தாழ்த்தப்பட்ட  மரம் ஏறி சீவல் தொழிலாளல் மக்கள் வாழும் இந்த பகுதியில் இயங்கும் இந்த பாடசாலை இதுவரை காலமும் கவனிப்பாரற்று கிடந்தது. இந்த பிரதேச சனசமூக நிலையத்தின் தலைவராகவும் பனை அபிவிருத்தி சங்க தலைவராகவும் அண்மைக்காலங்கள் வரை செயல்பட்ட பசுபதி சீவரத்தினம் ஆவார். கடந்த காலங்களில் வெறும் ஐந்தாம் தரம் வரையுமே கல்வி கற்க முடிந்த இந்தபிரதேச ஒடுக்கப்பட்ட சமுக மாணவர்களுக்கு அண்மையில் இப்பாடசால தரமுயர்த்தப்பட்டதனால் தரம் 11 வரை படிக்கும் வாய்ப்பை பெற்றனர்.

இந்நிலையில் ஒடுக்கப்பட்ட மாணவர்களின் வளர்ச்சியை பொறுக்க முடியாத ஆதிக்க சாதி விசமிகளே மாணவர்களின் கல்வியை தடுக்க இந்தவிதமான விஷம் கலக்கும் கொடிய செயல்களில் ஈடுபட்டுள்ளனர் என தெரிய வருகின்றது. தாழ்த்தப்பட்ட மக்கள் விழிப்படைய வேண்டும். ஏழாலை மிகவும் சாதி வெறிபிடித்த கிராமங்களில் ஒன்று. புலிகள் அழிக்கப்பட்ட பின் இந்த மக்களின் இயல்பு வாழ்க்கை மீண்டு வந்தது. தாழ்த்தப்பட்ட மக்களின் பிள்ளைகள் கல்வியில் முன்னேற்றம் கண்டு வருகின்றனர்.

மருத்துவர்கள்,பொறியியலாளர்கள் என்று தகுதி பெற்று வருகின்றனர். சாதிவெறி பிடித்த சமூகங்கள் தாழ்த்தப்பட்ட மக்களின் கல்வி முன்னேற்றம் கண்டு அச்சமடைகின்றர்.
தாழ்த்தப்பட்ட மக்களின் பிள்ளைகள் சீவல் தொழிலிலிலும், வேளாளர்களுக்கு கூலிகளாக அடிமைத் தொழில் செய்வதிலும் நாட்டமின்றிப் போய்விட்டனர். கல்வியில் அக்கறை செலுத்துகின்றனர். இனி வரும் காலத்தில் இந்த சாதியை அடையாளப்படுத்தும் தொழில்களை விட்டு தாழ்ததப்பட்ட மக்கள் கல்வியில் முன்னேற வேண்டும். எல்லோரும் எங்கும் கல்வி கற்கலாம் என்ற நிலைமை இப்போது இருக்கின்றது. தமிழ்த் தேசியம் பேசும் அரசியல்வாதிகளை நம்பாது தங்கள் சொந்த நலன்களில் தாழ்த்தப்பட்ட மக்கள் அக்கறை கொள்ள வேண்டும்.

செய்தி:

யாழ். ஏழாலை முருகன் வித்தியாலய நீர்த்தாங்கியில் நஞ்சு கலப்பு

நீர் நஞ்சானதால் யாழ்ப்பா ணத்தில் 27 பாடசாலை மாண வர்கள் வைத்தியசாலையில் அனுமதிக்கப்பட்டனர். ஏழாலை ஸ்ரீ முருகன் வித்தி யாலயத்தில் கல்வி கற்கும் மாணவர்களே நஞ்சு கலந்த நீரை அருந்தியதன் விளைவாக வைத்தியசாலையில் அனுமதிக் கப்பட்டுள்ளனர். பாடசாலை மாணவர்களின் குடிநீருக்காக பயன்படுத்தப் படும் நீர்த் தாங்கியிலேயே இந்த நஞ்சு கலந்திருந்ததாக பொலிஸார் தெரிவித்தனர். காலையில் பாடசாலையில் பிரார்த்தனை இடம் பெற்று நிறை வடைந்ததைத் தொடர்ந்து வகுப்புக்கு செல்லும் வேளையில் சிறிய மாணவர்கள் சிலர் நீர் தாங்கி வைக் கப்பட்டு இருந்த இடத்திற்கு சென்ற நீர் அருந்தியுள்ளார்கள்.

இந்த நேரத்தில் நீர் அருந்த சென்ற பாட சாலையின் சிரேஷ்ட மாணவத் தலைவர் நீரைக் குடிக்க முற்பட்ட வேளையில் நீரில் துர்நாற்றம் வீசுவதை உணர்ந்து உடனடி யாக ஏனைய மாணவர்களை நீரைக் குடிக்கவிடாது தடுத்து அதிபரின் கவனத் திற்கு கொண்டு சென்றுள்ளார். அதிபர் உடனடியாக வந்து சிரேஷ்ட மாண வர்களின் உதவியுடன் நீர் தாங் கியின் மூடியை திறந்து பார்த்த வேளை யில் நீரில் இருந்து துர்நாற்றம் வீசியதுடன் நீரும் பாதிக்கப்பட்ட நிலையில் காணப் பட்டுள்ளது.

இதனைத் தொடர்ந்து நீர் தாங்கியை முழு மையாக அவதானித்த வேளையில் நஞ்சு போத்தல் நீர்த் தாங்கியின் அடியில் கிடப்பதை கண்டு பிடித்துள்ளார்கள். உடனடியாக இதனை கேள்விப்பட்ட பெற்றோர்கள் நலன் விரும்பிகள் பழைய மாணவர்கள் அயலவர்கள் எனப் பலரும் பாடசாலையில் கூடியதுடன் நீரைப் பருகிய மாணவர்கள் வாகனங்களில் வைத்தியசாலைகளுக்கு கொண்டு செல்லப் பட்டார்கள்.

தெல்லிப்பளை ஆதார வைத் தியசாலையில் மாணவர் மூவர் ஒரு பொதுமகன் என இருவரும் யாழ்ப் பாணம் போதனா வைத்திய சாலையில் 24 பேருமாக 28 பேர் வைத்திய சாலையில் அனுமதிக்கப்பட்டுள்ளனர். இவர்களுடைய நிலைமை தற்போது சீரானதாக காணப்படுவதாக வைத்தியசலை வட்டாரங்கள் தெரிவித்துள்ளன. சுன்னாகம் பொலிசாருக்கு அதிபர் கொடுத்த தகவலின் அடிப்படையில் பொலிசார் தீவிர விசாரணைகளை மேற் கொண்டு வருகின்றனர்.

அமைதி சமாதானம் ஜனநாயகம்

www.sooddram.com