிராக விரல் நீட்டி குற்றம் சுமத்த முடியாத நிலையிலேயே இருப்பதாக ஆப்கானிஸ்தானுக்கான மனித உரிமை மேம்பாட்டாளர் கருத்து வெளியிட்டுள்ளார். ஜெனீவா ஐக்கிய நாடுகள் மனித உரிமை பேரவை கூட்டத்தொடர் இப் போது விறுவிறுப்பாக நடந்து கொண் டிருக்கும் இவ்வேளையில் கடந்த திங்களன்று அந்த கூட்டத்தொடர் நடக்கும் அதே மண்டபத்தின் இன்னு மொரு அறையில் மனித உரிமை பிரச் சினைகள் குறித்து இருதரப்பு கலந்துரை யாடல்கள் நடைபெற்றன. இதில் கலந்து கொண்டு உரையாற்றும் போதே அவர் இவ்வாறு தெரிவித்தார்.

திங்கட்கிழமை காலையில் ஆப்கானிஸ் தானில் இடம்பெறும் மனித உரிமை மீறல்கள் பற்றிய கலந்துரையாடல் நடைபெற்றது. இலங்கையில் இருந்து சென்ற ஊடகவியலாளர்களும், சட்ட மேதைகளும் மற்றும் மனித உரிமைகளில் அக்கறை செலுத்தும் ஆர்வலர்களும் கலந்து கொண்டனர்.

அங்கு இலங்கை பத்திரிகையாளர்கள் ஈராக், லிபியா, சிரியா ஆகிய நாடுகளிலும் வேறு பல நாடுகளிலும் அமெரிக்கா செய்யும் மனித உரிமை மீறல்கள் பற்றி கண்டனம் தெரிவித்தார்கள்.

ஆப்கானிஸ் தான் மக்களின் மனித உரிமை பிரச்சினை க்கு தீர்வு காண வேண்டுமானால், அமெரிக்கா அங்கிருந்து தனது படைகளை யும் நேட்டோ படைகளையும் உடனடியாக வாபஸ் பெறவேண்டும் என்று இலங்கை யில் இருந்து சென்ற பிரதிநிதிகள் வலி யுறுத்தினார்கள். குறிப்பாக மனித உரிமை மீறல் தொடர்பாக தினகரன் பிரதம ஆசிரியர் எஸ். தில்லைநாதனும் கருத்தை வெளியிட்டமை குறிப்பிடத்தக்கது.

இந்த கலந்துரையாடலுக்கு தலைமை தாங்கிய ஆப்கானிஸ்தானை சேர்ந்த மனித உரிமை மேம்பாட்டாளராக இருக்கும் ஒரு பெண்மணி, நீங்கள் சொல்வதை நாங்கள் முற்றாக ஏற்றுக் கொள்கிறோம்.

ஆனால், அமெரிக்கா, ஐரோப்பிய நாடுகள் மீது எங்களால் விரல்நீட்டி குற்றம் சுமத்தும் அதிகாரம் இல்லை என்பதை வெளிப்படையாக ஏற்றுக் கொண்டார். அமெரிக்கா தனது தலையீட்டை ஆப்கானிஸ்தானில் தலையிடுவதை இனி மேலாவது நிறுத்தினால் ஆப்கானிஸ்தான் மக்களுக்கு உண்மையான சுதந்திரம் கிடைக்குமென்று கூறினார்.

இந்தக் கூட்டத் தொடரிலும் இலங்கை யில் அமெரிக்கா தலையிடுவது குறித்து இலங்கை ஊடகவியலாளர்கள் கண்டனம் தெரிவித்தனர். பொதுவாக இந்தக் கூட்ட மும் இலங்கைக்கு ஆதரவாகவே நிறைவு பெற்றது. இந்தக் கூட்டத்தில் பார்வை யாளராக வந்திருந்த ஜெனீவாவில் உள்ள வெளிநாட்டுப் பிரதிநிதிகளும் அமைதியாக இருந்து அங்கு நடக்கும் விடயங்களை அவதானித்துக் கொண்டிருந்தனர்.