அடுத்த முறையும் தி.மு.க. ஆட்சி தான்!

அடுத்த முறையும் தி.மு.க. தான் ஆட்சிக்கு வரும் என்ற நம்பிக்கையும் உறுதியும் உள்ளது என ஓசூரில் நடந்த அரசு நலத்திட்ட உதவிகள் வழங்கும் விழாவில் துணை முதல்வர் ஸ்டாலின் பேசினார். ஓசூர் காமராஜர் காலனி அரசு ஆண்கள் மேல்நிலைப்பள்ளி மைதானத்தில் மகளிர் சுய உதவி குழுவுக்கு சுழல்நிதி மற்றும் அரசு நலத்திட்ட உதவி வழங்கும் விழா நடந்தது. துணை முதல்வர் ஸ்டானின் கலைஞர் வீட்டு வசதி திட்டத்தில் 101 பயனாளிகளுக்கு கொன்கிaட் வீட்டுச் சாவி, மகளிர் சுய உதவி குழுக்களுக்கு சுழல்நிதி மற்றும் நலத்திட்ட உதவிகள் வழங்கி பேசியதாவது; கடந்த காலத்தில் மகளிர் சுய உதவி குழுக்கள் சுமூக நலத்துறையில் இருந்தது. ஊரக வளர்ச்சி துறைக்கு மாற்றப்பட்டது முதல் மகளிர் சுய உதவிக் குழுக்கள் செயற்பாடு வளர்ச்சியடைந்துள்ளன.

அதிகமான சுழல்நிதி, வங்கி கடன் உதவிகள் சுய உதவி குழுக்களுக்கு வழங்கப்படுகிறது. மகளிர் சுய உதவி குழுக்களை அரசியலுக் காகவும், தேர்தல் நேரத்தில் கட்சி பிரசாரத்திற்காகவும் பயன்படுத்த வேண்டும் என்ற குறுகிய நோக்கம் தி.மு.கவுக்கு இல்லை. பெண்கள் சுய மரியாதையாகவும், யார் தயவும் இல்லாமல் சொந்த காலில் நின்று வாழ்க்கையில் முன்னேற்றம் பெற அதிக சுழல்நிதி வழங்கப்படுகிறது. அ.தி.மு.க. ஆட்சியை ஒப்பிடும்போது தி.மு.க. ஆட்சியில் மகளிர் சுய உதவி குழுக்களுக்கு இரு மடங்கு சுழல் நிதி, வங்கி கடன் வழங்கப்பட்டுள்ளது.

இதுவரை நடந்த விழாக்கள் வரை தொடர்ந்து 7 மணி நேரம் கடைசி வரை நின்று கொண்டு சுய உதவி குழு வினருக்கு சுழல் நிதி வழங்கி உள்ளேன். அதனால் எனக்கு கால் வலிக்கவில்லை. மாறாக மனச் சோர்வு போய்விடுகிறது. கால்வலி காற்றில் பறந்து போய்விடுகிறது. தி. மு. க. ஆட்சியை பொறுத்தவரையில் ஆளும் கட்சியினர், மாற்று கட்சியினர், எதிர்க் கட்சியினர், தோழமை கட்சியினர் என பாரபட்சம் பார்க்காமல் நலத் திட்ட உதவிகள் வழங்கப்படுகின்றன. குறிப்பாக கலைஞர் காப்பீட்டு திட்டம், வீட்டு வசதி திட்டம் உள்ளிட்ட அனைத்து அரசு திட்டங்களிலும் அதிகமாக எதிர்க் கட்சியினர்தான் பயனடைந்துள்ளனர்.

ஓசூரில் அரசு கல்லூரி அமைக்க நிதி துறையினருடன் ஆலோசித்து உறுதியாக நடவடிக்கை எடுக்கப்படும். தி. மு. க. ஆட்சியில் சொன்னதை செய்து வருவதோடு சொல்லாதவையும் நிறைவேற்றப்படுகிறது. குறிப்பாக கலைஞர் வீட்டு வசதி திட்டம், காப்பீட்டு திட்டம் மற்றும் 108 அவசர சிகிச்சை வாகனம் ஆகியவை தேர்தல் அறிக்கையில் இடம்பெறாத நிறைவேற் றப்பட்ட திட்டங்களாகும். மக்கள் யாரும் பயப்படவே தேவையில்லை. தி. மு. க. ஆட்சி தான் அடுத்த முறையும் வரும் என்றார்.