பாலஸ்தீனத்தை நாடாக அங்கீகரிக்க மறுத்தல்  அமெரிக்க அதிபரின் அடாவடித்தனம்

அமெரிக்க அதிபர் பாரக் ஒபாமா, ஐ.நா. மன்றத்தில் ஆற்றியுள்ள உரை யானது அமெரிக்க ஏகாதிபத்தியத்தின் நலன்களைப் பிரதிபலிக்கக் கூடிய விதத்திலும், இஸ்ரேலுக்கு அதன் உறுதி யான ஆதரவினைத் தெரிவித்திடும் விதத்திலும் அமைந்துள்ளது. பாலஸ் தீனத்தின் பகுதிகளை ஆக்கிரமித் திருப்பது தொடர்பாக ஐ.நா. மன்றம் நிறைவேற்றியுள்ள பல தீர்மானங்களை, மிகவும் வெட்கங்கெட்ட முறையில் இஸ் ரேல் மீறியிருப்பது குறித்தோ, சுதந்திர பாலஸ் தீனம் உருவாவதை அது ஏற்க மறுப்பது குறித்தோ அது கொஞ்சங் கூடக் கவ லைப்படவில்லை. இவ்வாறு பாரக் ஒபாமா பேசியிருப்பதானது, இஸ் ரேலையொட்டி பாலஸ்தீனம் உருவாவ தற்கு வழிசெய்திடும் ஐ.நா. மன்றத்தின் 181ஆவது தீர்மானத்தினை முற்றிலும் மீறும் செயலாகும்.

ஐ.நா.மன்றத்தில் அதிபர் ஒபாமா சென்ற ஆண்டு ஆற்றிய உரைக்கு நேரெதி ராக இந்த ஆண்டு பேசியிருக்கிறார். சென்ற ஆண்டு அவர், “பாலஸ்தீனம் உருவாவதற்கான நடவடிக்கைகளை முன்னெடுத்துச் செல்ல உறுதி அளித்த” அவர், இந்த ஆண்டு, “அமைதி நிலவுவது எப்படிக் கடினமானது” என்றும், பாலஸ் தீனம் உருவாவதற்கான தீர்மானம் பாது காப்புக் கவுன்சிலில் கொண்டுவரப்பட் டால், அதற்கு எதிராக ரத்து அதிகாரம் (வீட்டோ) பயன்படுத்தப்படும் என்றும் பேசியிருக்கிறார்.

2008 நவம்பர் 9 இல் அமெரிக்க ஏகாதிபத்தியம் குறித்து நாம் குறிப்பிட்ட வாசகங்களையே இது மீண்டும் உறுதிப்படுத்தியிருக்கிறது. ஆப்ரிக்க அமெரிக்கர் ஒருவர், முதன்முதலாக அமெ ரிக்காவின் அதிபராக வந்திருப்பது தொடர்பாக உலகம் முழுவதும் மகிழ்ச்சி யும் நம்பிக்கையும் தெரிவிக்கப்பட்ட சமயத்தில் நாம் குறிப்பிட்டோம்: “சிறந்த தோர் உலகை நிறுவ இது பயன்படுமா? அமெரிக்க ஏகாதிபத்தியத்தின் கடந்த கால அனுபவம் நமக்குப் புலப்படுத்துவது என்னவெனில், எக்காலத்திலும் சிறுத் தைப்புலி தன் புள்ளிகளை மாற்றிக் கொள்ளாது என்பதுதான்.’’

பாலஸ்தீனியர்களைப் பொறுத்தவரை தங்கள் போராட்டத்தைத் தொடர வேண் டும் என்பது மட்டுமல்ல, அதனை நிச்சய மாக மேலும் உக்கிரமாக நடத்திட வேண் டும் என்பதும் இப்போது அவர்களுக்குத் தெளிவாகிவிட்டது.

