கலைஞர் செய்திகள்

ஏன் இவ்வளவு கொண்டாட்டம்?

“கடந்த 20ந் தேதி கொல்கத்தாவில் நடைபெற்ற விழாவில் மம்தா பானர்ஜி மேற்குவங்க முதல்வராக பதவியேற்றார். ஆளுநரிடம் துள்ளிக்குதித்து ஓடுகிறார். பதவியேற்பு உறுதிமொழியை படிக்கிறார். ஓடிச் சென்று கையெழுத்து போடுகிறார். ஒரு குழந்தையைப் போல் மகிழ்ச்சியில் துள்ளிக்குதிக்கிறார். தலைமைச் செயலகத்திற்கு நடந்தே செல்கிறார்.” இந்த நிகழ்ச்சிகள் முழுவதையும், கொல் கத்தாவிற்கு தனது சிறப்பு நிருபரை அனுப்பி விசேஷ ஒளிபரப்பு செய்தது ‘கலைஞர் செய் திகள்’ தொலைக்காட்சி. போகட்டும் அது அவர்கள் உரிமை. ஆனால் போகிற போக் கில் சிறப்பு செய்தியாளர் உதிர்த்த முத்துக் கள் ஜனநாயக சக்திகளையும் நடுநிலையா ளர்களையும் முகம் சுளிக்க வைத்தது.

30 ஆண்டு காலம் இடது முன்னணி யும், மார்க்சிஸ்ட் கட்சியும் அராஜக ஆட்சி புரிந்ததாம். மம்தா பானர்ஜி அதை தோற் கடித்து வெற்றி வாகை சூடியுள்ளாராம். கனவு மெய்ப்பட்டுவிட்டதாம். கம்யூனிஸ்ட்டு களை முற்றிலும் ஒழித்துவிட்டாராம் என்று, மம்தாவைவிட பல மடங்கு துள்ளிக்குதித்து செய்திகளை ஒளிபரப்பியது.

தில்லியில் இந்த தொலைக்காட்சியின் பங்குதாரர் களில் ஒருவரான கனிமொழி கைது செய் யப்பட்டு திகார்சிறைக்கு அனுப்பப்பட்டுள்ள சூழ்நிலையில் கூட, மிகவும் உற்சாகத்துடன் இந்த செய்திகளை ஒளிபரப்பிக் கொண்டி ருந்தது. உலக தேர்தல் வரலாற்றில் ஒரு அதி சயம். 34 ஆண்டுகள் தொடர்ந்து ஆட்சி, மகத்தான சாதனைகள். என்றாலும் இந்த தேர்தலில் மேற்குவங்க மக்கள் மாற்றத்தை விரும்பி வாக்களித்துள்ளனர். இடதுமுன் னணி ஒரு பின்னடைவை சந்தித்துள்ளது. இதுபற்றி முழுமையான பரிசீலனை செய்து தக்க படிப்பினை பெறுவோம், தவறுகளைத் திருத்துவோம் என இடதுசாரிகள் அறிவித் துள்ளனர்.

கடந்த காலங்களில் கம்யூனிஸ்ட்டுகள் பல அடக்குமுறைகளை சந்தித்துள்ளனர். தேர்தல் தோல்விகளையும் எதிர்கொண் டுள்ளனர். பீனிக்ஸ் பறவைபோல் எழுந்து வந்துள்ளனர். இந்த வரலாறு கலைஞர் செய் திகள் தொலைக்காட்சி நிருபருக்கு தெரி யாமல் இருக்கலாம். ஆனால் அதன் உரி மையாளருக்கு நன்கு தெரியும்.

மத்திய அரசின் தாராளமயக் கொள்கை களுக்கு மாற்றாக விளங்கிய இடதுமுன் னணி அரசு பின்னடைவை சந்தித்ததால் முற்போக்காளர்களும், ஜனநாயக சக்திக ளும், உழைப்பாளி மக்களும் கவலை அடைந்துள்ளனர். பன்னாட்டு நிதி நிறு வனங்களும், வர்த்தக நிறுவனங்களும், பெரும் ஊடக அமைப்புகளும் இந்த பின் னடைவை சாக்காக வைத்து தாக்குதல் களை தீவிரப்படுத்தியுள்ளனர். இந்த வரி சையில் கலைஞர் தொலைக்காட்சியும் தன்னை இணைத்துக் கொண்டுள்ளது.

பதவி ஏற்பு விழாவில் முன் வரிசையில் முன்னாள் முதல்வர் புத்ததேவ், நிதி அமைச் சர் அசிம்தாஸ் குப்தா, இடதுமுன்னணி அமைப்பாளர் பிமன்பாசு ஆகியோர் கம்பீ ரமாக அமர்ந்துள்ளனர். இதுவும் கூட மம்தா வின் அரசியல் நாகரீகத்திற்கு எடுத்துக் காட்டாம். அதிகாரப்பூர்வமாக மம்தா அழைத்ததால் வந்துள்ளனராம்.

சில மாதங் களுக்கு முன்னர் கூட கொல்கத்தாவில் ரயில்வே துறை சார்பாக நடைபெற்ற அரசு விழாவிற்கு, பிரதமர் மன் மோகன் சிங் கலந்துகொண்ட விழாவிற்கு அன்றைய முதல்வர் புத்ததேவ் அழைக்கப் படவில்லை. அந்த “அரசியல்” பண்பாடு மக்களுக்கு நன்றாகவே நினைவில் உள்ளது. மம்தாவை தூக்கவும், கம்யூனிஸ்ட்டுகளை தாக்கவும் கலைஞர் தொலைக்காட்சி ஏன் இவ்வளவு மெனக்கெடுகிறது?

-வி.எஸ்.