மூங்­கி­லாறு மனிதப் புதை­குழி விடு­தலைப் புலி­க­ளி­னு­டை­யது  - பொது மகன் ஒருவர் வாக்கு மூலம்

முல்லைத்தீவு மூங்­கி­லாறு வடக்குப் பகு­தியில் முல்லைத் தீவு பொலி­ஸா­ரினால் மீட்­கப்­பட்ட 9 மண்டை ஓடுகள் உள்­ளிட்ட மனித எச்­சங்கள் தொடர்­பி­லான விசா­ர­ணைகள் முடக்­கி­வி­டப்­பட்­டுள்­ள­தா­கவும் அம்­ம­னிதப் புதைக்­குழி தொடர்பில் ஒரு­வரின் வாக்கு மூலம் பதிவு செய்­யப்­பட்­டுள்­ள­தா­கவும் பொலிஸ் ஊடகப் பேச்­சாளர் சிரேஷ்ட பொலிஸ் அத்­தி­யட்சர் அஜித் ரோஹண தெரி­வித்தார். பொலிஸ் விஷேட அதி­ர­டிப்­படை தலை­மை­ய­கத்தில் நேற்று நடை பெற்ற ஊட­க­வி­ய­லாளர் சந்­திப்பில் கலந்­து­கொண்டு உரை­யாற்றும் போதே அவர் இதனைத் தெரி­வித்தார்.

இதன் போது அவர் மேலும் குறிப்­பிட்­ட­தா­வது, மன்னார், முல்லைத்தீவு பகு­தி­களில் மீட்­கப்­பட்­டுள்ள மனித எச்­சங்கள் தொடர்பில் பல்­வேறு கருத்­துக்கள் வெளி­யி­டப்­பட்டு வரு­கின்­றன.

இந் நிலையில் கடந்த வெள்­ளி­யன்று முல்லைதீவில் மீட்­கப்­பட்ட மனித எச்­சங்கள் தொடர்பில் யாழ் சட்ட வைத்­திய அதி­காரி, முல்லைத்தீவு நீதிவான் நீதி­மன்ற நீதி­பதி ஆகியோர் விசா­ர­ணை­களை மேற்­கொண்­டுள்ள நிலையில் அப்­பி­ர­தே­சத்தை சேர்ந்த தமிழர் ஒருவர் பொலி­ஸா­ருக்கு வாக்­கு­மூலம் அளித்­துள்ளார்.

கோபால் கேதீஸ்­வரன் என்ற குறித்த நபர் வழங்­கி­யுள்ள வாக்கு மூலத்தில் 2009 ஆம் ஆண்டு பெப்­ர­வரி மாதம் ஒன்­பதாம் திகதி அளவில் இந்த சட­லங்கள் புதைக்­கப்­பட்­ட­தா­கவும் , புலிகள் கொலை செய்து ட்ரக்டர் ஒன்றில் கொண்­டு­வந்த சட­லங்­களே இவ்­வாறு புதைக்­கப்­பட்­ட­தா­கவும் புலி­களின் பொலிஸ் பிரிவில் கட­மை­யாற்­றிய குணராஜ் என்­பவர் அப்­போது அது தொடர்பில் தமக்கு அறி­வித்­தி­ருந்­த­தா­கவும் குறிப்­பிட்­டுள்ளார்.

இந் நிலையில் மேற்­கொள்­ளப்­பட்­டுள்ள ஆரம்­ப­ கட்ட விசா­ர­ணை­களில் முல்லைத்தீவு மூங்­கி­லாறு வடக்குப் பகு­தியில் முல்லைத்தீவு பொலி­ஸா­ரினால் மீட்­கப்­பட்ட 9 மண்டை ஓடுகள் உள்­ளிட்ட மனித எச்­சங்கள் புலி­களால் செய்­யப்­பட்ட கொலையின் பின்னர் புதைக்­கப்­பட்ட சட­லங்கள் என தெரி­ய­வந்­துள்­ளது.

எவ்­வா­றா­யினும் குணராஜ் என்ற புலி­களின் பொலிஸ் பிரிவில் கட­மை­யாற்­றி­ய­தாக கூறப்­படும் நபரை பொலிஸார் தேடி வரு­வ­தா­கவும் அவ­ரிடம் வாக்கு மூலம் பெறு­வ­தற்­கான நட­வ­டிக்­கை­களை முன்­னெ­டுத்­துள்­ள­தா­கவும் அவர் சுட்­டிக்­காட்­டினார்.

இதே­வேளை மன்னார் திருக்­கே­தீஸ்­வரம் மனிதப் புதைக்­குழி தொடர்பில் விஷேட தீர்­மானம் ஒன்று எதிர்­வரும் 5 ஆம் திகதி எடுக்­கப்­ப­ட­வுள்­ளது.

மன்னார் நீதிவான் நீதி­மன்றின் நீதி­பதி அனந்தி கன­க­ரட்னம், குற்றப் புல­னாய்வுப் பிரிவு அதி­கா­ரிகள், தொல் பொருள் ஆய்வு அதி­கா­ரிகள் உள்­ளிட்­ட­வர்கள் கலந்­து­கொள்­ள­வுள்­ளனர். குறித்த கலந்­து­ரை­யா­டலின் பின்னர் அந்த மனிதப் புதைக்­கு­ழியை தொடர்ந்து தோண்­டு­வதா இல்­லையா என்­பது தீர்­மா­னிக்­கப்­ப­ட­வுள்­ளது.

குறித்த இடத்தில் ஏதேனும் மயா­னங்கள் இருந்­த­னவா என்­பது குறித்தும் கவனம் செலுத்தப்படவுள்ளது. குறித்த பகுதில் 1950 ஆம் ஆண்டு போடப்பட்டதாக கூறப்படும் பாதையின் கீழாலும் இந்த எலும்புக்கூடுகள் காணப்பட்டதாக கண்டறியப்பட்டுள்ளது. எனவே அது தொடர்பில் 5 ஆம் திகதி கூட்டத்தில் முடிவு எடுக்கப்படவுள்ளது. என தெரிவித்தார்.