விமான தளத்திலிருந்து வெளியேற அமெரிக்காவுக்கு பாகிஸ்தான் காலக்கெடு

நேட்டோ படையின் எல்லை மீறிய தாக்குதலையடுத்து 15 நாள் அவகாசம்

பலுகிஸ்தான் மாகாணத்தில் உள்ள தனது விமானப் படை தளத்தில் இருந்து 15 நாட்களுக்குள் வெளியேறுமாறு அமெரிக்காவுக்கு பாகிஸ்தான் உத்தரவிட்டுள்ளது. நேட்டோ படை கடந்த வெள்ளிக்கிழமை எல்லை மீறி நடத்திய தாக்குதலில் 25 பாகிஸ்தான் வீரர்கள் கொல்லப்பட்டதைத் தொடர்ந்தே பாக். அரசு இந்த அதிரடி அறிவிப்பை வெளியிட்டுள்ளது. இந்த சம்பவத்திற்கு பின்னர் பாகிஸ்தான், அமெரிக்க உறவில் மேலும் விரிசல் ஏற்பட்டுள்ளது. நேட்டோ படை தாக்குதலை தொடர்ந்து பாகிஸ்தான் பாதுகாப்புப் படை பிரதானி களுடன் பிரதமர் யூசுப் ராசா கிலானி வெளியுறவு அமைச்சகத்தில் அவசர கூட்டத்தை நடத்தினார். இந்த கூட்டத்தில் நேட்டோ தாக்குதலுக்கு கடும் கண்டனம் தெரிவிக்கப்பட்டது.

இதில் அமெரிக்காவின் நடவடிக்கைக்கு பதிலடி கொடுக்க முடிவு செய்யப்பட்டது. ஆப்கானிஸ்தானில் முகாமிட்டுள்ள அமெரிக்கா தலைமையிலான ‘நேட்டோ’ படைகளுக்கு பாகிஸ்தானின் கோர்க்காம், சாமன் ஆகிய எல்லைப் பகுதிகள் வழி யாகத் தான் லொறிகள் மூலம் பெட்ரோல், டீசல் உள்ளிட்ட எரிபொருட்கள் மற்றும் வீரர்களுக்கான உணவு பொருட்கள் கொண்டு செல்லப்படுகின்றன. எனவே, அந்த பாதைகளை அடைத்து விடுவது என முடிவு செய்யப்பட்டது. அதன்படி நேற்று முன்தினம் இரு எல்லை பகுதிகளும் அடைக்கப்பட்டன. இதனால் நேட்டோ படைகளுக்கு பொருட்கள் ஏற்றிச் சென்ற 40 லொறிகள் பாகிஸ்தானில் நிறுத்தி வைக்கப்பட்டன.

அவை ஜம்ரூட் என்ற இடத்தில் உள்ள சோதனைச் சாவடியில் நிறுத்தி வைக்கப்பட்டன.

இதேபோன்று பாகிஸ்தான் வட மேற்கு பகுதியில் ஆப்கானிஸ்தான் எல்லை யில் பதுங்கியுள்ள தீவிரவாதிகளை பாகிஸ் தானுடன் இணைந்து அமெரிக்க இரா ணுவம் ஆளில்லா விமானம் மூலம் ஏவு கணைகளை வீசி அழிந்து வருகிறது. அதற் காக ஷாம்ஸி விமானப் படைத் தளத்தை அமெரிக்கா பயன்படுத்தி வருகிறது. இந்நிலையில் இன்னும் 15 நாட்களுக்குள் அமெரிக்க இராணுவம் மேற்படி தளத்தில் இருந்து வெளியேறும்படி உத்தரவிடப்பட் டுள்ளது. இதனிடையே இந்த சம்பவத்திற்கு பாக். அரசு இஸ்லாமாபாத்தில் உள்ள அமெரிக்க தூதரகத்திற்கு கண்டன கடிதத்தை அனுப்பியுள்ளது. அத்துடன் பாகிஸ்தானுக்கான அமெரிக்க தூதுவருக்கு, பிரதமர் கிலாலியை உடனடியாக சந்திக் குமாறு அழைப்பு விடுக்கப்பட்டுள்ளது.

மேலும், இந்த தாக்குதலைத் தொடர்ந்து பாகிஸ்தான் பிரதமர் அலுவலகம் வெளியிட்ட அறிக்கையில்; பாகிஸ்தான் அரசு அமெரி க்கா, நேட்டோ படை மற்றும் சர்வதேச பாதுகாப்பு உதவிப் படைகளுடனான உறவு குறித்து மீள் பரிசீலனை செய்ய வுள்ளதாக அறிவித்துள்ளது.

இதேவேளை இச்சம்பவம் குறித்து முழு விசாரணை நடத்தப்பட வேண்டும் என ஒபாமா அரசு அறிவித்துள்ளது. இது குறித்து அமெரிக்க வெளியுறவுச் செயலாளர் ஹிலாரி கிளிடன் மற்றும் பாதுகாப்புச் செயலாளர் லியோன் பெனாட்டா ஆகி யோர் கூட்டாக வெளியிட்டுள்ள அறிக்கை யில் பாக். அரசிடம் தமது கவலையை வெளியிட்டுள்ளனர்.

பாகிஸ்தான் வடமேற்கு எல்லையிலுள்ள சோதனைச் சாவடி மீது நேட்டோ ஹெலி கொப்டர்கள் நடத்திய தாக்குதலில் பாகிஸ்தான் இராணுவத்தினர் 25 பேர் கொல்லப்பட்டனர். இதில் இரண்டு உயர் அதிகாரிகளும் அடங்குவர். அந்நாட் டின் வடமேற் மொஹ்மன்ட் பழங்குடி யினால் பிரார்ந்தியத்தின் பைஸாய் பகுதியில் கடந்த வெள்ளிக்கிழமை இரவு இந்த தாக்குதல் நடத்தப்பட்டது.

இந்த தாக்குதலில் 15 வீரர்கள் காய மடைந்துள்ளனர். இவர்களில் சிலரின் நிலை கவலைக்கிடமாக உள்ளதால் உயி ரிழப்பு அதிகரிக்கக்கூடும் என்று பாகிஸ்தான் அரசு தொலைக்காட்சி செய்தி வெளியிட் டுள்ளது. ஏற்கனவே ஒசாமா பின் லேடன் மீது அமெரிக்கா எல்லை மீறி நடத்திய தாக்குதலால் விரிசல் ஏற்பட்ட அமெரிக்க, பாகிஸ்தான் உறவு இச் சம்பவத்தால் மேலும் மோசமடைந்துள்ளது.