தமிழ்நாட்டில் இராமன் ஆண்டால் என்ன? இராவணன் ஆண்டால் என்ன?

தமிழ்நாடு மாநில சட்டசபைத் தேர்தலில் அ.தி.மு.க தனித்து ஆட்சியை அமைக்குமளவிற்கு 203 தொகுதிகளை கைப்பற்றி இந்தத் தேர்தலில் கலைஞர் மு. கருணாநிதி தலைமையிலான தி.மு.க. கூட்டணியை படுதோல்வியடையச் செய்துள்ளது. இதனால், ஐந்து ஆண்டு கால இடைவெளிக்குப் பின்னர், செல்வி ஜெயலலிதா மீண்டும் தமிழ்நாட்டின் முதலமைச்சராக பதவியேற்கவுள்ளார். இவரது பதவியேற்பு வைபவம் சென்னை கிண்டி ஆளுநர் மாளிகையில் ஆளுநர் சுர்ஜித் சிங் பர்னாலா தலைமையில் நாளை இடம்பெறவுள்ளது. ஏப்ரல் மாதம் 13ம் திகதி நடந்த தேர்தலின் முடிவுகள் நேற்று அறிவிக்கப்பட்டது.

தமிழ் நாட்டின் தேர்தல் முடிவுகள் பற்றி தமிழ் மக்களிடம் அவர்களின் அபிப்பிராயத்தை கேட்டபோது, தமிழ்நாட் டில் இராமன் ஆண்டால் என்ன? இராவணன் ஆண்டால் என்ன? அதைப்பற்றி நாங்கள் கவலைப்பட போவதில்லை என்று பதிலளித்தார்கள். ஏன் இவ்விதம் கூறுகின்றீர்கள்? என்று நிருபர்கள் அவர்களிடம் கேட்ட போது, செல்வி ஜெயலலிதாவின் கட்சியோ, கலைஞர் கருணாநிதியின் கட்சியோ இலங்கைத் தமிழர்கள் பற்றி அனுதாபமும், அக்கறையும் காட்டுவதாக கடந்த காலத் தில் மிகவும் தந்திரமான முறையில் அரசியலை நடத்தி வந்தார்கள் அவர்கள், இலங்கைத் தமிழரின் பிரச்சினையை தங்களின் அரசியல் இலாபத்திற்காக பயன்படுத்தினார்கள் என்று தெரிவித்தனர்.

கடந்த ஆறு மாத காலமாக தமிழ் நாட்டின் மாநில சட்டசபைத் தேர்தலுக்கான பிரசாரங்கள் முடுக்கிவிடப்பட்ட கால கட்டத்தில், இவ்வளவு காலமும் அமைதி யாகவும், நற்புறவுடன் இலங்கை கடற் றொழிலாளர்களும், இந்திய கடற்றொழி லாளர்களும் தங்களின் மீன்பிடித் தொழிலை நடத்தி வந்ததை பார்த்து, பொறாமைப்பட்டு கடற்றொழிலாளர் பிரச்சினையை அரசியல் மயப்படுத்தி தங்கள் தேர்தல் பிரசாரத்தை தமிழ்நாட்டின் இவ்விரு கட்சிகளும் முடுக்கிவிட்டு அரசியல் இலாபம் திரட் டின என்று அவர்கள் கூறினார்கள்.

தமிழ்நாட்டு மீனவர்களின் ஆதரவைப் பெறும் நோக்கத்துடன் இலங்கை கடற்படையினர் தங்கள் மீனவர்களை கொடுமைப்படுத்தியதாகவும், சுட்டு படுகொலை செய்ததாகவும் போலிப் பிரசாரங்களை செல்வி ஜெயலலிதாவின் கட்சியும், கலைஞர் கருணாநிதியின் கட்சியும் மேற்கொண்டது என்று வேதனைத் தெரிவித்த, தமிழ் மக்களில் பலரும் ஜெயலலிதா முதலமைச்சராக பதவியேற்ற பின்னர் இலங்கைத் தமிழர்களின் பிரச்சினையில் ஓரவஞ்சக கொள்கையையே கடைப்பிடிப்பார் என் றும் கண்டனம் தெரிவித்தனர்.

கருணாநிதியின் மாநில அரசாங்கம் இத்தேர்தலில் படுதோல்வி அடைவதற்கு ஸ்பெக்ரம் ஊழலில் அக்கட்சியின் தலைவர்கள் கோடான கோடி ரூபாவை கொள்ளையடித்ததே பிரதான காரணமென்று தெரிவித்த இங்குள்ள தமிழர்களில் பலர், ஜெயலலிதாவும் நேர்மையானவர் அல்ல, அவரும் தனது ஆட்சிக் காலத்தில் இவ் விதம் ஊழல்களைப் புரிந்து, கோடிக்கணக் கில் பணம் சம்பாதித்து மாட மாளிகை களை கட்டியிருக்கிறார் என்றும் தெரிவித்தார்கள். இலங்கைத் தமிழர்களை தமிழ்நாட்டு அரசியல்வாதிகள் தங்கள் அரசியல் இலாபத்திற்காக பகடைக்காய்களாக பயன்படுத்தினார்கள்.