இலங்கை அகதிகளை திருப்பி அனுப்புங்கள் - விக்னேஸ்வரன்

''இந்தியாவில் உள்ள, இலங்கை அகதிகளை திருப்பி அனுப்புங்கள்,'' என, அந்நாட்டின், வட மாகாண முதல்வர் விக்னேஸ்வரன், இந்தியாவுக்கு கோரிக்கை விடுத்து உள்ளார்.

2 லட்சம் அகதிகள்
சென்னையில், நிருபர்களுக்கு நேற்று அவர் அளித்த பேட்டி: இலங்கை தமிழர்கள், அகதிகளாக இந்தியாவில் தங்கியுள்ளனர். 115 முகாம்களில் உள்ள, ஒரு லட்சம் பேரையும், முகாம்களுக்கு வெளியே தங்கி இருப்பவர்களையும் சேர்த்தால், இரண்டு லட்சம் இலங்கைத் தமிழர்கள், இந்தியாவில் அகதிகளாக உள்ளனர். பல ஆண்டுகளாக இங்கு இருந்தும், இந்திய குடியுரிமை இதுவரை இவர்களுக்கு கிடைக்கவில்லை. தங்குமிடம், உணவு உள்ளிட்ட பல்வேறு செலவுகளை, இங்குள்ள அரசு தான் செய்து வருகிறது. இலங்கையில் இருந்து அகதிகளாக வெளியேறியவர்கள், இனி நாட்டுக்குத் திரும்ப மாட்டார்கள் என, அவர்களுக்கு சொந்தமான நிலங்களை, ராணுவத்தினர் கைப்பற்றி வருகின்றனர். தாய்நாட்டின் பூர்வகுடிகளான, இரண்டு லட்சம் அகதிகள், இந்தியா வில் இருப்பதால், இலங்கையில் உள்ள தமிழர்களின் எண்ணிக்கை குறைந்து வருகிறது.

குறையும் பிரதிநிதித்துவம்

இதனால், தமிழர்களின் உரிமைகளுக்கு குரல் கொடுக்க, மக்கள் பிரதிநிதி களை போதியளவுக்கு எங்களால் தேர்ந்தெடுக்க முடியவில்லை. இதைப் போக்க, இந்தியாவில் உள்ள இலங்கை அகதிகளை திரும்பி அனுப்ப, இந்திய அரசு நடவடிக்கை எடுக்க வேண்டும். அகதிகளைத் திருப்பி அனுப்புவது குறித்து, மன்மோகன் சிங் பிரதமராக இருந்தேபோது பேச்சு நடத்தினோம். இதையடுத்து, அகதிகளைத் திருப்பி அனுப்ப, குழு ஒன்றை இந்திய அரசு அமைத்தது. தற்போது, மோடி தலைமையில் புதிய அரசு பதவியேற்று உள்ளது.  அகதிகளைத் திருப்பி அனுப்புவது குறித்து, மோடி அரசுடனும் பேச்சு நடத்தி வருகிறோம். அகதியாக இந்தியாவுக்கு வந்து, பல ஆண்டுகளாகின்றன. திரும்பி தாய் நாட்டுக்குப் போனால், தங்களுடைய நிலங்கள் கிடைக்குமா? போதிய பாதுகாப்பு அளிக்கப்படுமா? என்பதால் இங்குள்ள அகதிகள், நாடு திரும்ப அச்சப்படுகின்றனர். இந்த அச்சத்தைப் போக்கி, அவர்களது நிலங்களை அவர்களுக்கே அளித்து, மீள்குடியமர்வு செய்ய, இலங்கை அரசை, இந்தியா வற்புறுத்த வேண்டும். இரண்டு லட்சம் அகதிகளை பாதுகாப்பதும், இந்தியாவுக்கு சுமை தான். எனவே, தமிழர் நலனுக்காக, அவர்களை இலங்கைக்கு திருப்பி அனுப்ப வேண்டும்.
கடந்த, 1976 முதல், இலங்கையில் தூக்கு தண்டனை நிறைவேற்றப் படவில்லை. எனவே, தமிழக மீனவர்களுக்கு, இலங்கையில் அளிக்கப்பட்டு உள்ள தூக்கு தண்டனை நிறைவேற்றப்படாது என, நம்புகிறேன். தமிழக மீனவர்கள், இலங்கை கடற்பகுதியில் மீன் பிடிப்பதில் பிரச்னை இல்லை. அவர்கள், ஆழ்கடலில் மீன் பிடிக்கும் முறையில் தான், பிரச்னை ஏற்பட்டுள்ளது. கடல் வளங்களை அள்ளிச் செல்லும் வகையில், இருநாட்டு மீனவர்களும், மீன் பிடிக்கும் முறையை கையாளுகின்றனர். இந்த முறையைகையாளு பவர்கள், இரு நாட்டிலும் உள்ள அதிகாரம் படைத்தவர்களாக உள்ளனர். இதனால், இப்பிரச்னை யில் உரிய தீர்வு ஏற்
படுத்துவதில் சிக்கல் நீடிக்கிறது.

ஆழ்கடல் மீன்பிடிப்பு

தமிழகம் - இலங்கை இடையே உள்ள கடற்பகுதியில், ஆழ்கடலில் மீன் பிடிப்பதை தடை செய்து, பாரம்பரிய முறையில் மீன் பிடிப்பதை பின்பற்ற வேண்டும். வங்காள விரிகுடா, அரபிக் கடல் பகுதியில், ஆழ் கடலில் மீன் பிடிப்பதை அனுமதிக்கலாம். இந்த, முறையைப் பின்பற்றினால், இரு நாட்டு மீனவர்கள் பிரச்னைக்கு தீர்வு ஏற்படும்.

இலங்கைக்கு நெருக்கடி

இந்தியாவின் வற்புறுத்த லின் பேரில் தான், இலங்கையின், வட மாகாணத்துக்கு தேர்தல் நடத்தப்பட்டது. இப்போது, உரிய அதிகாரப்பகிர்வை அளிக்கவும், இலங்கைக்கு, இந்தியா நெருக்கடி அளிக்க வேண்டும். பதிமூன்றாவது அரசியல் சட்டத் திருத்தத்துக்கு அப்பாலும், அதிகாரப்பகிர்வு அளிக்கப்படும் என, இந்தியாவுக்கு பலமுறை உறுதி அளித்துள்ளார், ராஜபக் ஷே. அந்த உறுதிமொழியை, நிறைவேற்ற வேண்டியது இந்தியாவின் கடமை. எங்களைப் பொறுத்தவரை, தற்போதுள்ள ஒற்றை ஆட்சி முறையை நீக்கிவிட்டு, பல மாகாணங்களைக் கொண்ட, ஐக்கிய இலங்கையை உருவாக்க வேண்டும். இக்கோரிக்கை, சந்திரிகா குமாரதுங்க ஜனாதிபதிஆக இருந்தபோது ஏற்றுக் கொள்ளப்பட்டது.
இந்த கோரிக்கையை, ராஜபக் ஷேவும் ஏற்க வேண் டும். இதற்கு, இந்தியா உள்ளிட்ட சர்வதேச நாடுகள், இலங்கைக்கு நெருக்குதல் அளிக்க வேண்டும். இவ்வாறு, அவர் கூறினார்.