மனித உரிமைகளை பாதுகாப்பதில் இலங்கை உலக நாடுகளுக்கு முன்மாதிரி - ஜனாதிபதி

மனித உரிமை மீறல் தொடர்பில் இலங்கைக்கு எதிராக குரல் எழுப்பும் நாடுகளே கடந்த காலங்களில் பயங்கரவாதிகளைப் பாதுகாத்து அவர்களின் நிதி திரட்டல் நடவடிக்கைகளுக்கும் உறுதுணையாக இருந்ததாக ஜனாதிபதி மஹிந்த ராஜபக்ஷ தெரிவித்தார். மனித உரிமையைப் பாதுகாப்பது எமது பொறுப்பு என தெரிவித்த ஜனாதிபதி, மனித உரிமையைப் பாதுகாப் பதில் இலங்கை உலக நாடுகளுக்கு இணையாகச் செயற்படுவதாகவும் தெரிவித்தார். பலமுள்ள பல நாடுகள் பயங்கரவாதத்தை ஒழிப்பதிலும் அதன் பாதிப்புகளிலுமிருந்தும் மீள முடியாத போதுங்கூட சிறு நாடாகிய இலங்கை பங்கரவாதத்தை நாட்டிலிருந்து ஒழித்து சர்வதேச நாடுகளுக்கு முன்னுதாரணமாகத் திகழ்வதாகத் தெரிவித்த ஜனாதிபதி; பயங்கரவாதத்தை ஒழிப்பதில் படையினரும் அரச அதிகாரிகளும் காட்டிய அர்ப்பணிப்புடனான செயற்பாடுகள் குறிப்பிடத்தக்கவை என்றும் ஜனாதிபதி தெரிவித்தார்.

அபிவிருத்திக்கும் ஒத்துழைப்புக்குமான தெற்காசிய ரோட்டரி கழக மாநாடு நேற்றுக் கொழும்பு கலதாரி ஹோட்டலில் ஆரம்பமானது. 4, 5, 6 ஆகிய மூன்று தினங்களுக்குத் தொடர்ந்து நடைபெறும் இம்மாநாட்டினை ஜனாதிபதி மஹிந்த ராஜபக்ஷ அவர்கள் பிரதம அதிதியாகக் கலந்து கொண்டு உத்தியோக பூர்வமாக ஆரம்பித்து வைத்தார்.

அமைச்சர்கள், ராஜதந்திரிகள், சர்வதேச ரோட்டரிக்கழக முக்கியஸ்தர்கள் இந்தியா, பாகிஸ்தான், பங்களாதேஷ் நாடுகளின் அமைச்சர்கள், பிரதிநிதிகள் பலரும் கலந்துகொண்ட இம்மாநாட்டின் அங்குரார்ப்பண நிகழ்வில் உரை நிகழ்த்திய ஜனாதிபதி மஹிந்த ராஜபக்ஷ தமதுரையில் மேலும் தெரிவித்ததாவது :

நாட்டுக்கு எதிராக தற்போது பல்வேறு குற்றச்சாட்டுக்களை முன்வைத்து வரும் சர்வதேச நாடுகளே பயங்கரவாதத்தைப் பாதுகாப்பதிலும் போஷிப்பதிலும் உதவியாகச் செயற்பட்டன.

தற்போது பல்வேறு குற்றச்சாட்டுக்களை முன்வைப்போர் அதன் உண்மை நிலையைத் தெரிந்துகொள்ளாது வீண் குற்றச்சாட்டுக்களை முன்வைக்கின்றனர். மனித உரிமை விடயத்தில் இலங்கை மிகவும் பொறுப்புடன் செயற்படும் நாடாகும். இது விடயத்தில் வேறெந்த நாட்டிற்கும் இலங்கை இரண் டாவது நிலை நாடல்ல என்பதைக் குறிப்பிட விரும்புகிறேன்.

