உச்ச நீதிமன்றம் அறிவிப்பு

18வது திருத்தத்துக்கு சர்வஜன வாக்கெடுப்பு அவசியமில்லை

அரசியலமைப்பின் 18 ஆவது திருத்தம் அரசியலமைப்புக்கு அமைவானதென்றும் அதனை நடைமுறைப்படுத்துவதற்கு சர்வஜன வாக்கெடுப்பு அவசியமில்லை யென்றும் உச்ச நீதிமன்றம் அறிவித்துள்ளது. எனினும் திருத்தச் சட்ட மூலத்தை விசேட பெரும்பான்மையுடன் நிறைவேற்ற வேண்டுமென்று உச்ச நீதிமன்றம் தீர்ப்பு வழங்கியுள்ளது.

நீதிமன்றத்தின் தீர்ப்பினை சபாநாயகர் சமல் ராஜபக்ஷ நேற்று (07) பாராளுமன்ற த்தில் அறிவித்தார். பாராளுமன்றம் நேற்றுப் பிற்பகல் ஒரு மணிக்குக் கூடிய போது கேள்வி நேரம் நிறைவடைந்ததும் சபாநாயகர் இந்த அறிவிப்பினைச் செய்தார்.

சர்வஜன வாக்கெடுப்பு நடத்தப்பட வேண்டிய சரத்துக்கள் எதுவும் 18 ஆவது திருத்தத்தில் உள்ளடக்கப்படவில்லை யென்றும் உச்ச நீதிமன்றம் அறிவித்துள்ள தாகவும் சபாநாயகர் தெரிவித்தார்.இதனையடுத்து, பிரதமர் டி. எம். ஜயரட்ன 18 ஆவது திருத்தச் சட்ட மூலத்தை சபையில் சமர்ப்பித்தார்.

அரசியலமைப்புக்கான 18 வது திருத்தம் அரசியல் யாப்புக்கு இயைபானதா என்பது தொடர்பாக உச்ச நீதிமன்றத்தின் கருத்தறியவென அரசாங்கத்தினால் அது ஏற்கனவே உச்ச நீதிமன்றத்திற்கு அனுப்பி வைக்கப்பட்டது. இத்திருத்தத்தைப் பரிசீலனை செய்த உச்ச நீதிமன்றம் மேற்கண்டவாறு சபாநாயகருக்கு அறிவித்துள்ளது.

இந்த அறிவிப்பையே சபாநாயகர் சபையில் நேற்று வாசித்தார். இரண்டு தடவைகள் ஜனாதிபதி பதவியை வகித்த ஒருவர் ஜனாதிபதி தேர்தலில் போட்டியிடுவதற்கும், ஜனாதிபதியாகப் பதவி வகிப்பதற்கும் யாப்பு ரீதியாக உள்ள கட்டுப்பாடு அரசியலமைப்புக்கான 18 வது திருத்தத்தின் கீழ் நீக்கப்படுகின்றது.

இதேநேரம் தற்போதுள்ள அரசியல மைப்புக்கான 17 வது திருத்தம் பாராளு மன்ற செயற்பாடுகளை வெளியிலுள்ள வர்களுக்குக் கையளிப்பதாக உள்ளது. அதிலுள்ள குறைபாடுகளை நீக்கி 18 வது திருத்தத்தின் கீழ் பாராளுமன்ற சபை உருவாக்கப்பட விருக்கின்றது. இச் சபைக்கு எந்தக் கட்சியாவது தம் பிரதிநிதியை நியமிக்காவிட்டாலும் அதனை தொடர்ந்தும் இயங்கச் செய்வதற்கான அதிகாரம் ஜனாதிபதிக்கு வழங்கப்பட்டுள்ளது.

இதேவேளை இத்திருத்தத்தை ஆட்சேபித்து மக்கள் விடுதலை முன் னணியினர் உச்ச நீதிமன்றத்தில் மனுத் தாக்கல் செய்திருந்த போதிலும் ஐக்கிய தேசியக் கட்சியினர் இத்திருத்தத்திற்கு எதிராக ஆட்சேபனை மனு எதனையும் உச்ச நீதிமன்றத்தில் சமர்ப்பிக்கவில்லை என்பது குறிப்பிடத்தக்கது.