புலிகளின் தாக்குதலிலேயே அன்டனோவ்-26 விழுந்து நொருங்கியது

12 வருடங்களுக்கு முன்னர் அநுராதபுரம் வீரவெவ காட்டுப் பகுதியில் விழுந்து நொருக்கிய விமானப்படைக்குச் சொந்தமான அன்டனோவ்-26 ரக விமானம் புலிகளின் ஏவுகணைத் தாக்குதலால் விழுந்து நொருங்கியுள்ளமை இப்போது தெரியவந்துள்ளது.

பயங்கரவாத தடுப்புப் பிரிவு பொலிஸா ரினால் கிளிநொச்சியில் வைத்து அண்மையில் கைதுசெய்யப்பட்ட புலிகள் இயக்கத்துடன் தொடர்புடைய இரண்டு சந்தேகநபர்களிடம் மேற்கொள்ளப்பட்ட விசாரணைகள் மூலமே இந்தத் தகவல் தெரியவந்துள்ளது என பொலிஸ் ஊடகப் பேச்சாளர் அஜித் ரோஹன தெரிவித்தார். புலிகள் இயக்கத் தலைவர்களின் ஆலோசனைக்கு அமைய தாங்கள் இருவருமே வில்பத்து காட்டுப் பகுதியிலிருந்து ஏவுகணைத் தாக்குதல்களை மேற்கொண்ட தாக தமது வாக்குமூலத்தில் அவர்கள் ஏற்றுக்கொண்டுள்ளனர்.

2000 ஆம் ஆண்டு மார்ச் மாதம் 30 ஆம் திகதி 40 பேருடன் யாழ்ப்பாணத் திலிருந்து கொழும்பு நோக்கி வந்துகொண்டி ருந்த விமானம் அநுராதபுரம் காட்டுப் பகுதியில் உடைந்து விழுந்து விபத்துக் குள்ளானது. இந்த விபத்தில் பயணம் செய்த அனைவருமே உயிரிழந்தனர். ரஷ்ய நாட்டு நான்கு பிரஜைகள், இராணுவம், பொலிஸ் அதிகாரிகளுடன் விமானப்படை விமானிகளும் இந்த விபத்தில் உயிரிழந்தனர்.

விமானத்தில் ஏற்பட்ட இயந்திரக் கோளாறு காரமணாகவே இந்த விமானம் விழுந்து நொருங்கியிருக்கலாம் என அந்த நேரம் நம்பப்பட்டிருந்தது. பயங்கர வாதத் தடுப்புப் பிரிவினால் கைதுசெய்யப் பட்ட சந்கேநபர்கள் வழங்கிய தகவல்களின் அடிப்படையில் இது புலிகளின் விமானத் தாக்குதல் மூலம் இடம்பெற்ற சம்பவம் என இப்போது உறுதியாகியுள்ளது.

பயங்கரவாதத் தடுப்புப் பிரிவினரின் விசாரணையின்போது ஏவுகளைத் தாக்குதல் நடத்தியதை ஒப்புக்கொண்ட இந்த இரு சந்தேகநபர்களும் தாக்குதல் நடத்து வதற்கு மறைந்திருந்த வில்பத்து காட்டுப் பகுதிக்கு அழைத்துச் செல்லப்பட்டு தாக்குதல் நடத்திய இடத்தைக் காண்பித்தனர். தாக்குதல் நடத்தப்பட்ட இடத்திலிருந்து இரு ஏவுகணை வெற்று பகுதிகளையும் பொலிஸார் மீட்டுள்ளனர்.

காட்டுப் பகுதியில் எவ்வாறு மறைந்தி ருந்தார்கள் என்பது பற்றியும் விமானத்தை இலக்குவைத்து நடத்திய தாக்குதல் முறைபற்றியும் சந்தேகநபர்கள் பொலி ஸாருக்குக் காண்பித்தனர். சந்தேகநபர்கள் இருவரும் அநுராதபுரம் மஜிஸ்ரேட் நீதவான் நீதிமன்றத்தில் நேற்று ஆஜர்படுத் தப்பட்டதுடன், தாக்குதல் தொடர்பான விபரங்களையும் நீதிமன்றத்தில் வழங்கி யுள்ளனர். சந்தேகநபர்களை எதிர்வரும் ஏப்ரல் 23ஆம் திகதி நீதிமன்றத்தில் ஆஜர்படுத்துமாறு நீதவான் உத்தரவிட்டார். பயங்கரவாதத் தடுப்புப் பிரிவினர் விசாரணைகளை ஆரம்பித்துள்ளனர்.