மக்களோடு மக்களாய்

தவறுகளை கண்டிக்கின்றார் நல்லவற்றை பாராட்டுகின்றார்

கரடியனாறு சம்பம் போன்று இனி நடக்காமல் நாம் பொறுப்புடன் செயற்பட வேண்டும்: துரைரட்ணம்

கரடியனாறு வெடிப்புச் சம்பவமானது முழுநாட்டையுமே விழிப்புடன் திரும்பிப்பார்க்க வைத்துள்ளது. வெளிநாடுகளில் உள்ள புலம்பெயர்ந்தவர்களையும் கூட ஒருகணம் திகைப்படையவைத்துள்ளது. எனவே கரடியனாறு சம்பவம் போல் இனி நடக்காமல் பாத்துக் கொள்வது அனைவரினதும் பொறுப்பாகும் என ஈ.பி.ஆர்.எல்.எப். பத்மநாபா அணியின் தலைவரும் கிழக்கு மாகாண சபை உறுப்பினருமான இரா. துரைரட்ணம் தெரிவித்துள்ளார்.

கரடியனாறு சம்பவம் குறித்தும் பாதிக்கப்பட்டவர்களுக்கு நஷ்ட ஈடு வழங்கப்பட வேண்டும் எனவும் கேட்டு அவர் ஜனாதிபதி மஹிந்த ராஜபக்ஷவுக்கு அனுப்பிவைத்துள்ள கடிதத்திலேயே இவ்வாறு தெரிவிக்கப்பட்டுள்ளது.

அக்கடிதத்தில் மேலும் தெரிவிக்கப்பட்டுள்ளதாவது, இச்சம்பவமானது இக்கிராமத்தையும், பிரதேசத்தையும், மாவட்டத்ததையும், ஏன் முழுநாட்டையுமே விழிப்புடன் திரும்பிப்பார்க்க வைத்துள்ளது. வெளிநாடுகளில் உள்ள புலம்பெயர்ந்தவர்களையும் கூட ஒருகணம் திகைப்படையவைத்துள்ளது. இனியும் இப்படியொரு சம்பவம் நடக்காமல் இருப்பதற்கு இது தொடர்பான வேலைகளில் ஈடுபடும் நிறுவனங்களும், அரசும் மிகவும் அவதானமாக செயல்படுவதோடு கண்காணிப்பும், மேற்பார்வையும்அவசியமாக்கப்பட வேண்டும்.

இச்சம்பவ தினத்தில் பொலிஸ் நிலையத்தில் கடமையாற்றியவர்கள், முறைபாடு காரணமாக பொலிஸ் நிலையம் வந்தவர்கள் நிறுவனத்தில் வேலைசெய்தவர்கள், கமநலச்சேவை கேந்திர நிலையத்திற்கு வேலை நிமித்தம் சென்றவர்கள் எனப் பலர் கொல்லப்பட்டும் காயமடைந்தும் உள்ளனர்.

இச்சம்பவம் நடந்த பகுதியில் உள்ள மக்கழும் பாதிக்கப்பட்ட மக்களும் மிகவும் வறியமக்கள். இவர்களின் இறுதிக் கடமைக்காக பாலர்சேனை, இலுப்பையடிச்சேனை கிராமத்திற்கு நான் இவர்களின் வீடுவீடாகசென்று பார்தபோது இவர்களின் வறுமை சொல்லிலடங்காது. இதனால் விரைவாக நஷ்டஈடு வழங்க நடவடிக்கை எடுக்கப்பட வேண்டும். இச்சப்பவத்தில் பாதிக்கப்பட்டவர்களுக்கான மருத்துவ உதவியை மட்டக்களப்பு போதனா வைத்தியசாலை செங்கலடி பிரதேச வைத்தியசாலை, கரடியநாறு மாவட்ட வைத்தியசாலை போன்ற வைத்தியசாலைகளில் கடமையாற்றிய ஊழியர்கள், தாதியர்கள், வைத்தியர்கள், வைத்திய நிபுணர்கள், பணிப்பாளர் இவர்கள் அனைவரினதும் துரிதசேவையானது மிகவும் பாராட்டதக்க சேவையாகும்.

இதேவேளை இச்சம்பவத்தின் போது உடனடியாக பாதிக்கப்பட்டவர்களை வைத்தியசாலைக்கு கொண்டுசென்ற அரச, தனியார் நிறுவன வாகன உரிமையாளர்களுக்கும், சாரதிகளுக்கும் இவ்விடத்தில் நன்றியையும் பாராட்டுக்களையும் தெரிவித்துக் கொள்கின்றேன்.

