பாதுகாப்பு வலயங்கள் அகற்றப்பட்டு காணிகளை உரியோரிடம் ஒப்படைக்க வேண்டும் - ரணில் விக்ரமசிங்க

பாதுகாப்பு வலயங்கள் பெருமளவு குறைப்பு, காணிகளும் கையளிப்பு - நிமல் சிறிபால டி சில்வா

அவசரகாலச் சட்டத்தின் கீழ் உருவாக்கப்பட்ட அனைத்து அதி உயர் பாதுகாப்பு வலயங்களும் அகற்றப்பட்டு உரிய உரிமையாளர்களிடம் அவர்களின் காணிகள் வழங்கப்பட வேண்டுமென எதிர்க்கட்சித் தலைவர் ரணில் விக்ரமசிங்க தெரிவித்தார். யாழ்ப்பாணத்தில் ஏற்பட்டுள்ள மர்மமனிதன் தொடர்பான பிரச்சினையை கட்டுப்படுத்துமாறும் அவர் குறிப் பிட்டார். யாழ். பிரதேசத்தில் இடம் பெற்று வருவதாக கூறப்படும் கிறீஸ் பேய் அச்சம் தொடர்பாக பாராளு மன்றத்தில் விசேட அறிக்கையொ ன்றை சமர்ப்பித்து உரையாற்றிய அவர் கூறியதாவது, யாழ்ப்பாண மக்கள் மீதான கிறீஸ் பூதத்தின் கெடுபிடிகளை தடுக்க இராணுவத்திற்கு முடியாது போனது சம்பந்தமாக ஓகஸ்ட் 23ஆம் திகதி இந்த சபையில் நான் சுட்டிக்காட்டி னேன். ஏனைய உறுப்பினர்களும் இவ்விடயம் சம்பந்தமாக சபையில் சுட்டிக்காட்டியுள்ளனர். அரசாங்கம் இவ்விடயத்தைக் கருத்திற் கொண்டு யாழில் சட்டத்தையும் நீதியையும் நிலைநாட்டும் என நாம் எதிர்பார்த் தோம். எனினும், துரதிர்ஸ்டவசமாக இது நடைபெறவில்லை.

நாளுக்கு நாள் பிரச்சினைகள் அதிகரித்துக்கொண்டே செல்கின்றன. மர்ம மனிதர்கள் சம்பந்தமான பிரச்சினைகள் அதிகரித்துக் கொண்டே செல்வதுடன் யாழ். குடாநாடு முழு வதும் ஒருவித பீதியும் பதற்றமும் ஏற்பட்டுள்ளது. இதைக் கட்டுப் படுத்த அரசாங்கம் இதுவரை எது வித நடவடிக்கைகளையும் மேற் கொள்ளவில்லை.

ஓகஸ்ட் 30ஆம் திகதி கோண்டா வில் பிரதேசத்தில் பல சம்பவங்கள் இடம்பெற்றதுடன், அதே தினத் தன்று இரவு 8.30 மணியளவில் திரு நெல்வேலி பிரதேசத்தில் மற்று மொரு சம்பவமும் இடம்பெற்றுள் ளது. அத்துடன் கொக்குவில் யாழ். மருத்துவ பீடத்திற்கு அருகாமையி லும், செப்டெம்பர் 01ஆம் திகதி உரும்பிராய், குருநகர் போன்ற பிரதேசங்களிலும் சம்பவங்கள் இடம் பெற்றுள்ளன. யாழ். மக்களை அச்சத்தில் ஆழ் த்தும் ஒரு சடுதியான செயலாகவே இதை மக்கள் கருதுகின்றனர்.

தற்போது 50,000 ற்கும் மேற்பட்ட இராணுவத்தினர் யாழில் கடமை யில் ஈடுபடுத்தப்பட்டுள்ளனர். யாழ் ப்பாணத்தில் 20-30% பிரதேசம் அதி உயர் பாதுகாப்பு வலயத்திலேயே காணப்படுகிறது. வீதித்தடைகளும் 24 மணிநேர பாதுகாப்பு ரோந்துச் சேவையும் காணப்படுகிறது.

கிaஸ் பூதத்தைத் தடுப்பதற்கு இவர்களால் முடியும். அவசரகாலச் சட்டத்தின் கீழ் நிறுவப்பட்டிருந்த அனைத்து உயர் பாதுகாப்பு வலயங்களும் இர த்தாகின்றன. அதன்பிரகாரம் உயர் பாதுகாப்பு வலயத்திற்காகப் பெற்றுக் கொண்ட காணிகளை உரிய உரிமை யாளர்களுக்கு வழங்கப்பட வேண் டும். மீண்டும் இவைகளை உரியவர் களுக்கு வழங்குவதற்கு அரசாங்கம் எடுத்துள்ள நடவடிக்கைகள் என்ன?

இவ்விடயம் சம்பந்தமாக யாழ்ப் பாணத்தை பிரதிநிதித்துவப்படுத்தும் மற்றும் அரசாங்க தரப்பு யாழ். பாராளுமன்ற உறுப்பினர்களையும் உள்ளடக்கிய குழு ஒன்றை நியமி த்து, இதற்காக தேவையேற்படும் போது ஆலோசனை வழங்கக்கூடிய நபர்களையும் இணைத் துக்கொண்டு அக்குழுவின் மூலம் இவ்விடயம் சம்பந்தமாக ஆராய்ந்து உரிய நடவடிக்கை எடுக்க அரசாங்கம் முன்வர வேண்டும் என்றும் வேண்டிக்கொள்கிறேன்.

