உங்கள் ஊரிலிருந்து உங்களை விரட்ட ஒருபோதும் இடமளியேன் - ஜனாதிபதி

கொழும்பு வாழ் மக்களை அவர்களின் வசிப்பிடங்களில் இருந்து வெளியேற்றுவதற்கு நான் ஒருபோதும் நடவடிக்கை எடுக்கமாட்டேன் என ஜனாதிபதி மஹிந்த ராஜபக்ஷ அவர்கள் தெரிவித்தார். கிராமத்தில் பிறந்த ஒருவன் என்ற வகையில் தன்னை தமது கிராமத்திலிருந்து விரட்டுவதாக யாராவது எனக்கு கூறினால் என் மனம் எவ்வளவு வேதனையடையும் என்பது பற்றி தனக்குத் தெரியுமெனவும், அவ்வாறான வேதனையை கொழும்பு வாழ் மக்கள் அடைவதற்கு தாம் ஒருபோதும் இடமளிக்கப்போவதில்லை எனவும் ஜனாதிபதி அவர்கள் மேலும் கூறினார். சோமாலியா, எத்தியோப்பியா போன்ற பெயர் கொண்டு அழைக்கப்படும் கொழும்பு மக்கள் வாழுகின்ற பிரதேசங்களை அபிவிருத்தி செய்து குடிசைகளுக்குப் பதிலாக அழகான மாடி வீடுகளில் புதிய வாழ்க்கை ஆரம்பிப்பதற்கான வாய்ப்பினை பெற்றுத்தருவதாகவும் கூறினார்.

கொழும்பு வாழ் மக்கள் எதிர்நோக்கும் பிரச்சினைகளை நான் இன்று நேற்றல்ல ஆனந்தாக் கல்லூரிக்கு செல்லும் காலத்திலிருந்தே தனக்குத் தெரியுமெனக் கூறிய ஜனாதிபதி மஹிந்த ராஜபக்ஷ அவர்கள் நீண்டகாலமாக கொழும்பு மாநகர சபையை நிருவகித்து வந்த ஐக்கிய தேசியக் கட்சிக்கு இந்த மக்களின் பிரச்சினைகளை தீர்த்து வைக்க முடியவில்லை எனவும் சுட்டிக்காட்டினார்.

யுத்த வெற்றியின் பின்னர் பாதுகாப்பு அமைச்சின் உதவியுடன் கொழும்பு நகரில் ஆங்காங்கே இருந்து வந்த துர்நாற்றத்தை அகற்றியதாகவும் கொழும்பு நகரை அலங்கரிப்பதற்காக பல்வேறு வேலைத் திட்டங்களை ஆரம்பித்துள்ளதாகவும் கூறினார்.

கடந்த காலத்தில் வரலாற்று ரீதியாக பல்வேறு வெற்றிகளை பெற்றுக்கொண்ட எமக்கு கொழும்பு மாநகர சபையை வெற்றி கொள்வது இலேசான விடயமாகும் எனவும் ஜனாதிபதி மஹிந்த ராஜபக்ஷ அவர்கள் சுட்டிக்காட்டினார்.

தமது காலம் முடிவடைவதற்கு மேலும் இரண்டு வருடங்கள் இருந்த போதும் அதனை ஒரு சவாலாகக் கொண்டு ஜனாதிபதித் தேர்தலை நடத்தி அதில் நான் அமோக வெற்றிபெற்றேன். அதன் பின்னர் நடைபெற்ற பாராளுமன்றத் தேர்தலில் 2/3 பெரும்பான்மையுடன் பாராளுமன்றத்தில் அதிகாரம் எமக்குக் கிடைத்தது. அதன் பின்னர் இடம்பெற்ற உள்ளூராட்சி மன்றத் தேர்தலிலும் வர லாற்றுச் சிறப்புமிக்க வகையில் வெற்றி பெற்றோம்.

எனவே, நடைபெறவுள்ள தேர்தலின் போது வெற்றிலைச் சின்னம் அனைத்து நகர, மாநகர சபைகள் அனைத் திலும் வெற்றிபெறும் என்பதில் தமக்கு எதுவித சந்தேகமும் கிடையாது ஜனாதிபதி வலியுறுத்தினார்.

இது தேர்தல் காலமாக அமைந்துள்ளமை யால் எதிர் கட்சியினர் எம்மீது பொய் குற்றச்சாட்டுக்களை சுமத்தி வருகின்றனர். வீடுகளை உடைத்து மக்களை வெளியேற்றப் போவதாகக் கூறுகின்றனர். முச்சக்கர வண்டிகளை கொழும்பிலிருந்து அகற்றி நெனோ கார் ஈடுபடுத்தப்போவதாகக் கூறுகின்றனர். இவை அனைத்தும் பொய் பிரசாரங்களாகும். மக்கள் இவற்றினை நம்பத்தயாரில்லை என்பதனை நான் நன்கறிவேன்.

நாம் கொழும்பிலே சேரிக் குடியிருப்புக் களுக்காக சில இடங்களைத் தேர்ந்தெடுத்து 5000 வீடுகளை நிர்மாணிப்பதற்கு அனு மதியளித்துள்ளோம்.

அவ்வாறே எமது இலக்கு கொழும்பிலே 70,000 வீடுகளை அமைத்து கொழும்பு வாழ் மக்களின் வீட்டுக் கனவை நனவாக்குவதாகும் எனவும் ஜனாதிபதி அவர்கள் சுட்டிக் காட்டினார்.