இலண்டனில் புலிகளின் ஆதரவாளர்கள் மாவீரர் நாள் கொண்டாட்டத்திற்காக மேற்கொண்டு வந்த ஏற்பாடுகளை இறுதி நேரத்தில் ரத்து

இலண்டனில் புலிகளின் ஆதரவாளர்கள் மாவீரர் நாள் கொண்டாட்டத்திற்காக மேற்கொண்டு வந்த ஏற்பாடுகளை இறுதி நேரத்தில் ரத்துச்செய்யபட்டுள்ளதாக தெரிவிக்கபடுகிறது. ஏதிர்வரும் 27ஆம் திகதி மாவீரர் தினத்திற்கெனப் பதவு செய்யப்பட்டிருந்த இரண்டு மண்டபங்கள் இறுதி நேரத்தில் ரத்துச் செய்யப்பட்டுள்ளன. பிரிட்டனில் விநாயகம் குழுவினருக்கும் நெடியவன் குழுவினருக்கும் இடையில் ஏற்பட்டுள்ள அதிகாரப் போட்டியின் காரணமாக மாவீரர் நாள் கொண்டாட்டத்தை நடத்த முடியாத நிலை ஏற்பட்டுள்ளதாகத் தெரியவருகிறது. முன்பு மாவீரர் தினத்தைக் கொணடாடுவதற்காகப் புலிகள் பயன்படுத்தி வந்த எக்சல் மண்டபத்தை இம்முறை விநாயகம் பிரிவினர் பதிவு செய்திருந்தனர். அதேநேரத்தில் நெடியவன் குழுவினர் ஐந்து இடங்களில் பதிவு செய்திருந்தனர். இந்நிலையில், இறுதி நேரத்தில் விநாயகம் பிரிவினரின் பதவினை ரத்துச் செய்த எக்சல் நிர்வாகம் அவர்கள் செலுத்தியிருந்த 50 ஆயிரம் பவுண்ஸ் முன்பணத்தையும் திருப்பிக் கொடுத்துள்ளது.

அதேவேளை, நெடியவன் பதிவுசெய்திருந்த ஐந்து இடங்களில் ஓர் இடம் ரத்துச்செய்யப்பட்டுள்ளது. நெடியவன் மற்றும் விநாயகம் குழுவினரை பிரிட்டன் பொலிஸார் விசாரணை நடத்தியதாகவும் தெரியவருகிறது. இந்தப் பிண்ணனியில் நெடியவன் குழு பதிவுசெய்துள்ள ஏனைய இடங்களும் ரத்துச்செய்யப்படுமா என்பது தெரியவில்லை. அதேநேரத்தில் அரோ பகுதியில் நெடியவன் குழுவினரால் ஒழுங்கு செய்யபட்ட மண்டப உரிமையாளர் மிரட்டபட்டுள்ளதுடன் அவருடைய வாகனத்தையும் தாக்கி சேதமாக்கியுள்ளனர்

இதேவேளை

இலண்டன் ரூட்டிங் பகுதியில் சிவயோகம் அறக்கட்டளையின் கீழ் கடந்த 15 வருடங்களுக்கு மேலாக இயங்கிவரும் அருள்மிகு இலண்டன் முத்துமாரி அம்மன் திருக்கோயிலின் சித்திரத்தேர் 16.11.2011 இரவு 11.00 மணியளவில் தீவைத்து அழிக்கப்பட்டுள்ளது.

இரவு 09.00 மணிக்கு அர்த்தசாமப் பூசை முடிவுற்று திருக்கோயில் நடைசாத்தப்பட்டது. சுமார் இரவு 11.00 மணியளவில் நான்கு பேர் கொண்ட குழு ஒன்று எரிபொருட்கள் (எரிதிரவம்) சகிதம் வந்து, கடந்த 11 வருடங்களாக அம்பாள் திருவீதி உலாவந்த, சித்திரத் தேரை தீவைத்து அழித்துள்ளனர். இச்சம்பவத்தை கண்ட அயலில் உள்ளவர்கள் கொடுத்த தகவலில் விரைந்து வந்த பொலிசாரும் தீயணைப்புப்படையினரும் செயற்பட்டு தீயை ஏனய கட்டிடங்களுக்குப் பரவாது கட்டுப்பாட்டுக்குள் கொண்டுவந்தபோதும், சித்திரத்தேர் மீண்டும் உபயோகிக்க முடியாத அளவிக்கு எரிந்துவிட்டது.

நான்கு பேர்களால் நடாத்தப்பட்ட இந்த நாசகாரச் செயற்பாடுகள் அனைத்தும் துல்லியமாக திருக்கோயில் பாதுகாப்பு கமராக்களில் பதிவாகியுள்ளது. இப்பதிவுகள் அனைத்தும் காவல்த்துறையினரிடம் ஒப்படைக்கப்பட்டுள்ளது.

திருக்கோயில் அமைந்திருக்கும் கட்டிடத்தின் குத்தகைக் காலம் மார்ச் 2011 உடன் முடிவடைந்துவிட்டது. நீதிமன்றம்; கட்டிடத்தில் இருந்து உடனடியாகத் திருக்கோயிலை வெளிக் கொண்டு செல்லவேண்டும் என்று தீர்ப்பளித்துள்ளது.

இதேவேளை இச்சம்பவத்திற்க்கு புலிகளுக்குயிடையே ஏற்பட்ட உள்ள கருத்துமோதல்களே காரணம் என சந்தேகம் வெளியிடபட்டள்ளது