உழைப்புக்குச் சன்மானமாய் உதயமாகுமா மலையகத்தில் தனித்துவ பல்கலைக்கழகம்

மலையக மக்கள் மத்தியில் உள்ள அரசியல்வாதிகள் சிலர் மலையகத்திற்கென தனியான பல் கலைக்கழகம் அவசியமா? எனக் கேள்வி கேட்டு எதிர்க்கிறார்கள்! தனிப் பல்கலைக்கழகம் இப்போதைக்கு அவ சியம் இல்லை என்கிறார்கள். அப்படி அமைத்தால் எல்லோரையும் அந்தப் பல்கலைக்கழகத்திற்கு அனுப்பி விடுவார்கள் என்றும் தனிப் பல்கலைக்கழகம் அமைக்கக் கோரும் பேராசிரியர்கள் தொழில் இல்லாமல் இருக்கிறார்கள். அதனால் பல்கலைக்கழகம் அமைத்துத் தொழில் தேட முயற்சிக்கிறார்கள் என்றும் அரசியல் வாதிகள் சிலர் கருத்துத் தெரிவிக்கிறார்கள்.

இளைப்பாறியவர்கள் மீண்டும் செல்ல முடியாது என்பது இவர்களுக்குத் தெரிய வில்லை என்று கொழும்பு பல்கலைக் கழகத்தின் முன்னாள் தமிழ்த்துறைப் பேராசிரியர் சோ. சுந்திரசேகரன் தெரி வித்தார். சிலவேளை எமது மக்கள் மத்தியில் உள்ளவர்கள் மலையகத்தவர்களுக்கு ஏன் தனிப்பல்கலைக்கழகம் என்று நினைக்கிறார்களோ தெரியவில்லை.

நாம் பேரினவாத அரசு என்கிறோம் அப்படி எதுவும் இல்லை அமைச்சர் டிலான் பெரேராவைச் சந்தித்து நாம் பேச்சுவார்த்தை நடத்திய போது அவர் சாதகமாகத்தான் பதில் அளித்தார். கடந்த 150 ஆண்டுகாலமாக நாட்டின் பொருளாதாரத்திற்காக உழைக்கும் இனத்திற்குச் சன்மானமாக இந்தப் பல்கலைக்கழகத்தைத் தாருங்கள் என்று கோரினோம். எமது கோரிக்கை மிகவும் சரியானது என்று அமைச்சர் கூறினார் என்று பேராசிரியர் சந்திரசேகரன் தெரிவித்தார்.

பாராளுமன்ற உறுப்பினர் ஸ்ரீரங்கா மலையக மக்களின் பிரச்சினைகள் குறித்து மிகவும் கரிசனை கொண்டவர். அதன் விளைவாகத்தான் அந்த மக்கள் அவருக்கு ஏகோபித்த ஆதரவை வழங்கியிருக்கிறார்கள். அவர் மலையக மக்களின் பிரச்சினைகளை நன்கு அறிந்து வைத்துள்ளார்.

அவர் ஒரு பட்டதாரி, கொழும்பு பல்கலைக் கழகத்தில் பயின்ற காலத்தில் பல துறைகளிலும் சிறந்து விளங்கியவர். இன்று அவர் மலைகத்தில் அரசியல்வாதி யாகவும் விளங்குகிறார். அவருக்குத்தான் பல்கலைக்கழகத்தின் அருமை, தேவை குறித்து நன்கு விளங்கும்.

மலையக மக்கள் மத்தியில் சிவில் அமைப்புகள் இல்லை. பட்டதாரி மாணவர்கள் அதனை உருவாக்க வேண்டும். அப்படி உருவாக்கினால், அவர்களுடன் இணைந்து செயலாற்ற நான் தயாராக இருக்கிறேன் என்று ஸ்ரீரங்கா எம்.பி. தெரிவித்திருக்கிறார். எனவே பல்கலைக்கழக கல்வி பயின்ற அவர் மூலமாக நாம் மலையகத்தில் பல்கலைக்கழகம் ஒன்றை உருவாக்க வேண்டும் என்றும் பேராசிரியர் சோ சந்திரசேகரன் தெரிவித்தார்.

அறுபது பட்டதாரி மாணவர்களுக்கு ஒரே நேரத்தில் புலமைப்பரிசில்கள்! அத்தனை பேரும் மலையகப் பெருந் தோட்டப் பகுதிகளைச் சார்ந்தவர்கள். வெள்ளவத்தை இராமகிருஷ்ண மிஷன் மண்டபம் கல்வியாளர்களால் நிறைந்திருந்த அந்தப் பொழுது, மலையகத்தில் பட்ட தாரிகள் இல்லை, உருவாகுவதில்லை என்ற கூற்றைப் பொய்யாக்குகிறது. மலையக சமூகத்திற்கென ஒரு தனியான பல்கலைக்கழகம் அவசியம்தான் என்பதை வலியுறுத்துகிறது!

