அரசியலமைப்பு திருத்தத்துக்கு ஏகோபித்த ஆதரவு

அரசியலமைப்பு திருத்த யோசனை பாராளுமன்றத்தில் சமர்ப்பிக்கப்பட்டுப் பெரும்பான்மை ஆதரவுடன் நிறைவேற் றப்படுமென அரசாங்க வட்டாரங்கள் உறுதியாகத் தெரிவித்தன. இடதுசாரிகள் உள்ளிட்ட எதிர்க்கட்சிகள் இன்னமும் தெளிவான நிலைப்பாட்டை எடுக்காத போதிலும், அவற்றின் பெரும் பாலான உறுப்பினர்கள் அரசியலமைப்புத் திருத்தத்தை ஆதரிக்க தீர்மானித்துள்ளதாக நம்பகரமாகத் தெரிய வருகின்றது. இந்நிலையில் எதிர்வரும் எட்டாந் திகதி இந்தத் திருத்த யோசனை பாராளுமன்றத்தில் சமர்ப்பிக்கப்படும் பொழுதும், அதனை எதிர்த்து விவாதிக்கும் திறன்கூட எதிர்க் கட்சிகளுக்குக் கிடையாது என அரசியல் நோக்கர்கள் தெரிவிக்கின்றனர். இந்நிலையில் மூன்றிலிரண்டு பெரும்பான்மைக்கும் கூடுதலான ஆதரவுடன் அரசியலமைப்புத் திருத்தம் நிறைவேற்றப்படும் என அரசாங்கத்தின் சிரேஷ்ட அமைச்சர்கள் கூறினர்.

அரசியலமைப்புத் திருத்தத்தை எதிர்க் கப்போவதாக ஆரம்பத்தில் பிரதான எதிர்க்கட்சியும் ஜே.வி.பியும் தெரிவித்திரு ந்தன. எனினும், திருத்தத்தை மேற்கொள் வதால் தமது கட்சிக்குப் பாதிப்பு இல்லையென்றும் அதனால், அதனை ஆதரித்து வாக்களிக்கப்போவதாகவும் ஐ.தே.க வின் சிரேஷ்ட உறுப்பினர்கள் பகிரங்கமாகவே அறிவித்துவிட்டனர். இந்த நிலையில் எதிர்க்கட்சிகளின் எதிர்ப் பலை பிசுபிசுத்துப் போய்விட்டது. ஜே.வி.பி எதனைக் கூறினாலும், அதன் கருத்துகளை ஏற்கும் நிலையில் மக்கள் இல்லை என்பதால், அரசியல் ரீதியாக ஜே.வி.பி அநாதரவான ஒரு நிலைக்குத் தள்ளப்பட்டுவிட்டதாகவும் அரசியல் நோக்கர்கள் தெரிவித்துள்ளனர்.

நாட்டில் தேசிய முக்கியத்துவம் வாய்ந்த ஒரு பிரச்சினை விவாதிக்கப்பட்டு வரும் நிலையில் ஐ.தே.க தலைவர் ரணில் விக்கிரமசிங்க இந்தியா சென்றிருப்பது, அரசியலமைப்புக்கு எதிரான நிலைப் பாட்டிலிருந்த கட்சி உறுப்பினர்களையும் அரசை ஆதரிக்கும் நிலைக்குத் தள்ளி யிருப்பதாக சிறிகொத்த வட்டாரங்கள் மூலம் தெரிய வருகின்றது. இந்நிலையில், எதிர்வரும் எட்டாந் திகதி பாராளுமன்றத்தில் பரபரப்பான திருப்பங்கள் ஏற்படலாமென எதிர்பார்க் கப்படுகிறது.

புதிய அரசியலமைப்புத் திருத்தத்தின்படி ஜனாதிபதி பதவியை இரண்டு தட வைகளுக்கு வகிக்கும் ஒருவர் அதனையடுத்து எத்தனை தடவையும் போட்டியிட முடியும். இரண்டு தடவை பதவி வகித்தவர் மூன்றாவது தடவை போட்டியிடுவதைத் தடை செய்யும் சரத்தே நீக்கப்பட்டிருக்கிறது. மேலும் உள்ளூராட்சி மன்றத் தேர்தல்களைத் தொகுதிவாரியும் விகிதாசார முறையும் கலந்ததாக மேற்கொள்ளவும் வழிபிறக்கும்.

இந்தத் திருத்தங்களை ஏற்றுக்கொள்வதா இல்லையா என்பதை, அரசாங்கத்துடன் இணைந்துள்ள இடதுசாரிகள் ஏற்றுக் கொள்வதைத் தவிர அவர்களுக்கு வேறு மார்க்கம் இருக்காது. நாட்டை அபிவிருத்திப் பாதையில் இட்டுச் செல்ல நிலையான அரசு தொடர வேண்டும் என அரச தரப்பினர் மக்கள் மத்தியில் வலுவான ஆதாரங்களை முன்வைக்கும்போது, அதற்கு மாறான கருத்தியலை மக்கள் மத்தியில் கட்டியெழுப்பும் அரசியல் செல்வாக்கை இடதுசாரிகள் மட்டுமன்றி பொதுவாக எதிர்க் கட்சிகள் இழந்து விட்டதாகவே அரசியல் ஆய்வாளர்கள் கருதுகிறார்கள்.

இந்த நிலையில், கூடி ஆராயப்போவதாகத் தெரிவித்திருக்கும் தமிழ்த் தேசிய கூட்டமைப்பு வழமையைப் போன்றே எதிர்க்கப்போவதாக அறிவிப்பை விடுக்கும் என்பதிலும் ஆச்சரியப்படுவதற்கில்லை யென்றும் அவர்கள் சுட்டிக்காட்டுகின்றனர்.

ஏற்கனவே மூன்றிலிரண்டு பெரும்பான்மையை அரசாங்கம் அண்மித்துள்ள நிலையில் பாராளுமன்ற உறுப்பினர்கள் பிரபா கணேசன், ப. திகாம்பரம், அப்துல் காதர் ஆகியோரின் அரச தரப்பு ஆதரவும், முஸ்லிம் காங்கிரஸின் எதிர்பார்ப்பும், ஐ.தே.க வின் லக்ஷ்மன் செனவிரட்ன, ஏர்ள் குணசேகர, மனுஷ நாணயக்கார ஆகியோரின் அறிவிப்பும் அரசமைப்புத் திருத்தத்திற்கு அரசாங்கத்திற்கான உறுதியான பக்கபலம் என்றும் அரசியல் நோக்கர்கள் தெரிவிக்கின்றனர்