தலைமன்னாரில் மீள்குடியேறிய மக்களுக்கு காணிகளை உடன் வழங்க ஜனாதிபதி பணிப்பு

வடக்கு, கிழக்கில் ஏற்பட்டுள்ள தமிழ்-முஸ்லிம் மக்களது காணிப்பிரச்சினைகளை இனிமேல் கையாளுவதற்கு வடக்கு- கிழக்கு பிரதிநிதிகளை உள்ளடக்கிய அமைச்சர்களது குழுவொன்றை நியமிப்பதுடன், காணி மற்றும் சுற்றாடல் அமைச்சர்களையும் அதில் உள்வாங்குமாறு அகில இலங்கை மக்கள் காங்கிரஸின் தேசிய தலைவரும், அமைச்சருமான றிசாத் பதியுதீன் ஜனாதிபதியிடம் விடுத்த கோரிக்கைக்கு ஜனாதிபதியின் சாதகமான பதில் கிட்டியுள்ளது.

அண்மையில் ஜனாதிபதி மஹிந்த ராஜபக்ஷவை கைத்தொழில், வணிகத் துறை அமைச்சர் றிசாத் பதியுதீன் சந்தித்து, தற்போது நாட் டில் குறிப்பாக வடக்கு-கிழக்கு மாகா ணங்களில் தமிழ்,முஸ்லிம் மக்கள் மீள் குடியேறும்போதும், அதேபோன்று அங்கு விவசாய நடவடிக்கைகளில் ஈடுபடும் போதும், மக்கள் எதிர்நோக்கும் காணிப் பிரச்சினையினை தீர்த்துக்கொள்வதற்கு அம்மக்களின் பிரதிநிதிகளை கொண்ட குழுவொன்றை ஏற்படுத்தி, அந்த பிரச்சினைக் கான தீர்வை பெற்றுக்கொடுப்பதன் சாதகமான நிலைகளை அமைச்சர் றிசாத் பதியுதீன் ஜனாதிபதியிடம் எடுத்துரைத்திருந்த துடன், இவ்விடயத்தில் பாதுகாப்புத் தரப்பினரின் பிரசன்னம் அவசியமாக இருக்காது என்பதனையும் சுட்டிக்காட்டி யிருந்தார்.

அதேபோல் குறிப்பாக முஸ்லிம் கள் வாழும் ஒலுவில் அஷ்ரப் நகர், தலைமன்னார் பியர் கிராம மக்கள் எதிர்நோக்கியுள்ள காணிப்பிரச்சினை குறித்து கலந்துரையாடியதுடன், மீள்குடி யேறியுள்ள மக்களது பல்வேறு பிரச்சினைகள் குறித்தும் அங்கு கலந்துரையாடப்பட்டது.

அகில இலங்கை மக்கள் காங்கிரஸின் தேசிய தலைவர் அமைச்சர் றிசாத் பதியு தீன் எடுத்த இம்முயற்சியின் பிரதி பலனாக மன்னார் மாவட்டத்தில் தலை மன்னார் கிராமத்தில் மீள்குடியேறியுள்ள மக்களது கோரிக்கையான, அவர்களது உரிய காணியினை அம்மக்கள் தமது வாழ்விடங்களை அமைத்துக் கொள்வதற்கு ஜனாதிபதி மஹிந்த ராஜபக்ஷ, அதனை அம்மக்களிடம் ஒப்படைக்குமாறு தனக்கு பணிப்புரை வழங்கியுள்ளதாக காணி சீர்திருத்த ஆணைக்குழுவின் பணிப்பாளர் சட்டத்தரணி நிமல் புஞ்சி ஹேவா தினகரனுக்குத் தெரிவித்தார்.

வன்னி மாவட்ட அபிவிருத்திக் குழுவின் தலைவர் அமைச்சர் றிசாத் பதியுதீனின் தலைமையில் தலை மன்னாரில் மீள்குடியேறியுள்ள மக்களின் காணிகள் பிரித்து வழங்கப்பட வுள்ளதாகவும் சொன்னார்.

இந்தக் காணிகளுக்கான சட்ட ரீதியான அங்கீகாரம் எப்போது வழங்கப்படும் என்று கேட்டபோது, இது குறித்து அமைச்சர் றிசாத் பதியுதீனிடம் தொடர்பு கொண்டுள்ள தாகவும், அதனை மிகவும் விரைவில் பெற்றுக் கொடுக்கவுள்ளதாகவும் கூறிய காணி சீர்திருத்த ஆணைக்குழுவின் பணிப்பாளர் நிமல் புஞ்சிஹேவா, தம் மால் தலைமன்னார் பொலிஸில் செய்யப் பட்டிருந்த முறைப்பாட்டை விலக்கி கொள்ள வுள்ளதாகவும், அங்கு மீள்குடியேறியுள்ள மக்கள் எவ்வித அச்சமும் கொள்ளத் தேவையில்லையென்றும் அவர் தெரிவித்தார்.

1990ஆம் ஆண்டு வடக்கில் தலைமன்னார் கிராமத்திலிருந்து 180 குடும்பங்கள் வெளி யேற்றப்பட்டன. தற்போது 20 வருடங்களின் பின்னர் 600 குடும்பங்களாக மாறியுள்ள நிலையில், இவர்களால் துப்புரவு செய்யப் பட்ட காணியினை வேறு பயன்பாட்டுக்கு வழங்காது மக்களுக்கு வழங்க வேண்டும் என அமைச்சர் றிசாத் பதியுதீன் ஜனாதிபதி யிடம் வலியுறுத்தியி ருந்தார்.

அதேவேளை, இவ்வாறு வடக்கு, கிழக்கு மாகாண காணிப் பிரச்சினை யைத் தீர்ப்பதற்கு நிரந்தரமான அமைச்சர் குழுவொன்றை அமைப்பதற்கு அகில இலங்கை மக்கள் காங்கிரஸ் முழுமையான பங்களிப்பை வழங்கும் என்றும் அமைச்சர் றிசாத் பதியுதீன் சுட்டிக்காட்டியிருந்தமை குறிப்பிடத்தக்கது. அதேவேளை, தமது வாழ்விடத்தைப் பெற்றுத் தந்த அமைச்சர் றிசாத் பதியுதீனுக்கு ஜனாதிபதி மஹிந்த ராஜபக்ஷவுக்கும் இம்மக்கள் தமது நன்றிகளை தெரிவித்து கடிதங்களை அனுப்பியுள்ளனர்.