நானும் மட்டக்களப்பு போதனா வைத்தியசாலைப் பணிப்பாளரும் பாதிக்கப்பட்டவர்களை பார்வையிடும்போது வாகனத்தில் கொண்டுவந்தவர்களை இறக்குவதும் இவர்களுக்கான மருத்துவ கடமைகளை மிகவும் அக்கறையுடனும் சேவை மனப்பாங்குடனும் விறுவிறுப்பாக செயலாற்றியமையை மட்டக்களப்பு போதனா வைத்தியசாலையில் பார்கக்கூடியதாக இருந்தது. இதுசேவையின் முன்னுதாரணமே. இந்த நல்ல சேவைக்கு பரிபூரண ஒத்துழைப்பை பாதுகாப்புதரப்பினர் வழங்கிக் கொண்டிருந்தனர்.

தற்செயலாக நடந்த இச்சம்பவம் தொடர்பாக குறிப்பிடப்படும் விடயங்களை அரசு கவனத்தில் கொள்வது சிறந்ததாகும். குறிப்பாக இச்சம்பவம் இனிமேலும் நடக்காமல் பாத்துக்கொள்வதற்கு அரசு பொதுமக்களுக்கு உத்தரவாதம் அளிக்கவேண்டும், பொதுமக்களும் சமூகத் தலைவர்களும் இது தொடர்பான செயல்பாடுகள் நடக்கும் பகுதிகளில் எதிர்காலத்தில் அவதானமாகமும் விழிப்புடனும் இருப்பதோடு பாதுகாப்பற்ற முறையில் எதாவது வேலைகள் நடந்தால் உரியவர்களிடம் முன்கூட்டியே முறைப்பாடு செய்யவேண்டும். எனக் குறிப்பிடப்பட்டுள்ளது.

புலிகளின் அச்சுறுத்தல் பலமாக இருந்தகாலத்திருந்து துரைரத்தினமும் அவரது சகபாடிகளும் கிழக்கில் தொடர்ந்து தங்கியிருந்து சேவையாற்றி வருகின்றனர். எக்காலத்திலும் தனது மக்களை விட்டு இந்த செயற்பாட்டுப் படை விலகிச் சென்றது கிடையாது. சுனாமியினால் பெரும் பாதிப்பிற்கு உள்ளாகியபோது பல தரப்பினரையும்(தமிழ், முஸ்லீம், சிங்கள மக்கள்) ஒழுங்கமைத்து சகல அரசியல் செயற்பாட்டாளர்களுடனும் இணைந்து சிறப்பாக செயற்பட்டதை இன்றும் கிழக்கு மக்கள் நன்றியுடன் நினைவு கூர்கின்றனர். கிழக்கு மாகாண சபையில் இவர்தான் செயற்பாடு மிக்க எதிர் கட்சி (கவனிக்க எதிரிக் கட்சி அல்ல) செயற்பாடாளராக செயற்படுகின்றார். இவரின் ஆக்கபூர்வமான செயற்பாடு கிழக்கு மாகாண அரசு 'துரை கிழக்கு மாகாண சபைக்கு ஒரு சொத்து, கிழக்கு மாகாண சபையை சரியான செயற்பாட்டு வழியில் செல்ல உதவி செய்யும் சிறந்த நெறிபடுத்தாளர் மாறாக சரியான செயற்பாடுகளை தடுத்து நிறுத்தும் எதிரிக் கட்சியின் உறுப்பினர் அல்ல' என்று தங்களுடன் ஒருவர் என்ற கோதாவில் மதித்து செயற்பட்டு வருகின்றனர். இன்றும் இவ் வெடிவிபத்து சம்பவத்தை வெறுமனவே 'கண்டனம்' என்று செய்யாமல் விமர்சனக் கண்ணோட்டத்தில் தவறுகளை சுட்டிக்காட்டியும் இவை எவ்வாறு எதிர்காலத்தில் நடைபெறமால் தடுக்கலாம் என்பதிலிருந்து நல்லனவற்றை பாராட்டியும் தட்டிக் கொடுக்கும் செயற்பாடு பலருக்கும் ஒரு முன் உதாரணமாக அமைகின்றது. இவரதும் இவரது சகபாடிகளும் தொடர்ந்து தமது நல் சேவையினை, கடமைகளை கிழக்கு மக்களுக் செலுத்துவார்கள் என நம்புகின்றோம். தமிழ் குறும் தேசியம் பேசி மக்கள் வாக்குகளை குறி வைத்து மக்களுக்கு வேட்டு வைக்கும் வெத்து வேட்டுகள் இவரிடம் பாடம் கற்றுக் கொள்ள வேண்டும்.