அரசியலமைப்புக்கு அமைய மாகாண சபைகளுக்கு அதிகாரம்

அரசியலமைப்புச் சட்டத்திருத்தத்திற்கு அமைவாக மாகாண சபைகளுக்கு உரியமுறையில் அதிகாரப் பகிர்வை மேற்கொள்வதன் அவசியமும், இனப்பிரச்சினைக்கான தீர்வின் முக்கியத்துவத்துவமும் நடந்து முடிந்த கிழக்கு மாகாண சபை தேர்தல் ஊடாக நன்கு வெளிப்படுத்தப்பட்டிருப்பதாக நீதியமைச்சர் ரவூப் ஹக்கீம் அமெரிக்க உதவி ராஜாங்கச் செயலாளர் ரொபர்ட் ஓ பிளேக்கிடம் தெரிவித்துள்ளார். அமைச்சர் ஹக்கீமுக்கும், உதவி ராஜாங்க செயலாளர் பிளேக்கிற்கும் இடையிலான கலந்துரையாடல் அதிகாரப் பகிர்வின் அவசியம், கிழக்கு மாகாணத்தில் தேர்தல் முடிவுகளின் பிரதிபலிப்பு, இடம்பெயர்ந்த மக்களின் மீள்குடியேற்றம், தமிழ் அரசியல் கைதிகளின் விவகாரம், நபிகள் நாயகம் முஹம்மத் (ஸல்) அவர் களுக்கு எதிரான சர்ச்சைக்குரிய அமெரிக்கத் திரைப்படம் என்பனவற்றை மையப்படுத்தி யதாக அமைந்திருந்தது.

மாகாண சபைத் தேர்தல் முடிவடைந்த வுடனேயே தாம் அரசாங்கத் தரப்பினருடனும், தமிழ் தேசிய கூட்டமைப்பின் முக்கி யஸ்தர்களுடனும் நடத்திய பேச்சுவார்த்தை களின் போது தேசிய அரசாங்கமொன்றின் அவசியத்தை வலுயுறுத்திய போதிலும், இருதரப்பினரும் அதில் உரிய கவனம் செலுத்தவில்லை. தற்போதைய அரசியல் சூழ்நிலையைப் பொறுத்தவரை பொதுவாக நாட்டினதும், குறிப்பாக தமது சமூகத்தினதும் நலன் கருதி கிழக்கு மாகாண சபை ஆட்சியை நிறுவுவதற்கு ஐக்கிய மக்கள் சுதந்திர முன்னணிக்கு ஆதரவளிக்க முன் வந்ததாகவும் அமைச்சர் ஹக்கீம் கூறினார்.

இனப்பிரச்சினை தீர்வுக்கான பாராளுமன்ற தெரிவுக்குழுவில் தமிழ்த் தேசிய கூட்ட மைப்பை உள்வாங்கினால் இதுவரைகால மும் தீர்வு காணப்படாத பல்வேறு அம்சங்களினது உரிய கவனத்தைச் செலுத் தக் கூடியதாக இருக்கும் என ஸ்ரீலங்கா முஸ்லிம் காங்கிரஸ் நம்புவதாக அமைச்சர் ஹக்கீம் குறிப்பிட்டார்.

இனிமேல் நடைபெறும் இனப் பிரச்சினையோடு தொடர்பான எத்தகைய பேச்சுவார்த்தை களிலும் முஸ்லிம் தரப்பும் தனியாக பங்கு பற்ற வேண்டும். விடுதலைப் புலிகளைப் போன்று தமிழ்த் தேசிய கூட்டமைப்பும் பேச்சுவார்த்தைகளில் முஸ்லிம்கள் தனி தரப்பாக பங்குபற்றுவதற்கு இணங்காதி ருப்பதாகவும், கூட்டமைப்பினர் தரம் அர சாங்கத்தோடு பேச்சுவார்த்தைகளில் ஈடு படலாமென்றும், முஸ்லிம்கள் தம்மோடு பிரச்சினைகள் குறித்து கதைக்கலாமென்றும் கூறிவருவதாகவும் அமைச்சர் எடுத்துரைத்தார்.

இடம்பெயர்ந்த மக்களின் மீள்குடியேற் றத்தின் போது வடக்கு முஸ்லிம்களின் மீள்குடியேற்றம் பற்றியும், அவர்களுக்கான உட்கட்டமைப்பு வசதிகள், வாழ்வாதார, பாதுகாப்பு விடயங்கள் பற்றியும் மன்னார் கோந்தபிட்டி விவகாரம் பூதாகரமாக உருவெடுப்பதற்கு வழிகோலிய காரணிகளை யும் அவர் குறிப்பிட்டார்.

தடுப்புக் காவலில் உள்ள தமிழ் சிறைக்கைதிகள் தொடர்பில் உரிய விசா ரணைகளை தாமதமின்றி மேற்கெண்டு குற்றமற்றவர்களை விடுவிப்பதற்கான நடவடிக்கைளில் நீதியமைச்சும், சட்ட மா அதிபர் திணைக்களமும் ஈடுபட்டு வருவதாகவும் அமைச்சர் ஹக்கீம் கூறினார்.