விஜயகாந்த் அபார வெற்றி

அ.தி.மு.க வெற்றியை தொடர்ந்து வடிவேலு வீட்டுக்கு பொலிஸ் காவல்

ரிஷிவந்தியம் தொகுதியில் தே. மு. தி. க தலைவர் விஜயகாந்த் 30,795 ஓட்டுகள் வித்தியாசத்தில் அபார வெற்றி பெற்றார். 18 சுற்று முடிவில் விஜயகாந்த் 91,164 ஓட்டுகளும் அவரை எதிர்த்து போட்டியிட்ட காங்கிரஸ் வேட்பாளர் சிவராஜ் 60,369 ஓட்டுகளும் பெற்றனர். இந்தத் தேர்தலில் தி. மு. க.வின் பிரசார பீரங்கியாகக் கருதப்பட்ட வடிவேலு அ. தி. மு. க. வெற்றி பெற்றதால் பெரும் சிக்கலுக்குள்ளாகியுள்ளார். அவரது வீட்டு முன் பெரும் பொலிஸ் படையே குவிக்கப்பட்டுள்ளது. தேர்தல் பிரசாரத்தில் அ. தி. மு. க. கூட்டணிக்கு குறிப்பாக விஜயகாந்துக்கு எதிராக கடுமையான பிரசாரத்தை மேற்கொண்டார் வடிவேலு. விஜயகாந்த் கட்சி இந்தத் தேர்தலோடு காணாமல் போகும் என்றார். விஜயகாந்த் குடித்துவிட்டு உளறுவதாக கடுமையாக சாடினார். ஆனால் ஜெயலிதாவை மட்டும் அவர் திட்டவில்லை.

அத்துடன் அ. தி. மு. கவுக்கு வாக்களித்த ரஜினியை சீண்டும் வகையில் பேட்டி கொடுத்தார். தேர்தல் முடிவுக்கு பின்னர் எல்லாமே மாறும் அப்போது பேசுகிறேன் என்று கூறினார்.

தேர்தல் முடிவுகள் வெளியாகிவிட்டன. அ. தி. மு. க. அபார பெரும்பான்மையுடன் ஆட்சியைப் பிடிக்கப் போகிறது. வடிவேலுவால் விமர்சிக்கப்பட்ட விஜயகாந்த் 25 தொகுதிகளுக்கும் மேல் முன்னணியில் இருக்கிறார். அடுத்த எதிர்க்கட்சித் தலைவர் என்று கூறப்படும் அளவுக்கு அவரது நிலை உயர்ந்துள்ளது.

இந்த நிலையில் ஏற்கனவே பகையாளிகளாக இருந்த வடிவேலுவுக்கும் விஜயகாந்துக்கும் மோதல் முற்றும் நிலை ஏற்பட்டுள்ளது. ஏற்கனவே வடிவேலுவை சினிமா உலகம் ஒதுக்க ஆரம்பித்துள்ள நிலையில் அவர் எதிர்த்துப் பிரசாரம் அ. தி. மு. க. ஆட்சிக்கு வந்திருப்பதால், வடிவேலுவின் சினிமா வாழ்க்கையே அஸ்தமித்துவிட்டதாக பலரும் பேசிக் கொள்கின்றனர்.

இன்னொரு பக்கம் வடிவேலு மீது விஜயகாந்த் ரசிகர்கள், சிங்கமுத்து ரசிகர்களும் கோபமாக உள்ளார்களாம். எனவே, அவரது வீட்டுக்கு முழு பொலிஸ் பாது காப்பு போடப்பட்டுள் ளது.விருகம்பாக்கத்தில் உள்ள வடிவேலு வீட்டைச் சுற்றிலும் பொலிசார் குவிக்கப்பட்டுள்ளனர்.

அருகில் உள்ள விஜயகாந்த் வீட்டுக்கும் பொலிஸ் காவல் பலப்படுத்தப்பட்டுள்ளது.

வீண் மோதல்களை தவிர்க்க வடிவேலுவை கொஞ்ச நாள் வெளியூரில் இருக்குமாறும் பொலிசார் அறிவுறுத்தியுள்ளதாகத் தெரிகிறது.