சிரியாவின் துருக்கி எல்லை நகரில் ஐ.எஸ். நுழைவு

அமெரிக்க வான் தாக்குதல்கள் முற்றுகையை தளர்த்துவதில் தோல்வி

துருக்கி எல்லையில் இருக்கும் சிரியாவின் கொபானி; நகருக்குள் நுழைந்திருக்கும் இஸ்லாமிய தேசம் (ஐ.எஸ்.) படையினர் மூன்று மாவட்டங்களை கைப்பற்றியுள்ளனர். சிரிய குர்திஷ் போராளிகளுடன் இடம்பெற்ற வீதிக்கு வீதி மோதலுக்கு பின்னரே ஐ.எஸ். முன்னேற்றம் கண்டுள்ளது. இதில் கடந்த திங்கட்கிழமை கொபானி நகரின் கிழக்கு பகுதியை ஆக்கிரமித்த ஐ.எஸ். போராளிகள் அங்கிருக் கும் கட்டடங்கள் மற்றும் மலைகளில் தனது கறுப்பு கொடியை ஏற்றினர். துருக்கி எல்லையில் இருந்து சுமார் 2,000 சிவிலியன் கள் வெளியேறி இருப்பதாக உள்@ர் அதிகாரிகள் குறிப்பிட்டுள்ளனர். கொபானி நகர் கடந்த மூன்று வாரங்களாக ஐ.எஸ். முற்றுகையில் இருந்தது. இந்நிலையில் அந்நகருக்குள் ஊடுருவி இருப்பதன் மூலம் ஐ.எஸ். போராளிகளுக்கு துருக்கி-சிரியவின் நீண்ட எல்லையை தமது கட்டுப்பாட் டுக்குள் கொண்டுவர வாய்ப்பு எற்பட்டுள்ளது.

ஐ.எஸ். முன்னேற்றத்தால் குர்திஷ்களை பிரதானமா கக் கொண்ட 160,000க்கும் அதிகமானவர்கள் நகரை விட்டு இடம்பெயர்ந்துள்ளனர். முன்னதாக கொபானி நகரின் உள்ளுர் அதிகாரி ஒருவரான இத்ரிஸ் நஸ்ஸான் என்பவர் பி.பி.சிக்கு அளித்த தகவலில் "நகரம் விரை வில் வீழ்ந்துவிடும்" என்று குறிப்பிட்டிருந்தார்.

இதில் கொபானி நகருக்கு மேலால் இருக்கும் யுத்த ரீதியில் முக்கியம் வாய்ந்த மிஸ்டனூர் மலைப் பகுதியை ஐ.எஸ். கைப்பற்றியிருப்பதாக குறிப் பிட்ட அந்த அதிகாரி, அங்கிருந்து தொடர்ந்து n'ல் தாக்குதல் நடத்தப்படுவதாகவும் கொபானி நகர் தற்போது மூன்று முனைகளால் முற்று கையிடப்பட்டிருப்பதாகவும் உறுதியளித்தார்.

இந்நிலையில் அமெரிக்கா தலைமையி லான கூட்டணி நேற்று செவ்வாய்க்கிழமை ஐ.எஸ். கிளர்ச்சியாளர்களை இலக்கு வைத்து மேலும் வான் தாக்குதல்களை நடத்தியுள் ளது. எனினும் அதனது இலக்குகள் இன் னும் உறுதிப்படுத்தப்படவில்லை. எவ்வாறா யினும் இந்த வான்தாக்குதல்கள் மூலம் ஐ.எஸ். முற்றுகையை தளர்த்துவதில் அமெ ரிக்கா தலைமையிலான கூட்டணி தோல்வி கண்டு வருகிறது.

இந்த மோதல் குறித்து துருக்கி எல்லை யில் இருந்து அவதானித்து வரும் செய்தியா ளர்கள் கொபானி நகரில் இருந்து பாரிய வெடிப்புச் சத்தங்கள் கேட்பதாகவும் அங்கி ருந்து கறும்புகை வெளிவந்துகொண்டிருப் பது காணக்கூடியதாக உள்ளதாகவும் விப ரித்துள்ளனர்.

மறுபுறத்தில் ஐ.எஸ். போராளிகள் தென் மேற்கு பகுதியால் திங்கள் இரவு நகருக்குள் ஊடுருவி இருப்பதாக செய்திகள் குறிப்பிட்டுள்ளன. ஸ்னைப்பர் துப்பாக்கிச்சூடு உட்பட மோதல்கள் இடம்பெற்று வருவ தாக சிரிய உள்நாட்டு யுத்தம் குறித்து கண்காணிக்கும் மனித உரிமை செயற்பாட்டாளர்கள் குறிப்பிட்டுள்ளனர்.

ஐ.எஸ். நகரத்தை ஆக்கிரமித்தால் பாரிய பேரழிவை சந்திக்க வேண்டி வரும் என்று குர்திஷ் பிராந்திய அர சின் பிரதிநிதியான அமெரிக்காவில் இருக்கும் கர்வான் செபரி என்பவர் எச்சரித்துள்ளார். "கொபானியில் போரா டும் குர்திஷ்களுக்கு இராணுவ உதவி மற்றும் சர்வதேச உதவிகள் கிடைக்காத பட்சத்தில் இது தொடர்ந்தால் நகரம் ஐ.எஸ். இடம் வீழும் வாய்ப்பு இருக்கிறது" என்று அவர் குறிப்பிட்டார்.

