வடக்கிலிருந்து வெளியேற்றப்பட்ட முஸ்லிம்கள் அடிப்படை வசதிகளுடன் மீள்குடியேற்றப்படுவர்

வடக்கிலிருந்து வெளியேற்றப்பட்ட முஸ்லிம்களின் மீள்குடியேற்றத்தை செய்ய முற்படும்போது சர்வதேச நாடுகள் நிதி வழங்குவதிலிருந்து விலகிக் கொள்ளும் நிலை காணப்படுவதாகவும், இதற்கு சில அரச அதிகாரிகளும் துணைபோயுள்ளதாக தெரிவித்துள்ள பொருளாதார அபிவிருத்தி அமைச்சர் பஷில் ராஜபக்ஷ, எந்தத் தடைகள் வந்தபோதும் வடமாகாணத் திலிருந்து வெளியேற்றப்பட்ட முஸ்லிம் மக்களை அவர்களது தாயக பூமியில் மீள்குடியேற்றி அவர்களுக்கான அனைத்து அடிப்படை வசதிகளையும் நாம் செய்து கொடுப்போம். அதற்கெதிராக செயற்படும் அனைத்து சக்திகளையும் வலுவிழக்கச் செய்வோம் என்றும் கூறினார்.

மன்னார் மாவட்டத்தில் மடு பிரதேச செயலப் பிரிவில் மக்கள் வங்கியின் உதவியுடன் நிர்மாணிக்கப்பட்ட மக்கள் வங்கி பொன்விழா வீடமைப்பு திட்டத்தின் 50 வீடுகளை மக்களிடம் கையளிக்கும் நிகழ்வு ஞாயிற்றுக்கிழமை இடம்பெற்றது. இதில் பிரதம அதிதியாக கலந்துகொண்டு உரையாற்றும்போது அவர் மேற்கண்டவாறு கூறினார். வடக்கில் கடந்த 30 வருடங்களாக ஆதிக்கம் செலுத்தி வந்த விடுதலைப்புலி களின் செயற்பாடுகள் அழிக்கப்பட்டு மீண்டும் அமைதிச் சூழல் ஏற்படுத்தப்பட் டுள்ளது. இன்று மக்கள் அச்சமற்ற சூழலில் வாழ்கின்றனர். அன்று பயங்கர வாதிகளினால் அழிக்கப்பட்டவற்றை இன்று அதை விட பாரிய மாற்றங்களுடன் நவீன காலத்தின் தேவைக் கேற்ப கட்ட டங்கள் மற்றும் உட்கட்டமைப்பு வசதிகள் என்பன ஏற்படுத்தப்பட்டு வருகின்றது. இதற்கு காரணம் எமது ஜனாதிபதி மஹிந்த ராஜபக்ஷ அவர்களே.

தமது சிறிய சிறிய தேவைகளை அடைந்து கொள்வதற்காக சில சக்திகள் அதனை மறக்கடிக்க முற்படுகின்றனர். அதனை காரணம் காட்டி வடக்கில் பாரிய மனித படுகொலைகளை இந்த அரசு செய்ததாக பிழையான தகவல்களை சர்வதேச இணையங்களுக்கு சில அரசியல்வாதிகள் வழங்கி வருகின்றனர்.

வன்னியில் வாழ்ந்த மக்கள் எண்ணிக்கை யைப் பார்க்கிலும் ஆயிரக்கணக்கில் மக்கள் கொல்லப்பட்டதாக பொய் தக வல்களை கூறுபவர்களுக்கு எம்மிடம் சரியான தகவல் கோவை இருக்கின்றது. பாடசாலையில் கற்றவர்கள் முதல் வாழ்ந்து உயிர் நீத்தவர்கள் வரை சரியான எண்ணிக்கையுண்டு என்பதை கூறிக்கொள்ள விரும்புகின்றேன்.

