30 ஆயிரம் பேரை பட்டிச் சாவிற்குள் தள்ளி இரண்டு பில்லியன் யூரோக்களை பாக்கெற்றுக்குள் போட ஐரொப்பிய யூனியன் முயற்சி

கிரீஸ் பாராளுமன்றத்தின் சிக்கன நடவடிக்கைகளுக்கான இரு முக்கிய சட்டமூலங்கள் நிறைவேற்றப்பட்டுள்ளன. இதற்கு எதிர்ப்புத் தெரிவித்து நாடு முழுவதுமான 48 மணி நேர வேலை நிறுத்தம் நேற்று முன்தினம் தொடக்கம் நடைபெற்றது. அத்துடன் முக்கிய நகரங்களில் லட்சக்கணக்கில் மக்கள் திர ண்டு ஆர்ப்பாட்டத்தில் ஈடுபட்டனர். கடன் நெருக்கடியில் சிக்கிய கிரீஸ¤க்கு, சர்வதேச நாணய நிதியம் (ஐ.எம்.எப்.), ஐரோப்பிய ஒன்றியம் மற்றும் ஐரோப்பிய மத்திய வங்கி ஆகிய மூன்று அமைப் புகளும் கடன் தவணையை வழங்க விதித்த நிபந்தனைக்கமையவே கிரீஸ் இந்த சிக்கன நடவடிக்கையை முன்னெடுத்துள்ளது. இதற்கு எதிர்ப்பு தெரிவித்து கிரீஸின் இரு மிகப்பெரிய தொழிற்சங்கங்கள் 48 மணி நேர வேலை நிறுத்தத்தை நேற்று முன்தினம் தொடக்கம் நடத்தியது. இதில் 40 இலட்சம் ஊழியர்கள் கலந்து கொண்டனர்.

கிரீஸ் ஸ்தம்பிதம்

அரசு அலுவலகங்கள், அமைச்சகங்கள் தனியார் நிறுவன அலுவலகங்கள் என அனைத்து அலுவலகங்களும் மூடப்பட்டன பஸ், ரயில் உள்ளிட்ட பொதுப் போக்குவரத்துகள் முடங்கின.

மருத்துவர்கள், வழக்கறிஞர்கள், ஆசிரியர்கள் வேலை நிறுத்தத்தில் இணைந்துள்ளனர். விமான ஊழியர்கள் தங்கள் வேலை நிறுத்தத்தை 48 மணி நேரத்தில் இருந்து 12 மணி நேரமாகக் குறைத்துக் கொண்டனர். இதனால், உள்நாடு மற்றும் வெளிநாடுகளைச் சேர்ந்த 150 விமானங்கள் ரத்து செய்யப்பட்டன. 160 விமானங்க ளின் நேரம் மாற்றியமைக்கப்பட்டது.

குப்பை அள்ளுவோர் ஏற்கனவே 17 நாள் வேலை நிறுத்தத்தில் ஈடுபட்டுள்ளனர். கடந்த வாரம் தனியார் ஒப்பந்ததாரர்கள் மூலம் குப்பை அள்ளும் பணி நடந்தது. எனினும் நாட்டின் முக்கிய நகரங்களின் தெருக்களில் குப்பைகள் குவிந்து கிடக்கின்றன. சட்டமூலத்தின் முக்கிய அம்சங்கள்:

கிரீஸின் 190 ஆண்டுகால வரலாற்றில் முதன் முறையாக, பொதுத் துறை ஊழியர்கள் 7,50,000 பேரும், புதிய சம்பளத் திட்டத்தின் கீழ் கொண்டு வரப்படுவர்.

அத்திட்டத்தின்படி அடிப்படைச் சம்பளம் குறைக்கப்படும் மேலதிக கொடுப்பனவு இல்லை; இவற்றின் மூலம் ஒருவரின் வருமானத்தில் 20 சதவீதம் குறைக்கப்படும் கடந்தாண்டு சிக்கன நடவடிக்கையின் படி இவர்களின் வருமானத்தில் ஏற்கனவே 20 சதவீதம் குறைக்கப்பட்டமை குறிப்பிடத்தக்கது.

இதன்படி, ஒவ்வொரு ஊழியருக்கும் மாதச் சம்பளம் 1,900 யூரோவைத் தாண்டாது.

இதன் மூலம் ஆண்டுக்கு 2 பில்லியன் யூரோ சேமிக்கப்படும். வீட்டுக்கு அனுப்பி வைக்கப்படுவதற்காக 30 ஆயிரம் ஊழியர்கள் அடையாளம் கண்டறியப்படுவர்.

இதன் மூலம் ஆண்டுக்கு 300 மில்லியன் யூரோ சேமிக்கப்படும்.

மாதம் 1,000 யூரோவுக்கு மேல் ஓய்வூதியம் பெற்றால், அதில் இனி 20 சதவீதம் துண்டிக்கப்படும்.

இந்த குறைப்பால் 1 பில்லியன் யூரோ சேமிக்கப்படும். வரிசு உச்சவரம்பு, ஆண்டுக்கு 8,000 யூரோவில் இருந்து 5,000 யூரோவாக குறைக்கப்படும்.