வடக்கில் சுமுகநிலையைப் பேணவும், அமைதியை உறுதிப்படுத்தவும் சகல நடவடிக்கைகளும் எடுக்கப்பட்டுள்ளன. யாராவது சமாதானத்தைக் குழப்ப முயன்றால் நடவடிக்கை எடுக்க அரசாங்கம் பின்நிற்காது என சபை முதல்வர், அமைச்சர் நிமல் சிறிபால டி சில்வா கூறினார். யாழ். குடாவிலுள்ள அதியுயர் பாதுகாப்பு வலயங்கள் 3.5 முதல் 4 வீதம்வரை குறைக்கப்பட்டுள்ளன. அதியுயர் பாதுகாப்பு வலயங்களாகவிருந்த பெருமளவு காணிகள் மீள வழங்கப்படவுள்ளன.

எதிர்க்கட்சித் தலைவர் சபையில் முன்வைத்த விசேட அறிக்கைக்கு பதிலளித்த அமைச்சர் மேலும் கூறியதாவது; பயங்கரவாதத்தின் பிடியிலிருந்த வடக்கு, கிழக்கு மக்களை இராணுவமே மீட்டது. இதனால் இன்று அந்த மக்கள் இயல்பு வாழ்க்கை வாழ்கின்றனர். யாழ். மக்களும் சுமுகமாக வாழும் நிலை உருவாக்கப்பட்டுள்ளது.

சட்டம் ஒழுங்கை நிலைநாட்ட இராணுவத்தினர் உதவி வருகின்றனர். யாழ்ப்பாணத்தில் சட்டம் ஒழுங்கு நிலைநாட்டப்படவில்லையென எதிர்க்கட்சித் தலைவர் குற்றஞ்சாட்டினாலும், அங்கு சட்டம் ஒழுங்கு திருப்திகரமாகவே உள்ளது.

நாட்டில் அரசியல் ஸ்திரமற்ற தன்மையை ஏற்படுத்தவே கிறீஸ் மனிதன் என கட்டுக்கதை பரப்பப்படுகிறது. இவ்வாறான நிலைமைகளைக் கட்டுப்படுத்த சகல நடவடிக்கைகளும் எடுக்கப்பட்டுள்ளன. புலிகளிடமிருந்து மக்களை மீட்ட படையினரின் புனிதத்துக்கு பங்கம் விளைவிக்கும் வகையில் எதிர்க்கட்சித் தலைவரின் கூற்று அமைந்துள்ளது.

மக்களை அச்சுறுத்துவதற்காகவே கிறீஸ் பேய் பற்றிய கட்டுக்கதை பரப்பப்படுகிறது. இது அரசாங்கத்தின் மீது சேறுபூசும் முயற்சியாகும். இது அப்பகுதிகளில் இடம்பெறும் முதலீடுகளைத் தடுக்கும் செயலாகும்.

யாழ்ப்பாணத்தில் 50 ஆயிரம் படையினர் நிலைகொண்டிருப்பதாகவும் குறிப்பிடப்பட்டது.

ஆனால், அங்கு 27ஆயிரம் முப்படையினரே உள்ளனர். முப்படையினரின் பங்களிப்புடன் வடக்கில் கண்ணிவெடி அகற்றப்படுகிறது. இடம்பெயர்ந்த மக்களை மீள்குடியேற்ற இந்த நடவடிக்கை அவசியமாகும். 2009 மே மாதம் முதல் இன்றுவரை கண்ணிவெடியில் சிக்கி ஒரு பொதுமகனும் இறக்கவில்லை.

யாழ் குடாவில் 3.5 முதல் 4 வீதமான காணிகள் மட்டுமே அதியுயர் பாதுகாப்பு வலயங்களாக உள்ளன. அதி உயர் பாதுகாப்பு வலயங்களாக இருந்த பெருமளவான காணிகள் மீள வழங்கப்பட்டுள்ளன. முடிந்தளவான காணிகள் மீள வழங்கப்பட்டு வருகின்றன.

யாழ் குடாவில் சோதனைச் சாவடிகளும், இராணுவ ரோந்து நடவடிக்கைகளும் இடம்பெறுவதாகவும் எதிர்க்கட்சித் தலைவர் கூறினார். இது வடக்கின் சுமுகநிலை கிடையாது என சர்வதேச சமூகத்துக்குக் காட்டும் முயற்சியாகும். அவர்கள் வெளிநாடுகளுக்குச் சென்று இலங்கைக்கு அவப்பெயர் ஏற்படுத்தியிருந்தால் தற்பொழுது வெளிநாட்டு சக்திகளைப் பயன்படுத்தி இலங்கை மீது அழுத்தம் மேற்கொள்ளத் தயாராகிறார்.

ஜனாதிபதியின் வழிகாட்டலின் கீழ் அமைச்சர் டக்ளஸ் தேவானந்தாவின் தலைமையில் யாழ்ப்பாண மக்களின் பிரச்சினைகள் குறித்து ஆராயும் கூட்டம் நடத்தப்பட்டது. மக்கள் மத்தியிலுள்ள தேவையற்ற அச்சத்தை அகற்ற நடவடிக்கை எடுக்கப்பட்டுள்ளது.

தேசிய பாதுகாப்பு எமக்கு முக்கியமானதாகும். மீண்டும் பயங்கரவாத நிலைமை எழாதிருக்க நடவடிக்கை எடுக்க வேண்டும்.

பொதுமக்களின் நலன்களைப் பேணுவதற்கும், மக்கள் அச்சமின்றி வாழவும் நடவடிக்கை எடுக்கப்பட்டு வருகிறது. புதிய சட்டங்களை கொண்டுவர அரசாங்கம் பின்நிற்காது என்றார்.