கொபானி நகர மக்களுக்காக துருக்கி நடவடிக்கை எடுக்க வேண்டும் என்றும் அவர் கோரிக்கை விடுத்தார். "துருக்கி தனது தேசிய பாதுகாப்பு பற்றியே அதிக கவனம் செலுத்துகிறது என்று நான் நினைக்கிறேன். இதற்கு முன்னேறி வரும் ஐ.எஸ். குழுவை முறியடிக்க குர்திஷ் போராளிகளுக்கு துருக்கி உதவுவது முக்கிய மானதாகும்" என்றார்.

சிரிய குர்திஷ்களின் பிரதிநிதியான குர்திஷ் ஜனநாயக ஒன்றிய கட்சியின் இணை தலைவர் அஸ்யா அப்துல்லாஹ், நகரில் தற்போது தொடரும் மோதல் குறித்து பி.சி.சி. தொலைக்காட்சிக்கான பேட்டியின்போது விபரித்திருந் தார். அதில் அவர், "நகரில் தொடர்ந்து ஆயிரக்கணக் கான பொதுமக்கள் தங்கியுள்ளனர். அவர்களது முன் னேற்றத்தை தற்போது தடுக்காவிட்டால் அங்கு பாரிய படுகொலை ஒன்று நிகழும்.

யுத்த டாங்கிகளைக் கொண்டு அவர்கள் நகரை அனைத்து பக்கங்களாலும் சூழ்ந்துவிட்டார்கள். கனரக ஆயுதங்களை கொண்டு அவர்கள் நகரின் மீது கடுமை யாக தாக்குதல் நடத்துகிறார்கள். தம்மிடம் இருக்கும் மட்டுப்படுத்தப்பட்ட ஆயுதங்களைக் கொண்டு குர்திஷ் போராளிகள் முடியுமானவரை எதிர்த்து போராடுகிறார் கள்" என்றார்.

கொபானி நகரில் இருக்கும் அனைத்து பொதுமக்க ளுக்கும் வெளியேறும்படி உத்தரவிட்டிருப்பதாக குறிப் பிட்டிருக்கும் குறித்த நகர குர்திஷ்களின் பேச்சாளர் ஒருவரான முஸ்தபா பெலி, திங்களன்று 2,000 சிவிலி யன்கள் வெளியேற்றப்பட்டதாக ஏ.எப்.பி. செய்திச் சேவைக்கு விபரித்தார். எனினும் கடந்த திங்கட்கிழமை அமெரிக்கா தலைமை யிலான யுத்த விமானங்கள் நடத்திய வான் தாக்குதல் களில் கொபானி நாகரின் தென் புறமாக இருக்கும் ஐ.எஸ். போராளிகளின் இரு நிலைகள் அழிக்கப்பட்ட தாக அமெரிக்காவின் தலைமை கட்டளையகம் உறுதி செய்தது.

"ஐ.எஸ். இடம் கனரக ஆயுதங்கள் மற்றும் யுத்த டாங்கிகள் இருப்பதாலேயே எமது எதிர்ப்பு போராட்டம் மட்டுப்படுத்தப்பட்டதாக உள்ளது. எனவே மேலும் வான் தாக்குதல்கள் முன்னெடுக்கப்பட வேண்டும்" என்று முஸ்தபா பெலி குறிப்பிட்டுள்ளார்.

கொபானி நகரில் இரந்து புகைமூட்ட வெளிவருவதும் திடீரெ வெடிப்புச் சத்தங்கள் கேட்பதுமாக உள்ளது. துருக்கி எல்லைக்கு காயத்துடன் வருபவர்களுக்கு சிகிச்சை அளிப்பதற்காக துருக்கி அம்புலஸ் வண்டிகள் எல்லையில் குவிக்கப்பட்டுள்ளன.

இந்த மோதலையொட்;டி துருக்கி நாட்டு குர்திஷ்கள் மற்றும் தஞ்மடைந்திருக்கும் அகதிகள் எல்லையில் துருக்கி படையினருடன் கடந்த இரு தினங்களாக மோத லில் ஈடுபட்டு வருகின்றனர். ஐ.எஸ். மீது துருக்கி எந்த நடவடிக்கையும் எடுக்காதது குறித்து இவர்கள் கோபம டைந்துள்ளனர். அதோபோன்று ஐ.எஸ். க்கு எதிராக போராட குர்திஷ்கள் எல்லை கடந்து சிரியா செல்வ தையும் துருக்கி படையினர் தடுத்து வருகின்றனர்.

கொபானி நகர் ஐ.எஸ். இடம் வீழ்வதை தடுப்பதாக துருக்கி கடந்த வாரம் உறுதியளித்திருந்தது. ஈராக் மற்றும் சிரியாவில் ஐ.எஸ். க்கு எதிரான இராணுவ நடவடிக்கைக்கும் துருக்கி பாராளுமன்றத்தில் கடந்த வாரம் அங்கீகாரம் அளிக்கப்பட்டது. எனினும் இது குறித்து துருக்கி எந்த நடவடிக்கையையும் முன்னெடுக் கவில்லை.