புதிய பனிப் போர் குறித்து சோவியத் ஒன்றியத்தின் கடைசி தலைவர் கோர்பச்சேவ் கடும் எச்சரிக்கை

அமெரிக்கா மமதையில் செயற்படுவதாக குற்றச்சாட்டு

உலகம் மீண்டும் ஒரு புதிய பனிப் போரின் ஆரம்பத்தை அண்மிப்பதாக சோவியத் ஒன்றியத் தின் முன்னாள் தலைவரான மிக்கெய்ல் கோர் பச்சேவ் எச்சரித்துள்ளார். பேர்லின் சுவர்கள் வீழ்த்தப்பட்ட 25 ஆவது ஆண்டு நிறைவை குறிக்கும் வகையில், பேர் லினில் உள்ள பிரண்டன்பேர் கேட்டுக்கு அருகே நடந்த நிகழ்வு ஒன்றில் அவர் இந்த கருத்தை கூறியுள்ளார். சோவியத் கூட்டமைப்பு வீழ்ச்சியடைந்த பின்னர் மேற்கு நாடுகள், குறிப்பாக அமெரிக்கா, வெற்றி மமதையில் செயற்படுவதாக அவர் குற்றஞ் சாட்டினார். ரஷ்ய நலன்களை பாதுகாக்கும் ஒரு மனிதராக ஜனாதிபதி புட்டினுக்கு ஆதரவு தெரிவித்த அவர், ரஷ்யாவை பலிக்கடாவாக்குவதற்கு, உக்ரைனிய பிரச்சினையை அமெரிக்கா பயன் படுத்துகிறது என்று கூறினார். "வல்லரசு நாடுகளுக்கு இடையில் பேச்சுவார்த் தைகள் முறிவடைந்த பின்னணியில் மத்திய கிழக்கு மற்றும் ஐரோப்பாவில் ஏற்பட்டிருக்கும் இரத்தக்களரி கவலை அளிக்கிறது. உலகம் புதிய பனிப் போரை எதிர்நோக்கி இருக்கிறது. அது ஏற்கனவே ஏற்பட்டு விட்டதாக ஒருசிலர் கூறுகிறார்கள்" என்று கோர்பச்சேவ் குறிப்பிட்டுள்ளார். சர்வதேச சக்திகள் யுகோஸ்லாவியா, மத்திய கிழக்கு தற்போது உக்ரைன் பிரச்சினையில் தீர்வு காண தவறியதே இதற்கு காரணமாகும் என்றும் அவர் சுட்டிக்காட்டியுள்ளார்.

சோவியத் ஒன்றியத்தின் கடைசி தலைவராக 1980களின் கடைசியில் ஆட்சியில் இருந்த கோர்பச்சேவ் மேற்குடன் நில்லிணக்கத்தை ஏற் படுத்தியதோடு தாராளவாதத்தை அறிமுகப் படுத்தினார். இதன் விளைவாக 1989 இல் கிழக்கு ஐரோப்பாவில் கொம்மியுனிஸ்ட் அரசு வீழ்ந்தது. இந்நிலையில் பெர்லின் சுவர் வீழ்ச்சியடைந் ததன் 25 ஆவது நினைவு தினம் ஜேர்மனியில் நேற்று கொண்டாடப்பட்டது. 1961 ஆம் ஆண்டு கொம்மியுனிஸ கிழக்கு nஜர்மனி மக்கள் மேற்கு ஜேர்மனிக்கு செல்வதை தடுக்க பெர்லின் சுவர் கட்டப்பட்டது. இது 1989 ஆம் ஆண்டு நவம்பர் 9 ஆம் திகதி வீழ்ந்தது. இந்த வீழ்ச்சி பனிப்போர் முடிவடை வதற்கான குறியீடாக கருதப்படுகிறது.