பயங்கரவாதத்தை வெற்றிகொண்டுள்ள நாடு என்று வகையில் ஏனைய தெற்காசிய நாடுகளுக்கு முன்னுதாரணமாகவும் அதே வேளை, ஏனைய நாட்களுக்கு உறுதுணை வழங்கும் நாடாகவும் இலங்கை செயற் படுகிறது. இருபது வருட யுத்த சூழலுக்குப் பின் மக்களையும் குறிப்பாக பயங்கர வாதத்தின் பிடியில் சிக்கியிருந்த பெற்றோர், சிறுவர், இளைஞர்கள், போராளிகளென சகலரையும் நாம் மீட்டுள்ளோம். முன் னாள் புலி உறுப்பினர்களுக்குப் புனர்வாழ் வளித்து வருகிறோம். சமத்துவம் சம உரிமையுடன் சகல மக்களும் வாழக்கூடிய புதிய சமூக மொன்றைக் கட்டியெழுப்பும் செயற்பாடு களையே எமது அரசாங்கம் முன்னெடுத்து வருகிறது. அதற்கு சகலரதும் பூரண ஒத்துழைப்பு அவசியமாகும்.

மிக குறுகிய கால கட்டத்தில் யுத்தத் தினால் இடம்பெயர்ந்த இரண்டு இலட் சத்து 80 ஆயிரம் மக்களை மீளக்குடியமர்த்தி யுள்ளோம். இரண்டு வருட குறுகிய காலகட்டத்தில் உலகில் வேறெந்த நாடு களும் போலன்றி இதனை எம்மால் மேற் கொள்ள முடிந்துள்ளது எனவும் ஜனாதிபதி தெரிவித்தார். ரோட்டரிக் கழகம் தொடர் பில் கருத் துக்களைத் தெரிவித்த ஜனாதிபதி மஹிந்த ராஜபக்ஷ அவர்கள்; ரோட்டரிக் கழகமானது பொருளாதார அபிவிருத்தி முன்னேற்றச் செயற்பாடுகளில் பங்களிப்பு களை செய்து வருவதுடன் இலங்கையைப் பொறுத்தவரை வர்த்தக சமூகத்தின் மேம்பாட்டுச் செயற்பாடுகளில் உறு துணையாகச் செயற்படுகிறது. நாட்டின் பல்வேறு பகுதிகளிலும் ரோட்டரிக் கழகத்தின் கிளைகள் இயங்குகின்றன.

எதிர்காலத்திலும் அபி விருத்தியின் பங்காளியாக ரோட்டரிக் கழகம் செயற் படும் எனவும் ஜனாதிபதி நம்பிக்கை தெரிவித்தார். நேற்றைய இம்மாநாட்டின் ஆரம்ப நிகழ்வில் சார்க் நாடுகளான இந்தியா, பாகிஸ்தான், மாலைதீவு, நேபாளம், பூட்டான், ஆப்கானிஸ்தான், பங்களாதேஷ் ஆகிய நாட்களின் பிரதிநிதிகள் பொரு மளவில் கலந்து கொண்டதுடன் ரோட்டரிக் கழகத்தின் சர்வதேசத் தலைவர் கல்யாண் பெனர்ஜி தெற்காசிய ரோட்டரிக் கழகத்தின் சார்பில் சிறப்புரையாற்றினார்.

அவரது உரையின்போது பயங்கரவாதத் திலிருந்து இலங்கைக்கு சுதந்திரம் பெற்றுக் கொடுத்த ஜனாதிபதி மஹிந்த ராஜபக்ஷவை பாராட்டியதோடு இது உலகிற்கு முன்னுதாரணமான செயற்பாடு எனவும் குறிப்பிட்டார்.

கடந்த சந்திரிகா பண்டாரநாயக்க குமாரதுங்கவின் ஆட்சிக் காலத்தில் சர்வதேச ரோட்டரிக் கழகம் பல மில்லி யன் அமெரிக்கன் டொலர்களை நிதி உதவி யாக வழங்கியதையும் சுட்டிக் காட்டிய அவர் எதிர்காலத்திலும் பூரண ஒத்துழைப் பினை வழங்கும் எனவும் தெரிவித்தார்.

ரோட்டரிக் கழகத்தின் தெற்காசிய மாநாட்டிற்கு நேற்று வருகை தந்த ஜனாதிபதியை ரோட்டரிக் கழக சர்வதேச பிரதிநிதிகள் கரங்களைத் தட்டி வரவேற்றனர். மாநாட்டில் பிரதம அதிதியாகக் கலந்து கொண்டு ஜனாதிபதிக்கு ஞாபகச் சின்ன மொன்றும் வழங்கிக் கெளரவிக்கப்பட்டது.