அவுஸ்திரேலியாவில் வாழும் இந்திய வம்சாவளித் தமிழர்கள் ஒன்றிணைந்து திரட்டிய நிதியைப் பட்டதாரி மாணவர் களுக்கு வழங்குவதற்கென இராமகிருஷ்ண மிஷன் தலைவரின் தலைமையில் ஏற்பாடாகியிருந்தது அந்த நிகழ்ச்சி.

பிரஜைகள் முன்னணியின் செயலாளர் நாயகமும், நுவரெலியா மாவட்டப் பாராளுமன்ற உறுப்பினருமாகிய ஜெ. ஸ்ரீரங்கா, கலாநிதி பிரதாப் இராமானுஜம், பேராசிரியர் சோ சந்திரசேகரன், திறந்த பல்கலைக்கழகத்தின் சிரேஷ்ட விரிவுரை யாளர் தை. தனராஜ் முதலானோர் வைபவத்திற்கு அழகு சேர்த்திருந்தார்கள்.

பேராசிரியர் சந்திரசேகரன் மலையக சமூகத்தில் மாத்திரமன்றித் தமிழ்க் கல்வியாளர்கள் மத்தியில் மதிப்பும் மரியாதையும் மிகுந்த ஒரு தனித்துவமான புத்திஜீவி. தமிழ்க் கல்வித் துறை வளர்ச் சிக்கென்று பல நூல்களை எழுதியிருக்கிறார். என்றாலும் எந்தவிதமான ஆர்ப்பாட்டமும் இல்லாமல் தொடர்ந்தும் தமது பணிகளைத் தொடர்ந்து வருகிறார்.

நாங்கள் படிக்கின்ற காலத்தில் புலமைப் பரிசில்கள் இருக்கவில்லை. இன்று பல அமைப்புகள் அதனை வழங்குகின்றன. மலையகப் பிள்ளைகளுக்கு இந்திய உயர்ஸ்தானிகராலயம் புலமைப் பரிசில்களை வழங்குகிறது. மலையகப் பெருந்தோட்டப் பிள்ளைகள் குறைவு என்றாலும் இன்று 240 பேர் பல்கலைக்கழகப் பட்டப் படிப்புக்கெனப் புலமைப் பரிசில் பெறு கிறார்கள். இஃது முக்கியமானது. இது மலையகத்தில் வளர்ச்சி உண்டு என்பதையே காட்டுகிறது. இவ்வாறு வளர்ச்சி வருவ தால் மலையகத்திற்குத் தனியான பல்கலைக்கழகம் அவசியம் என்று வலியுறுத்தப்படுகிறது.

மலையக சமூகம் ஓர் அங்கீகரிக்கப்பட்ட முக்கிய இனம். கலை, கலாசாரம் தனியாகப் பிரதிபலிக்கப்பட வேண்டும். மற்றைய இடங்களில் இன அடையாளங் களைப் பிரதிபலிக்கக்கூடிய வகையில் பல்கலைக்கழகங்கள் உண்டு. அந்த வகையில் மலையகத்திற்கெனத் தனியான பல்கலைக்கழகம் கோருவது தவறல்ல. பேராசிரியர் சந்திரசேகரன் இப்படிச் சுட்டிக்காட்டியது புலமைப் பரிசில் வழங்கும் நிகழ்ச்சியில் பங்கேற்றோரின் கவனத்தைப் பெரிதும் ஈர்த்தது. ஏனெனில் கலந்து கொண்டிருந்தவர்கள் அனைவரும் தமிழ்க் கல்வித்துறை வளர்ச்சியில் மிகுந்த அக்கறையுள்ளவர்கள்.

1942 ம் ஆண்டுதான் இலங்கையில் முதலாவது பல்கலைக்கழகம் உருவானது. இலங்கைப் பல்கலைக்கழகம் அமைப்ப தற்கான கோரிக்கையை அப்போது பல் கலைக்கழக இயக்கம் முன்வைத்தது. அதற்கு ஆங்கிலேயர்கள் அளித்த பதிலும் தற்போதைய மலையக அரசியல்வாதிகள் தெரிவிக்கும் கருத்தைப் போலவே இருந்தது. ஆனால், இன்று 15 பல்கலைக் கழங்கள் உருவாகிவிட்டன. மலையகத்தில் இன்னும் ஆரம்பக் கல்வி பிரச்சினை தீரவில்லை என்றும் அஃது முதலில் தீரவேண்டும் என்றும் கூறுகிறார்கள். அது எப்போது தீரும்? நாட்டின் இன்ன மும் நிவாரணம் பெறும் மக்கள் வாழ்ந்து கொண்டுதானே இருக்கிறார்கள். பதினைந்து பல்கலைக்கழகங்கள் உருவாகிவிட்டதற்காக அனைத்துப் பிரச்சினைகளும் தீர்ந்துவிட்ட தாகக் கூற முடியுமா?

புலமைப்பரிசில் வழங்கும் நிகழ்ச்சிக்கு வந்திருந்தவர்கள் அனைவரும் மலையகப் பல்கலைக்கழகம் அமைக்கப்பட வேண்டியதன் அவசியத்தை உணர்ந்த மன நிறைவுடன் வெளியேறினார்கள்.