எமது சுகாதார நலன்களுகேற்ப விதைகளை நாம் உற்பத்தி செய்யவேண்டும்.

விவசாயத்தில் தன்னிறைவு காணும் நாடாக இலங்கை கட்டியெழுப்பப்படும்

- ஜனாதிபதி

கப்பல் வரும்வரை காத்தி ராமல் விவசாய உற்பத்தியில் தன்னிறைவு காணும் நாடாக இலங்கையைக் கட்டியெழுப்ப அரசாங்கம் சகல நடவடிக்கைகளையும் மேற்கொள்ளுமென ஜனாதிபதி மஹிந்த ராஜபக்ஷ தெரிவித்தார். வெற்றிகொள்ள முடியாது என்ற பயங்கரவாதத்தை வெற்றிகொண்டது போல், நாட்டின் விவசாயத்துறையை முன்னேற்றி அபிவிருத்தியும் சுபீட்சமும் நிறைந்த நாடாக இலங்கையை மாற்ற அனைவரும் அர்ப்பணிப்புடன் செயற்படுவது அவசியமெனவும் ஜனாதிபதி தெரிவித்தார்.

படஅத்த விவசாயப் பூங்காவிற்கு சபாநாயகர் சமல் ராஜபக்ஷவின் பெயரைச் சூட்டும் வைபவமும் விவசாய வாரம்- 2010 ற்கான ஆரம்ப வைபவமும் நேற்று ஜனாதிபதி மஹிந்த ராஜபக்ஷவின் தலைமையில் அம்பாந்தோட்டை படஅத்த பூங்காவில் நடை பெற்றது. இந்நிகழ்வில் தேசிய விவசாய வாரம் –2010 ஞாபகார்த்த முத்திரை வெளியிடப் பட்டதுடன் சபாநாயகர் சமல் ராஜபக்ஷ, அமைச்சர் மஹிந்த யாப்பா அபேவர்தன, பிரதியமைச்சர்கள், மஹிந்த அமரவீர, ஜகத் புஷ்பகுமார, நாமல் ராஜபக்ஷ எம்.பி. உட்பட முக்கியஸ்தர்கள் பலரும் கலந்துகொண்ட இந்நிகழ்வில் ஜனாதிபதி மேலும் தெரிவித்ததாவது; 30 வருட காலமாக வெற்றிகொள்ள முடியாது எனக் கூறிய பயங்கரவாதத்தை வெற்றிகொண்டு நாம் நாட்டை அபிவிருத்தியிலும் சுபீட்சத்திலும் கட்டியெழுப்பியுள்ளோம்.

பொருளாதாரத்தில் தன்னிறைவு காணும் நாடாக இலங்கையை மாற்றும் பயணத்தின் முதற்படியை நாம் ஆரம்பித்துள்ளோம். சில வருடங்களுக்கு முன்னர் சமல் ராஜபக்ஷ விவசாய அமைச்சராகப் பதவி வகித்த காலத்தில் நான் இப்பூங்காவிற்கு விஜயம் செய்து இதனை உத்தியோகபூர்வமாக ஆரம்பித்து வைத்தேன். எமது புதிய பரம்பரை விவசாயத்தின் முக்கியத்துவம் பற்றி அறிந்துகொள்ளவும் நாட்டின் இயற்கை வளம் பற்றி அறிந்துகொள்ளவும் இப்பூங்கா உறுதுணையாகிறது.

தன்னிறைவு காணும் பொருளாதாரம் எமக்கு மிகவும் அவசியம். எமக்குப் பல்வேறு தடைகள் உள்ளன. அரச நிறு வனங்கள் தொடர்பில் பல்வேறு கண்ணோ ட்டங்கள் நிலவுகின்றன. எனினும் நாம் எமது விவசாய உற்பத்தியில் கூடிய அவதானம் செலுத்தவேண்யுள்ளது. எமக்கான பயிர் விதைகளை நாமே உற்பத்தி செய்யும் நிலை உருவாக வேண்டும். தனியார் துறையினரால் மட்டுமே முடியும், எம்மிடம் நிதி இல்லை என நாம் எந்நாளும் கூறிக் கொண்டிருக்க முடியாது.

யுத்தம் செய்வதற்கும் நிதி இல்லை யென்றே ஒரு காலத்தில் காரணம் கூறப்பட்டது. ஆனால் புலிகளுக்கும் திறைசேரியிலிருந்து நிதி வழங்கியதையும் குறிப்பிடவேண்டும்.

எமது சுகாதார நலன்களுகேற்ப விதைகளை நாம் உற்பத்தி செய்யவேண்டும். “அதிக விளைச்சல் பெரும் இலாபம்” என்ற நோக்கில் நாம் விசமூட்டப்பட்ட விதைக ளை உபயோகிப்பது நிறுத்தப்பட வேண்டும்.

அம்பாந்தோட்டை மாவட்டம் தற்போது பெரும் முன்னேற்றம் கண்டு வருகிறது. ஏனைய மாவட்டங்களுக்கு முன்னுதாரண மாகத் திகழ்வதுடன் இங்கு இடம்பெறும் முன்னேற்றகரமான திட்டங்களுக்கு பங்களிப்பு வழங்க ஏனைய மாவட்டத்தினர் முன் வருகின்றனர். விவசாயத்துறையை மேம்படுத்துவதில் அரசாங்கம் தொடர்ந்தும் பல காத்திரமான திட்டங்களை நடைமுறைப்படுத்தி வருகிறது.

விவசாயிகளுக்கு உரமானியம், ஊக்குவிப்புக் கொடுப்பனவுகளையும் நாம் வழங்கி வருகிறோம். 9000 ரூபாவிற்கு உரம் விற்கும்போது அதனை நாம் மானிய விலையில் 350 ரூபாவிற்கு வழங்கியதை அரசியல்வாதிகள் மறந்து போகலாம்.

ஆனால் இந்த நாட்டு விவசாயப் பெருமக்கள் என்றும் அதனை நினைவில் கொள்வர் எனவும் ஜனாதிபதி தெரிவித்தார்.

நேற்றைய இந்நிகழ்வின் போது விவசாயத் துறையை முன்னேற்றும் மூன்று வருட கருத் திட்டம் தொடர்பான ஆவணங்கள் விவசாய அபிவிருத்தி அமைச்சின் செயலாளரால் ஜனாதிபதிக்குக் கையளிக்கப்பட்டது.

விவசாய வாரம்-2010 இனை நினைவுகூரும் வகையில் உழவுயந்திரங்கள் ஜனாதிபதியினால் விவசாயிகளுக்குக் கையளிக்கப்பட்டன.

அத்துடன் படஅத்த பூங்காவின் வாயிலில் அமைக்கப்பட்டுள்ள விதை விற்பனை நிலையத்தையும் ஜனாதிபதி நேற்று உத்தியோகபூர்வமாக ஆரம்பித்து வைத்தார்.

படஅத்த விவசாய பூங்காவுக்கு சமல் ராஜபக்ஷ விவசாய தொழில்நுட்ப சுற்றுலா பூங்கா என்ற பெயரையும் ஜனாதிபதி சூட்டியமை குறிப்பிடத்தக்கது.