ஆஸ்திரேலியாவுக்கு கடல் வழியாக

இலங்கை தமிழர்களை கடத்தியவர் கைது நாகபட்டினத்தில் சிக்கினார்

இலங்கையில் வாழ வழியின்றி தவிக்கும் இலங்கை தமிழர்களின் மனதை மாற்றி அவர்களை ஆஸ்திரேலியாவுக்கு கடத்திச் சென்றவர் பொலிசில் சிக்கினார். இலங்கையில் ஜப்னா பகுதியைச் சேர்ந்தவர் ராஜன்(43) இவர் சிறுவயதிலேயே வீட்டை விட்டு ஓடிச் சென்று இத்தாலியில் குடிபுகுந்தார். இதனால் அவரை இத்தாலி ராஜன் என்று அழைப்பார்கள். இவர் இலங்கைத் தமிழர்களை கடல் வழியாக நவீன படகு மூலம் ஆஸ்திரேலியாவுக்கு கடத்தி செல்லும் தொழிலில் ஈடுபட்டு வந்தார்.இது தொடர்பாக இலங்கையில் இவர் மீது வழக்குகள் நிலுவையில் உள்ளது.தலைமறைவான இவரை இன்டர்போல் போலிசாரும் தேடிவந்தனர். இந்நிலையில் இத்தாலி ராஜன், நாகபட்டினம் பகுயிதில் சுற்றிதிரிவதாக கியூ பிரிவு போலிசாருக்கு ரகசிய தகவல் கிடைத்தது. அவரை பிடிப்பதற்காக போலிசார் தீவிர கண்காணிப்பில் ஈடுபட்டு வந்தனர். நாகபட்டினம் பகுதியில் இருந்து ஆஸ்திரேலியாவுக்கு ஆட்களை கடத்தி செல்லதிட்டம் போட்டு செயல்பட்ட இத்தாலி ராஜன் போலிசில் சிக்கினார். அவரை கைது செய்து போலிசார் சிறையில் அடைத்தனர்.

இத்தாலி ராஜனிடம் போலிசார் நடத்திய விசாரனையில் பரபரப்பான தகவல்கள் கிடைத்தன. அதன் விபரம் வருமாறு:- இத்தாலி ராஜன் 8ம்வகுப்பு வரை மட்டுமே படித்துள்ளார்.10 வயதில் இருந்தே இத்தாலியில் வீட்டு வேலைகளை செய்து வந்த அவர் 2004 ம் ஆண்டு சுனாமிக்கு பின்னர் இலங்கைக்கு திரும்பினார்.அங்கு தனது பழைய நன்பர் தயாளனை சந்தித்து பேசினார்.இவர் ஏற்கனவே ஆஸ்திரேலியாவுக்கு ஆட்களை கடத்தி செல்லும் தொழிலில் ஈடுபட்டு வந்தார்.தயாளனிடம் இருந்தே இத்தால் ராஜன் இத்தொழிலை கற்றுக்கொண்டார். பின்னர் படிப்படியாக ஆட்களை கடத்திச் செல்ல தொடங்கினார்.சில நேரங்களில் 2 பேரும் சேர்ந்தே கடத்தல் தொழிலில் ஈடுபட்டனர்.தயாளனை போலிசார் தேடகிறார்க்ள அவர் எங்கிருக்கிறார் என்பது தெரியவில்லை. சோந்த நாடுகளில் வாழ முடியாமல் தவிப்பவர்களையே இத்தாலி ராஜன் வலைவீசி பிடித்துள்ளார்.இலங்கை தமிழர்களே ரானிடம் அதிகம் சிக்கியுள்ளார்கள்.

'இங்கிருந்து கஷ்டப்படுவதை விட ஆஸ்திரேலியாவுக்கு சென்று விடுங்கள் நல்ல படியாக வாழலாம்' என்று மனதை மாற்றிய இத்தாலி ராஜன்,ரூ. 3 லட்டசம் கொடுத்தால் நானே உங்களை பத்திரமாக அங்கு கொண்டு போய் சேர்த்து விடுவென் என்று கூறியுள்ளார். இதை நம்பி பலர் கடல் வழியாக படகில் ஆஸ்திரேலியா சென்றடைந்துளள்னர்.இலங்கை தமிழர்களை அறிமுகப்படுத்தி விடுவதற்கு அங்கு புரோக்கர்களும் உள்ளனர்.இந்த புரோக்கர்களுக்கு ராஜன் 1லட்சம் வரை கமிசன் கொடுத்துள்ளார். இலங்கை மீனவர்கள் பலர் கடல் பயனத்தக்கு ஏற்ற நவீன படகுகளை இத்தாலி ராஜனுக்கு செய்து கொடுத்துள்ளனர்.இந்த படகில் வீடு போன்ற வசதியை ஏற்படுத்தி அதில் ஒவ்வொரு முறையும் 40 பேரை ராஜன் அழைத்துச் சென்றுள்ளார்.15 நாட்கள் கடல் பயனத்தின் பின்னர் ஆஸ்திரேலியாவின் கிறிஸ்மஸ்தீவு என்ற இடத்தை அடையும்.

ராஜனால் கடத்தி செல்லப்படுபவர்கள் முதலில் அகதிகளாக ஆஸ்திரேலியாவுக்குள் நுழைவார்கள் பின்னர் அந்நாட்டின் குடிமகன்களாக அவர்கள் மாறி விடுகிறார்கள்.இதற்கு ஆசைப்பட்டே பலர் ராஜனுடன் செல்கிறார்கள். இத்தாலி ராஜனிடம் இருந்து ரூ. 5லட்சம் மதிப்பிலான சேட்டிலைட் போனையும் கியூ பிரிவு போலிசார் பறிமுதல் செய்தனர். கடல் வழி பயனத்தின் போது இந்த போனைத்தான் ராஜன் பயன்படுத்தியுள்ளார். சென்னை வந்து கடத்தில் தொழிலில் ஈடுபடவும் அவர் திட்டமிட்டிருந்தார்.அதற்குள் போலிசில் சிக்கிக்கொண்டார்.

(எமது தமிழ் நாடு சிறப்பு நிருபர்: அருள்)