இலங்கை தமிழ் அகதி குடும்பங்களை சேர்ந்த மாணவ, மாணவிகளுக்கு கல்வி ஊக்கத் தொகை - ஜெயலலிதா

தமிழக அரசு வெளியிட்டுள்ள செய்திக் குறிப்பில் கூறியிருப்பதாவது:-

தமிழகத்தில் உள்ள அகதிகள் முகாம்களில் தங்கி வாழும் இலங்கைத் தமிழர்கள் நலன்காக்க தமிழக முதல்-அமைச்சர் செல்வி ஜெ.ஜெயலலிதா தலைமையிலான அரசு பல்வேறு நடவடிக்கைகள் எடுத்து வருகிறது.அகதிகள் முகாமில் வாழும் இலங்கைத் தமிழர்களின் குழந்தைகள் தங்கி படிப்பதற்காக ஆதிதிராவிடர் மற்றும் பிற்படுத்தப்பட்டோர் நல விடுதிகளில் கூடுதல் இடங்கள் எற்படுத்தப்பட்டுள்ளது.மேலும்,தமிழக  அரசால் பல்வேறு சமூக பாதுகாப்பு திட்டங்களின் கீழ் வழங்கப்படும் ஓய்வூதியப் பலன்களையும் இலங்கைத்  தமிழர்களுக்கு வழங்க முதலமைச்சர் ஜெயலலிதா ஏற்கனவே உத்தரவிட்டுள்ளார்.

தமிழ்நாட்டிலுள்ள அகதிகள் முகாம்கிலிருந்து கல்லூரிகளில் உயர்கல்வி மேற்கொள்ளும் இலங்கை தமிழ் அகதிகள் குடும்ப மாணவ,மாணவியருக்கு ஆண்டு ஒன்றுக்கு இளங்கலை(பி.ஏ) பயில்வோருக்கு 1200 ரூபாயும்,இளம் அறிவியல்(பி.எஸ்.சி) பயில்வோருக்கு 1200 ரூபாயும்,முதுகலை(எம்.ஏ) பயில்வோருக்கு 1330 ரூபாயும:,முதுகலை அறிவியல்(எம்.எஸ்.சி) பயில்வோருக்கு 1650 ரூபாயும்,தொழில்நுட்ப கல்வி(டிப்ளோமா) பயில்வோருக்கு 850 ரூபாயும்,பொறியியல்(பி.இ) பயில்வோருக்கு 2750 ரூபாயும்,மருத்துவம்(எம்.பி.பி.எஸ்) பயில்வோருக்கு 4700 ரூபாயும்,கால்நடை பயில்வோருக்கு(பி.வி.எஸ்.சி) பயில்வோருக்கு 1400 ரூபாயும் சட்டம்(பி.எல்) பயில்வோருக்கு 850 ரூபாயும்,வேளான்மை அறிவியல் பயில்வோருக்கு(பி.எஸ்சி.அக்ரி)  2850 ரூபாயும் ஊக்கத் தொகையாக வழங்க முதலமைச்சர் ஜெயலலிதா உத்தரவிட்டுள்ளார்.இதன் மூலம்,1000 இலங்கை தமிழ் அகதி மாணவ மாணவியர் பய் பெறுவர். இதற்காக அரசுக்கு 20லட்சத்து 98 ஆயிரம் ரூபாய் செலவு ஏற்படும்.

இலங்கை அகதிகள் முகாம்களில் தற்போது இயங்கி வரும் 416 சுய உவிக் குழுக்களுக்கு ஒரு தடைவ மானியமாக ஒவ்வொரு குழுவிற்கும் 10000 ரூபாய் வழங்க முதல்-அமைச்சர் ஜெயலலிதா உத்தரவிட்டுள்ளார்.இதனால் அரசுக்கு 41லட்சத்து 60ஆயிரம் ரூபாய் செலவாகும்.

தமிழகத்தில் உள்ள இலங்கை அகதிகள் முகாம்களில் வாழும் தமிழர்களின் நலனை கருத்தில் கொண்டு அந்த முகாம்களில் வசிக்கும் மக்களின் குடிநீர் வசதியினை மேம்படுத்தும் பொருட்டு 4கோடியே 33 லட்சத்து 38 ஆயிரம் ரூபாய் சிதி ஒதுக்கீடு செய்தும்,முகாம்களில் கட்டப்பட்டுள்ள வீடுகளை பழுது பார்த்தல்,சாலைகளை சீரமைத்தல்,நுலக கட்டிடம் கட்டுதல்,ரேசன் கடை அமைத்தல்,கூடுதல் கழிப்பறை மற்றும் குழியலறை ஏற்படுத்தல்,சமுதாய கூடங்க்ள அiமைத்தல்,மின் கம்பங்க்ள மற்றும் தெரு விளக்குகள் அமைத்தல்,சமுதாய கூடங்கள் அமைத்தல், போன்ற அடிப்படை வசதிகளை செய்து கொடுப்பதற்காக20கோடியே 66லட்சத்து62 ஆயிரம் ரூபாய் நிதி ஒதுக்கீடு செய்தும்,ஆக மொத்தம் இலங்கை அகதிகள் முகாம்களில் அடிப்படை வசதிகளை மேற்கொள்வதற்காக 25 கோடி ரூபாய் நிதி ஒதுக்கீட செய்து முதலமைச்சர் ஜெயலலிதா உத்தரவிட்டுள்ளார்.

தமிழக மக்களுக்காக அமல்படுத்தப்படும் அனைத்து நல திட்டங்களையும் அகதிகள் முகாம்களில் வசிக்கும் இலங்கைத தமிழர்களுக்கு வழங்கி வரும் முதல் அமைச்சர் ஜெயலலிதா சமீபத்தில் தமிழக மக்களுக்கு அறிமுகப்படுத்தபட்ட முதல்-அமைச்சரின் விரிவான மருத்துப காப்பீட்டு திட்டங்களை அகதிகள் முகாம்கிளல் வசிக்கும் இலங்கைத் தமிழர்கள் அனைவருக்கும் விரிவுபடுத்த ஆணையிட்டுள்ளார். அரசின் இந்தத நலத்திட்டங்கள் மூலம்,அகதிகள் முகாம்களில் வசிக்கும் இலங்கைத் தமிழர்களின் வாழ்வில் மேலும் வளம் ஏற்படும். இவ்வாறு அதில் கூறப்பட்டுள்ளது.

(தமிழகத்திலிருந்து எமது சிறப்பு நிருபர்: அருள்)