அதிக அளவில் வாசிக்கப்படும், ஹாரெட்ஸ் என்னும் இஸ்ரேல் நாளிதழ், 2011 செப்டம்பர் 23 அன்று, கீழ்க் கண்ட வாறு குறிப்பிட்டிருக்கிறது: “ஒபாமாவின் பேச்சு முன்னெப்போதையும்விட இப் போது யூத இனத்திற்கு ஆதரவான ஒன் றாக இருப்பதைக் காணும்போது, இஸ் ரேல் இதனைக் கொண்டாடுவதற்குக் காரணங்கள் உண்டு. பாலஸ்தீன விடு தலை இயக்கத் தலைவர்கள் இனி அமெ ரிக்காவுடன் மோதல் போக்கைக் கடைப் பிடிப்பார்கள். பாலஸ்தீன விடுதலை இயக்கத்தின் பொதுச்செயலாளர் அபெட் ராப்போ சானல் 2 தொலைக்காட்சி அலைவரிசையில், அமெரிக்கர்கள் இஸ் ரேலுக்கும் பாலஸ்தீனத்திற்கும் இடையே யான மத்தியஸ்தர்களாக இனியும் தொடர முடியாது என்று கூறியிருக்கிறார்.’’

அமெரிக்க ஏகாதிபத்தியத்தின் உலக மேலாதிக்கத்திற்கான நடவடிக்கை களைப் பிரதிபலிக்கும் விதத்தில் அதிபர் ஒபாமா யூத ஆதரவு நிலையினை எடுத்திருப்பது தெளிவாகிறது. “பாலஸ் தீனத்திற்கு ஆதரவாக ஐ.நா.வில் வாக் களிப்பது அழிவினைக் கொண்டுவரும்” என்று நியூயார்க் டைம்ஸ் இதழ் குறைகூ றியிருக்கிறது. “பாலஸ்தீனியர்கள் இஸ் ரேலைத் துன்புறுத்திட, சட்டபூர்வமற்ற தாக்கிட மற்றும் இறுதியில் அழித்திடு வதற்கான தங்களுடைய முடிவில்லா பிரச்சாரத்திற்கு வேறொரு கருவியைப் பயன்படுத்திக்கொண்டிருக்கிறார்கள்” என்று வால் ஸ்ட்ரீட் ஜர்னல் இதழ் குற்றஞ்சாட்டியிருக்கிறது. பாலஸ்தீனம் ஒரு நாடாக அங்கீகரிக்கப்படுமானால் அதற்கு அளித்து வரும் நிதிகள் திரும்பப் பெறப்படும் என்று கன்சர்வேடிவ்கள் ஆதிக்கம் செலுத்தும் அமெரிக்க காங்கிரஸ் மிரட்டியிருக்கிறது.

‘பாலஸ்தீனம் அங்கீகரிக்கப்படுமா னால், பாலஸ்தீனியர்கள் இஸ்ரேலை ஒரு நாடாக அங்கீகரிக்க மாட்டார்கள் என்று அமெரிக்க ஆதரவு இஸ்ரேலியர்கள் கட்டவிழ்த்துவிடும் பொய்ப்பிரச்சாரங் களை முறியடிக்கக்கூடிய வகையில் பாலஸ்தீனத் தலைவர் முகமது அப்பாஸ், ஐ.நா. பொதுச்செயலாளர் பான்கீ மூனுக்கு அதிகாரப்பூர்வமான முறையில் ஒரு வேண்டுகோளை முன்வைத்திருக்கிறார். அதில் அவர், ஐ.நா. பாலஸ்தீனத்தை அதன் 1967 எல்லைகளுக்கு உட்பட்டு அங்கீகரிக்க வேண்டும் என்றும், அவ் வாறு அங்கீகரிக்கப்படும் பாலஸ்தீனம், இஸ்ரேலுடன் அமைதியான முறையில் வாழ்ந்திடும் என்றும் கூறியிருக்கிறார். இவ்வாறு அவர் கோருவதே ஐ.நா. மன்றத் தின் 181ஆவது தீர்மானத்தின் அடிப் படையில்தான். இத்தீர்மானமானது கிழக்கு ஜெருசலேம் பாலஸ்தீனத்தின் தலைநகராக விளங்கும் என்றும் குறிப் பிட்டிருக்கிறது.

