ஐரோப்பாவில் வரலாறு காணாத கொந்தளிப்பு

ஐரோப்பிய நாடுகள் வரலாறு காணாத பொருளாதார நெருக் கடிக்குள் மிக வேகமாக பயணித்துக்கொண்டி ருக்கும் நிலையில், ஏற்கெனவே அமெ ரிக்கப் பொருளாதாரமும் மிகக்கடு மையான நெருக்கடியில் சிக்கியுள்ள நிலையில் ஒட்டுமொத்த முதலாளித் துவ பொருளாதாரமும் மீள முடியாத சிக்கலில் சிக்கியுள்ளன. இந்நிலையில் முதலாளித்துவ பொருளாதாரத்தை மீட்டே தீர வேண்டு மென்றும் இதற்காக வளர்முக நாடுகள் கடுமையான முடிவுகளை எடுத்தாக வேண்டும் என்றும் பிரதமர் மன் மோகன் சிங் கூறி யுள்ளார். கடும் நெருக்கடியில் சிக்கி யுள்ள ஐரோப்பிய பொருளாதா ரத்தை மீட்ப தற்கு, தேவைப்பட் டால் பெருமளவு நிதியுதவி அளிப்பதற்கு இந்தியா உள்ளிட்ட வளர்முக நாடுகள் தயாராக இருக்க வேண்டுமென்று மத்திய நிதியமைச்சர் பிரணாப் முகர்ஜியும் கூறியுள்ளார்.

இதன்மூலம், முதலாளித்துவத்தின் நெருக்கடி இந்தியா உள்ளிட்ட வளர் முக நாடுகளாகிய ஏழை நாடுகள் மீது படிப்படியாக சுமத்தப்படும் என்ற இடது சாரிகளின் எச்சரிக்கை உண்மை யாகிறது. ஐரோப்பிய யூனியனும், ஐரோப்பிய யூனியனின் 17 நாடுகளை ஒருங்கி ணைக்கும் பொது நாணயமான யூரோ வும் பெரும் நெருக்கடியில் சிக்கியிருப் பதால் அக்கண்டம் முழுவதிலும் வர லாறு காணாத கொந்தளிப்பு ஏற்பட்டுள் ளது. இந்தப்பின்னணியில் பிரான்ஸ் நாட்டின் கேன்ஸ் நகரில் ஜி-20 அமைப்பின் உச்சிமாநாடு துவங்கி யுள்ளது.

இம்மாநாட்டில் பங்கேற்பதற்காக பிரதமர் மன்மோகன் சிங் புதனன்று தில்லியிலிருந்து பாரீஸ் புறப்பட்டுச் சென்றார். புறப்படுவதற்கு முன்பாக தில்லியில் செய்தியாளர்களிடம் பேசிய அவர், யூரோ மண்டலத்தில் ஏற்பட் டுள்ள நெருக்கடிக்கு தீர்வுகாண வேண்டியது உடனடி அவசியம் என்று கூறினார்.

“ஐரோப்பாவிலும் உலகின் இதர நாடுகளிலும் ஏற்பட்டுள்ள பொருளா தார சவால்களை எதிர்கொள்வதற்கு நாம் கடுமையான முடிவுகளை மேற் கொள்ள வேண்டியது அவசியம். ஐரோப்பிய நாடுகளின் ஒருங்கி ணைப்பு மிகவும் முக்கியமானது; ஐரோப்பா வளமாக இருந்தால்தான் இந்தியா வாழ முடியும். எனவே ஐரோப் பிய பொருளாதாரத்தை பாதுகாக்க வேண்டியது அவசியம். எனவே உலக மயப் பொருளாதாரக் கட்டமைப்பிற்குள் அதை இன்னும் சரியாக பொருத்து வதற்கு நமது உள்நாட்டில் மிகக்கடு மையான நடவடிக்கைகளைக் கூட எடுப்பதற்கான அணுகுமுறை தேவைப் படுகிறது. இந்தியா போன்ற வளர்முக நாடுகள், உலகமயப்பொருளாதாரச் சூழலில் கடுமையாக சவால்களை எதிர்கொண்டு, அதற்கு ஏற்றவாறு தகவமைத்துக்கொள்ள வேண்டி யுள்ளது. இன்றைய உலக நாடுகள் ஒன்றுக்கொன்று மிக அதிகமாக சார்ந்துள்ள நாடுகளாக வேகமாக மாறி வருகின்றன. இதனால் நமதுபொரு ளாதாரத்திற்குள் பணவீக்க அழுத் தங்கள் போன்ற பிரச்சனைகள் இறக் குமதியாகின்றன. இதை எதிர் கொண்டுதான் ஆகவேண்டும்” என்று மன்மோகன் சிங் கூறினார்.

