18 ஆண்டுகள் விமானநிலையத்தில் வாழ்ந்த அகதி

உலக அகதிகளின் எண்ணி க்கை 15.4 மில்லியனை தாண்டியுள்ளது. தனது வாழ்வாதாரத்திற்காக அன்றாடம் போராடும் இந்த அகதிகளின் கதை கொடூரமானது. ஆனால் ஈரான் நாட்டைச் சேர்ந்த மஹ்ரான் கரீமி நஸ்ஸரி என்ற அகதியின் கதை சற்று சுவாரஸ்யமானது. இவர் தனது அகதி வாழ்வை விமான நிலையத்தில் கழித்துள்ளார். அதுவும் ஓரிரு தினங்கள் அல்ல சுமார் 18 ஆண்டுகள் அவர் விமான நிலை யத்திலேயே வாழ்ந்திருக்கிறார். ஈரானின் மன்னர் ஷாஹ்வின் ஆட்சிக் காலத்தில் அவருக்கு எதிராக செயற்பட்டதற்கு சிறை மற்றும் துன்புறுத்தல்களுக்கு உள்ளான மஹ்ரான் நஸ்ஸரி நாட்டை விடடு வெளியேற்றப்பட்டார். இவ்வாறு ஐரோப்பாவில் புகலிடம் கோரி அலைந்து திரிந்த அவரை எந்த நாடும் ஏற்கவில்லை.

கடைசியில் பிரிட்டனுக்கு போக தீர்மானித்த நஸ்ஸரி. பிரான்ஸில் வைத்து தாம் பிரிட்டன் நாட்டவர் என்று கதையொன்றை கற்பித்து தனது ஆவணங்கள் உள்ள பை திருட்டு போய்விட்டதாக குறிப்பிட்டு பரிஸில் இருக்கும் சால்ஸ் டி கோல் விமான நிலையத்தில் இருந்து பிரிட்டன் செல்ல முயன்றார். அவரது முயற்சி ஓரளவு வெற்றி அளித்தது. விமானமேறி ஹீத்ரு விமான நிலையம் வரை சென்ற அவர் எந்த ஆவணமும் இல்லாததால் மீண்டும் சால்ஸ் டி கோல் விமான நிலையத்திற்கே திருப்பி அனுப்பப்பட்டார்.

இந்த நிலையில் பிரான்ஸ் அதிகாரிகளிடமும் நஸ்ஸரியினால் தனது அகதி அந்தஸ்தை நிரூபிக்க முடியாததால் வேறு வழியின்றி அவர் விமான நியைத்தின் பயணிகள் காக்கும் அறைக்கு அனுப்பப்பட்டார். இப்போது 72 வயதை எட்டும் நஸ்ஸரி 1988 ஆம் ஆண்டு ஒகஸ்ட் 26 ஆம் திகதி பயணிகள் காக்கும் அறைக்கு அனுப்பப்பட்டு கடைசியில் 18 ஆண்டுகள் அவர் அங்கு காக்க வேண்டி ஏற்பட்டது. இந்த பகதியில் கடைகள், உணவகங்கள் என்று அனைத்தும் இருக்கும்.

ஒரு தரணத்தில் அவரை பிரான்ஸ் பொலிஸார் கைதுசெய்தனர். ஆனால் அவர் சட்டப்படியே விமான நிலை யத்திற்குள் நுழைந்திருக்கிறார் என்ப தாலும் அவருக்கு திரும்பிச் செல்ல நாடு இல்லை என்பதாலும் உடன டியாக விடுவிக்கப்பட்டு விட்டார். இதனால் அவருக்கு விமான நிலை யமே குடியிருப்பாகவும் மாறியது.

எவ்வாறாயினும் பிரான்ஸ் மனித உரிமை வழக்கறிஞர் கிரிஸ்டியன் போர்கட் 1992 ஆம் ஆண்டு நஸ்ஸரிக்கு நியாயம் கேட்டு வழக்காடினார். இதன்படி, நஸ்ஸரி பிரான்ஸிற்குள் வந்தால் நாடு கடத்த நீதிமன்றம் தடை விதித்தது. ஆனால் அவர் நாட்டுக்குள் நுழைய அனுமதி இடைக்கவில்லை. பின்னர் 1995 ஆம் ஆண்டு பெல்ஜியம் நாடு நஸ்ஸரிக்கு அங்குவர அனுமதித்த போதும் அவர் காணிப்பின் கீழ் இரு க்க நிபந்தனை விதிக்கப்பட்டதால் அவர் அந்த அனுதாபத்தையும் நிராகரித்தார்.

எவ்வாறாயினும் நஸ்ஸரியின் விமான நிலைய வாழ்க்கை 2006 ஜுலை மாத த்தில் முடிவுக்கு வந்தது. அவரது பின் பகுதியில் ஏற்பட்ட காயம் காரணமாக விமான நிலையத்தில் இருந்து மருத்துவ மனைக்கு எடுத்துச் செல்லப்பட்டார். கடந்த 2008 ஆம் ஆண்டிலிருந்து அவர் பரிஸ் முகாமில் வாழ்கிறார்.

நஸ்ஸரி விமான நிலையத்தில் இரு ந்த 18 ஆண்டுகளிலும் தனது பயணப் பையையும் அருகில் வைத்துக்கொண்டு புத்தகங்கள் படித்தும் நாட்குறிப்பு எழுதியும் பொருளியல் தொடர்பில் படித்துக்கொண்டும் காலத்தை கழித் திருக்கிறார். விமான நிலையத்தில் பணியாற்றுவோரிடம் இருந்து நஸ்ஸரிக்கு உணவு மற்றும் கழிக்க செய்தி பத்திரி கைகளும் கிடைத்துள்ளன. விமான நிலை யத்தில் பொருட்களை தள்ளிச்செல்லும் வண்டி மற்றும் பயணப் பையுடன் எப்போதும் காட்சி அளிப்பதால் அங்கு செல்பவர்கள் நஸ்ஸரியை ஒரு வீடற்றவர் என்றில்லாமல் ஒரு பயணியாகத்தான் பார்த்திருப்பார்கள்.

நஸ்ஸரியின் கதை ஹொலிவுட் உட்பட பல திரைப்படங்களுக்கும் இல க்கியங்களுக்கும் பின்னணியாக இருந்துள் ளது. அதேபோன்று உலகில் அதிக காலம் விமான நிலையத்தில் கழித்தவரும் நஸ்ஸரியாகத்தான் இருப்பார்.

எம். எஸ். பிர்தெளஸ்