மேற்கத்திய நிறுவனங்கள் சில நடத் திய வாக்கெடுப்பில், உலகம் முழுவதும் உள்ள பாலஸ்தீனியர்களில் 83 விழுக் காட்டினர் ஐ.நா.வின் முடிவை ஆர்வத் துடன் வரவேற்றிருக்கிறார்கள். “பாலஸ் தீனத்திற்கு எதிராக ஐ.நா.மன்றத்தின் பாதுகாப்புக் கவுன்சிலில் அமெரிக்கா தன் ரத்து அதிகாரத்தைப் பயன்படுத்து மானால், அரபுநாடுகளுடனும் முஸ்லிம் மக்களுடனும் உறவுகளை மேம்படுத்திக் கொண்டிருப்பதாக அது கூறிடும் வார்த்தைகள் அர்த்தமற்றவைகளாகி விடும்” என்று பல அரபு நாடுகள் எச்ச ரித்திருப்பதாக ‘தி எகனாமிஸ்ட்’ இதழ் குறிப்பிட்டிருக்கிறது. “பாலஸ்தீனம் அமைப்பதற்கு எதிராக அமெரிக்கா வாக் களிக்குமானால், சவுதி அரேபியா இதுநாள்வரை அமெரிக்காவுடன் நட்புறவு வைத்துக்கொண்டிருப்பதுபோல் அது மேலும் தொடர்வதற்கான வாய்ப்புகள் இருக்காது” என்று சவுதி உளவு ஸ்தாப னத்தின் முன்னாள் தலைவர் ஒருவர் கூறியதாக அந்த ஏடு மேலும் தெரிவித் திருக்கிறது.

தற்போதுள்ள கடுமையான பொருளா தார நெருக்கடி மற்றும் பொருளாதார மந் தத்தின் பின்னணியில், யூதர்கள் கட்டுப் பாட்டில் உள்ள நிதி மூலதனத்தின் தயவு, கடும் சிக்கலில் மாட்டிக் கொண்டுள்ள அமெரிக்கப் பொருளாதாரத்தைப் புதுப் பித்திட, அதிபர் ஒபாமாவுக்கு மிகவும் முக் கியமாகத் தேவைப்படுகிறது. அதன் காரணமாகவே தான் மீண்டும் தேர்தலில் தேர்ந்தெடுக்கப்படுவதற்காக இத்தகைய மிகவும் அடாவடித்தனமான நிலைப்பாட் டினை எடுத்துள்ளார்.

இத்தகைய சூழ்நிலையில், அமெ ரிக்கா தன் உலக அளவிலான மேலா திக்கத்தை வலுப்படுத்தும் குறிக்கோளு டன், மேற்கொள்ளும் திட்டங்கள் உலக மக்களில் பெரும்பாலோருக்கு மிகப் பெரிய அளவில் துன்ப துயரங்களையே கொண்டுவரும். இதன் பொருள், பாலஸ் தீன மக்களுக்கு நாடு குறித்த அவர்க ளின் அடிப்படைகளை தொடர்ந்து மறுப் பது என்பதாகும்.

ஆயினும், அமெரிக்கா, ஐ.நா. பாது காப்புக் கவுன்சிலில் தன் ரத்து அதிகார உரிமையைப் பயன்படுத்தும் என்று அச்சுறுத்திக் கொண்டிருப்பதால், பாலஸ்தீன மக்களுக்கு தனி நாடு அமைவது மேலும் காலதாமதமாகலாம்.

மேற்கு ஆசியாவில் நிரந்தர அமைதி நிலவ வேண்டுமானால், அதற்கு பாலஸ் தீனம் அதனுடைய 1967க்கு முந்தைய எல்லைகளுடன் உருவாக்கப்படுவதன் மூலமாகவே சாத்தியம். இதற்கு இஸ்ரேல் சட்டவிரோதமாக ஆக்கிரமித்துள்ள பகுதிகளிலிருந்து வெளியேற வேண்டும். கிழக்கு ஜெருசலேம் பாலஸ்தீனத்தின் தலைநகராக அறிவிக்கப்பட வேண்டும்.

அமெரிக்க ஏகாதிபத்தியம் என்னும் சிறுத்தைப்புலி தன் புள்ளிகளை எப் போதும் மாற்றிக்கொள்ளாது. அதன் அடா வடித்தனங்கள் முழுமையாக எதிர்த்து முறியடிக்கப்பட்டாக வேண்டும்.

தமிழில்: ச.வீரமணி