இந்தப்பிரச்சனைகள் குறித்து ஜி-20 உச்சிமாநாட்டில் விவாதிக்க இருப் பதாக தெரிவித்தார். செய்தியாளர்களி டம் பேசிய நிதியமைச்சர் பிரணாப் முகர்ஜி கூறுகையில், “யூரோ மண்ட லத்தில் பல நாடுகள் திவால் நிலை மையை நோக்கிக்கூட சென்றுகொண் டிருக்கின்றன. இந்நாடுகளின் பிரச்ச னைகளை தீர்ப்பதற்கு நாம் முயற்சிக்க வேண்டும். இந்நாடுகளை மீட்க நிதியுத வி செய்வதற்கும் தயாராக வேண்டும்” என்று கூறினார்.

இரண்டு நாட்கள் நடைபெறவுள்ள இம்மாநாட்டில் பிரான்ஸ் ஜனாதிபதி நிகோலஸ் சர்கோஸி, ஜெர்மனி அதிபர் ஏஞ்சலா மெர்க்கெல் உட்பட 20 நாடுகளின் தலைவர்கள் பங்கேற்கின் றனர்.

மேலும் கொந்தளிப்பு

கேன்ஸ் நகரில் ஜி-20 உச்சி மாநாடு நடைபெறும் சூழலில், ஐரோப் பிய கண்டத்தில் கொந்தளிப்பு மேலும் தீவிரமடைந்துள்ளது. கிரீஸ் நாடு வரலாறு காணாத நிதி நெருக்கடியில் சிக்கி திவாலாகிக் கொண்டிருப்பதே, ஐரோப்பா முழுவதும் நெருக்கடி தீவிர மடைய அடிப்படைக் காரணமாக மாறி யது. இந்நிலையில், அந்நாட்டின் பொரு ளாதாரத்தைக் காப்பாற்ற கடந்த வாரம் ஐரோப்பிய யூனியன் தலைவர்கள் கூடி, கிரீசுக்கு மீட்பு நிதிஅளிக்க முடிவு செய்தனர். இதன்மூலம் யூரோ நாணயத்தை பாதுகாக்க வேண்டு மென்று அவர்கள் முடிவு செய்தனர். ஆனால் கிரீஸில் மக்கள் போராட்டம் மிகப்பெருமளவிற்கு வெடித்திருப்ப தால் இந்த மீட்பு நிதியை ஏற்பதா, இல்லையா என்பது குறித்து மக்களி டமே பொதுவாக்கெடுப்பு நடத்தி முடிவு செய்யப்படுமென்று கிரீஸ் பிரதமர் ஜார்ஜ் பாப்பன்ட்ரூ அதிரடியாக அறிவித்துள் ளார். ஏற்கெனவே யூரோ நாணயத் தையும், ஐரோப்பிய யூனியன் என்ற கட்டமைப்புமே தங்களது நாட்டின் வீழ்ச்சிக்கு காரணம் என்று எதிர்த்து வரும் கிரீஸ் மக்கள் தங்களது சொந்த காலில் நிற்பது என்று தீர்மானித்து மேற்படி மீட்பு நிதியை ஏற்க முடியாது என்று பொதுவாக்கெடுப்பில் மறுத்து விட்டால், யூரோ நாணயத்தின் அடிப்ப டையிலான ஐரோப்பிய யூனியன் நாடுகளின் பொருளாதாரம் மளமளவென சரிவதை எவராலும் தடுக்க முடியாது.

இதனால் கிரீஸ் பிரதமரின் அறி விப்பு அக்கண்டம் முழுவதிலும் மிகப் பெரும் கொந்தளிப்பை ஏற்படுத்தியுள்ளது.