இலங்கையில் சமாதான முயற்சி பயங்கரவாதத்திற்கு எதிரான போர்

நோர்வே வெளியிட்டுள்ள 202 பக்க அறிக்கையில் பல விடயங்கள் கசிவு!

இந்தியாவை அதிகம் சாடல், தான் சமாதான தூதராக சரியாக செயற்பட்டதாக வலியுறுத்தல்

நோர்வேயில் இந்திய உளவுத்துறை மீது பாரிய குற்றச்சாட்டுகள் முன்வைக்கப்பட்டுள்ளன. 2008 ஆம் ஆண்டுவரை இலங்கை மீது அரசியல் தீர்வை முன்வைக்க விரும்பிய இந்திய உளவுத்துறை 2008க்கு பின்னர் இராணுவ தீர்வை நோக்கி நகர்ந்ததாக எரிக் சோல்ஹெய்ம் சுட்டிக்காட்டியுள்ளார். அன்ரன் பாலசிங்கத்தை நான் வாஷிங்டன் கொண்டு செல்ல பென்ரகனில் அனைத்து அனுமதிகளும் பெற்றுவிட்டேன். அதற்கு பிறகு அது பகிரங்கமானதால் என்மீது பல பிரசாரங்கள் ஆரம்பமாகின என்று பொருள் பட அன்றில் இருந்து புலிகளை அழிக்கும் வேலைகள் ஆரம்பமானதாக இந்திய உளவுத்துறை மீது மறைமுக குற்றச்சாட்டுகளை முன்வைத்தார் றிச்சட் ஆர்மிரேச்.

இந்தியாவில் இருந்து வந்த ஊடகவியலாளர் நாராயணசாமி இந்தியா இரண்டு பாதைகளில் பயணித்தது எனவும் பாலசிங்கம் மரணிக்க முதல் ஓர் இந்தியாவும் அதற்கு பின்னரான காலப் பகுதியில் வேறு ஓர் இந்தியாவும் இலங்கை விடயத்தில் பயணித்ததாக இந்திய உளவுத்துறை மீதும் கொள்கை வகுப்பாளர்கள் மீதும் இறுதி யுத்தம் மீதான பழிக் குற்றச்சாட்டுக்கள் பாய்ந்தன. தமிழர்கள் சார்பாக கலந்துகொண்ட நடராஜா சுதா தமிழர் தரப்பு நியாயத்தை வெளிப்படுத்தினார்.

இலங்கைச் சமாதான முயற்சிகள் இடம்பெற்ற காலத்தில் இம்முயற்சிகளை ஆதரிப்பதாக இந்தியா வெளிப்படையாக கூறினாலும் புலிகளை உரிய இடத்தில் அடக்கி வைக்க வேண்டும் என நோர்வே யிடம் இந்தியா அந்தரங்கமாக கூறியது என நோர்வேயில் வெளியிடப்பட்ட ஆய்வறிக்கையொன்றில் தெரிவிக்கப்பட் டுள்ளது. இலங்கையில் சமாதான முயற்சிகள் தோல்வியுற்றது ஏன் என்பதை கண்டறிவதற்கு நோர்வே அரசாங்கத்தின் அனுசரணையுடன் மேற்கொள்ளப்பட்ட ஆய்வறிக்கை வெள்ளிக்கிழமை ஒஸ்லோவில் வெளியிடப்பட்டது. இவ்வறிக்கையிலேயே இவ்விடயம் குறிப்பிடப்பட்டுள்ளது. 2003 – 2004 இல் சமாதான முயற்சிகள் மெதுவாக சிக்கறுக்கப்பட ஆரம்பித்தபோது கொழும்பு மீது புதுடில்லி அனுதாபம் கொண்டிருந்தது.

2004 ஆம் ஆண்டு காங்கிரஸ் கட்சி அதிகாரத்திற்கு வந்தவுடன் தமிழர் அபி லாஷைகளை நிறைவேற்றுமாறு தொடர்ச் சியாக கோரி வந்தது. ஆனால் அதன் பின்னர் இலங்கை அரசாங்கத்தின் மீது அதன் இராணுவ ரீதியிலான தெரிவு தொட்பாக எந்த அழுத்தத்தையும் இந்தியா பிரயோகிக்க வில்லை என அந்த அறிக்கையில் குறிப் பிடப்பட்டுள்ளது.

202 பக்கங்களைக் கொண்ட இந்த அறிக்கையானது நோர்வே வெளிவிவகார அமைச்சின் ஆவணங்கள் மற்றும் சமாதானச் செயற்பாட்டில் முக்கிய பாத்திரம் வகித்த நபர்களுடனான செவ்விகள் ஆகியவற்றின் அடிப்படையில் தயாரிக்கப்பட்டுள்ளது.

உயிரிழப்புகளை மட்டுப்படுத்துமாறு இந்தியா சில கோரிக்கைகளை விடுத்தாலும் புலிகளை தோற்கடிப்பதற்கான இராணுவ நடவடிக்கைகளை தொடர்வதற்கு தாம் ஆதரவளிப்பதை இந்தியா மிகத் தெளி வாக்கியது என அவ்வறிக்கையில் தெரி விக்கப்பட்டுள்ளது.

யுத்தத்தின் இறுதிக்கட்டத்தில் இந்திய அமைச்சர் பி. சிதம்பரம் பிரபாகரனுடன் தொடர்புகொண்டு, ஆயுதங்களை கீழே வைப்பார்கள் என்ற முன்னதாகவே தயா ரிக்கப்பட்ட அறிக்கையொன்றை புலிகள் ஏற்றுக் கொள்ளுமாறு யோசனை கூறிய தாகவும் நோர்வேயின் அறிக்கையில் கூறப்பட்டுள்ளது. (ஆனால் அவர் எவ்வாறு பிரபாகரனை தொடர்புகொண்டார் என்று கூறப்படவில்லை.)  எனினும் இந்த நடவடிக்கை விடயம் புலிகள் சார்பு தமிழக அரசியல்வாதியான வைகோவுக்கு கசிந்தது. அவர் இதை காங்கிரஸின் ஒரு தந்திரம் எனக்கூறி நிராகரித்ததுடன் தேர்தலில் பாரதிய ஜனதா கட்சி வெற்றி பெற்று புலிகளை மீட்கும் என புலிகளுக்கு உறுதியளித்தார் என அவ்வறிக்கையில் தெரிவிக்கப்பட்டுள்ளது. ஆனால் அது நடைபெறவில்லை. இந்தி யாவில் லோக்சபா தேர்தல் முடிவுகள் அறிவிக்கப்பட்ட வேளையில் பிரபாகரன் கொல்லப்பட்டார்.