இந்த ஜனாதிபதியும் அரசாங்கமும் ஆட்சியில் இருக்கும் வரை ஒரு போதும் மீண்டும் விடுதலைப் புலிகளின் ஆதிக்கம் மேலோங்க இடமளிக்கமாட்டோம். வடக்கில் வாழ்ந்த மக்கள் இடம் பெயர்க் கப்பட்டு எங்கு சென்றிருந்தாலும் அவர் கள் அவர்களது தாயக மண்ணில் மீள்குடி யேறுவதில் எந்த பிரச்சினையும் இல்லை. அதற்கான வசதிகளை செய்து கொடுக்க வேண்டியது எமது பொறுப்பாகும்.

அதே போன்றுதான் அரச அதிகாரிகளும் இவ்வாறு செயற்பட வேண்டும். எம்மிடம் இனவாதம் இல்லை. அதனால் தான் நாம் வடக்கையும், வடக்கு மக்களையும் நேசிக்கின்றோம். ஆனால், வடக்கில் உள்ள சில அதிகாரிகள் இன்னும் குறுகிய இனவாத சிந்தனைக்கு துணைபோய் மக்களை குழப்பி மீண்டும் ஒரு யுத்தத்துக்கு தளத்தை ஏற்படுத்தலாம் என நினைக்கின்றன.

இலங்கை தேசத்தில் எப்பிரதேசத்தில் மக்கள் வாழ்ந்த போதும் அவர்கள் விரும்பிய பிரதேசங்களில் சுதந்திரமாக வாழக்கூடிய நிலையை இன்று நாம் ஏற்படுத்தியிருக்கின்றோம். மடு திருத்தலத்தை மிகவும் குறுகிய காலத்துக்குள் பெரும் நிதிச் செலவில் புனரமைப்புச் செய்துள்ளோம்.

அதேபோன்று மன்னார் திருக்கேதீஸ்வரம் கோவிலை நவீனமயப்படுத் நடவடிக்கை யெடுத்துள்ளோம். அதற்காக இந்திய நாட்டின் பொறியியலாளர்கள் வருகைத் தரவுள்ளனர் என்றும் அமைச்சர் பஷில் ராஜபக்ஷ கூறினார்.

கைத்தொழில், வணிகத்துறை அமைச்சர் றிசாத் பதியுதீன் உரையாற்றும்போது,

ஆயுத ரீதியாக பிரச்சினைக்கு தீர்வில்லை என்பதை விடுதலை புலிகளின் தலைவர் வேலுபிள்ளை பிரபாகரனுக்கு ஜனாதிபதி மஹிந்த ராஜபக்ஷ தெரிவித்து பேச்சுவார்த் தைக்கு வருமாறு அழைப்பும் விடுத்திருந்தார். அதனை அவர் நிராகரித்தார். அதன் பின்னர் தான் மனித மீட்சி போராட்டத்தின் பின்னர் இன்று நாடு நிம்மதியை கண் டுள்ளது என அமைச்சர் றிசாத் பதியுதீன் கூறினார்.

மேலும் அவர் பேசுகையில் கூறியதாவது;

கிழக்கில் அத்தனை மக்களும் மீள்குடி யேற்றப்பட்டு தமிழ், சிங்கள, முஸ்லிம்கள் என்ற பேதமின்றி வாழ்ந்து கொண்டிருக் கின்றனர். இன்று வடக்கில் தமிழ், முஸ்லிம், கத்தோலிக்க, பெளத்த மதத் தலைவர்கள் ஒரே மேடையில் அமர்ந்தி ருக்கின்றார்கள். எனில், அதற்கான சூழல் ஏற்படுத்தப்பட்டுள்ளது.

இந்த நாடு சகல மதங்களுக்கும், மனிதர்களுக்கும் சொந்தமான நாடு. அதில் யாருக்கும் கூடுதல், குறைதல் இல்லை. அவர்கள் விரும்பிய மதங்களை பின்பற்றலாம். மொழியினை பேசலாம். ஆனால் அதற்கு மாறாக மதம், இனம் மொழி ரீதியாக அவர்களை கூறுபோட்டு மீண்டும ஒரு யுத்தத்தை ஏற்படுத்த சிந்திக்கும் சக்திகளுக்கு சாவு மணியை இந்த வட மாகாண மக்கள் அடிப்பார்கள் என்பதை தெரிவித்துக்கொள்ள விரும்புகின்றேன்.