ஆரோக்கியத்துடன் 150 வயது வரை வாழ ஒரு மாத்திரை போதுமாம்!

மருத்துவ துறை வளர்ச்சியின் காரணமாக மனிதனின் சராசரி வயது ஆண்டு தோறும் அதிகரித்து வருகிறது. கடந்த 2009 ஆம் ஆண்டின் மதிப்பீட்டின்படி இந்தியர்களின் சராசரி வயது 69 ஆக உள்ளது. இந்நிலையில், ஆரோக்கியமான உடல் நலத்துடன் 150 ஆண்டுகளைக் கடந்து வாழ்வதற் கான மாத்திரையை கண்டுபிடிப்பதற் கான ஆராய்ச்சியில் மருத்துவர்கள் ஈடுபட்டுள்ளனர். இது அடுத்த 5 ஆண்டு களில் விற்பனைக்கு வரும் என்று நம்பிக்கை தெரிவித்துள்ளனர். இது குறித்து அவுஸ்திரேலியாவின் நியூ சவுத்வேல்ஸ் பல்கலைக்கழக பேராசிரியர் பீட்டர் ஸ்மித் கூறுகையில், மனிதனுக்கு வயதாவதை ஒத்திப்போடும் மாத்திரையை கண்டுபிடிப்பது குறித்து ஆராய்ச்சி நடைபெற்று வருகிறது. இதன் மூலம் 150 ஆண்டுகளைத் தாண்டி வாழ முடியும். அதாவது, வயதாவதைத் தடுக்கும். இது மட்டுமல் லாமல், நோய் நொடியின்றி ஆரோக் கியமாக வாழவும் இந்த மாத்திரை உதவும். இந்த மாத்திரை உடலில் உள்ள செல்களை புதுப்பித்து உற்சாக முடன் இருக்க வகை செய்யும் என்றார்.

ஹாவட் பல்கலைக்கழக பேராசிரிய ரும் அவுஸ்திரேலியாவைச் சேர்ந்தவரு மான டேவிட் சின்க்ளெயர் கூறுகையில்,

மனிதன் வயதாவதற்கு உடலில் உள்ள ஜீன்கள் குழுவே முக்கிய காரணமாக உள்ளது. அவற்றை புதுப் பித்துக் கொள்வதற்கான வாய்ப்பை நமது உடல் பெற்றிருக்கிறது. றெட் வயினில் உள்ள ஒரு பொருள் ரெஸ்வரேட்டல் என்ற தாவரத்திலும் உள்ளது. இதை ஈஸ்ட், புழு, ஈ மற்றும் எலி ஆகியவற்றில் செலுத்தியபோது, அதன் வாழ்நாள் அதிகரித்தது கண்டு பிடிக்கப்பட்டது. இதை அடிப்படையாகக் கொண்டு மனிதனின் வாழ்நாளை அதி கரிப்பதற்கான மாத்திரையை தயாரிக்க முயற்சி நடைபெற்று வருகிறது என்றார்.

மகிழ்ச்சியாய் இருப்பவர்கள் மரணமடைவதில்லை

எந்த நேரமும் மகிழ்ச்சியாய் இருப்பவர்களை மரணம் எளிதில் நெருங்குவதில்லை என்று ஆய்வு ஒன்றில் தெரியவந்துள்ளது. எதைப்பற்றியும் கவலைப்படாமல் மகிழ்ச்சி ஒன்றே குறிக்கோளாக கொண்டவர்கள் எந்த நோய்க்கும் ஆளாவதில்லை என்கின்றது அந்த ஆய்வு. லண்டனில் உள்ள பல்கலைக் கழகம் ஒன்று இந்த ஆய்வினை மேற் கொண்டது. 52 முதல் 79 வயது வரை உடைய 4 ஆயிரத்திற்கும் மேற்பட்ட வர்கள் ஆய்வுக்கு உட்படுத்தப்பட்டனர். ஐந்து ஆண்டுகளாக சோதனைக்கு உட்படுத்தியதில் நேர்மறை எண்ணத் துடன், மகிழ்ச்சியுடன் இருந்தவர்கள் அனைவரும் எந்த நோய்க்கும் ஆட்படாமல் ஆரோக்கியமாக இருந்தது தெரியவந்தது.

கவலையை விரட்டுங்கள்

ஆய்வில் பங்கேற்றவர்களின் உடல் ஆரோக்கியம் குறித்து மருத்துவர்கள் சோதனை செய்தனர். வயது, பாலினம், மன அழுத்தம், நோய்பாதிப்பு குறித்து 5 ஆண்டுகள் அவர்கள் சோதனை மேற்கொண்டனர். அப்போது கவலைப்படுபவர்களை விட மகிழ்ச்சியுடன் இருந்தவர்களுக்கு 35 சதவிகித அளவிற்கு நோய்த் தாக்குதல் குறைந்துள்ளது தெரியவந்தது.

நேர்மறை எண்ணங்கள்

நேர்மறை எண்ணம் கொண்ட வயதானவர்களை எந்த நோயும் தாக்குவதில்லை என்று ஆய்வு மேற்கொண்ட பேராசிரியர் ஆன்டூரு ஸ்டீயூ என்பவர் டெயில் மெயில் பத்திரிகைக்கு அளித்த பேட்டியில் தெரிவித்துள்ளார். அந்த ஆய்வு முடிவினை நெசனல் அகடமி ஆப்சயின்ஸ் வெளியிட்டுள்ளது.