இலங்கைத் தமிழர் பிரச்சனைக்கு அரசியல் தீர்வு கண்டிடுக!

இலங்கையின் தமிழ் அமைப்புகளுடன் அந்நாட்டு அரசு அர்த்தமுள்ள பேச்சுவார்த் தைகளைத் தொடங்குவதற்கு இந்திய அரசு அனைத்து அரசுறவு வழிகளையும் கையாள வேண்டும் என்று மார்க்சிஸ்ட் கட்சியின் பொதுச்செயலாளர் பிரகாஷ் காரத் வலியுறுத் தினார். ராஜபக்சே அரசு அளித்த வாக்குறுதி களை நிறைவேற்றுமாறு வலியுறுத்துகிற கடமை இந்தியாவுக்கு இருக்கிறது என்றார் அவர். இலங்கைத் தமிழ் மக்களின் சம உரிமை கள், சுயாட்சி உள்ளிட்ட கோரிக்கைகளை வலியுறுத்தி புதனன்று (செப்.7) தலைநகர் தில்லியில் மார்க்சிஸ்ட் கட்சியின் பெருந் திரள் ஆர்ப்பாட்டம் நடைபெற்றது. தில்லி உயர்நீதிமன்ற வளாகத்தில் குண்டுவெடிப்பு, திடீரெனப் பெய்த பலத்த மழை இவற்றை மீறி ஆயிரக்கணக்கான கட்சி ஊழியர்கள் நாடாளுமன்ற வளாகத்திற்கு அருகில் ஜந் தர் மந்தர் பகுதியில் நடந்த இந்த ஆர்ப்பாட் டத்தில் பங்கேற்றனர். தமிழகத்திலிருந்து சிறப்பு ரயிலில் வந்திருந்தோர் மட்டுமல்லாது, தில்லியைச் சேர்ந்தவர்களும் கலந்து கொண்ட ஆர்ப்பாட்டம், இலங்கைத் தமிழ் மக்களுக்காக நாடு தழுவிய அளவில் மார்க் சிஸ்ட் கட்சியினர் அக்கறை கொண்டிருப் பதை வெளிப்படுத்துவதாக இருந்தது. ஆர்ப்பாட்டத்தில் தில்லியில் நடந்த குண்டு வெடிப்புக்கு கண்டனம் தெரிவிக்கப்பட்டது.

ஆர்ப்பாட்டத்தில் சிறப்புரையாற்றிய பிரகாஷ் காரத் கூறியது வருமாறு: இலங்கையில் போர் முடிவுக்கு வந்து இரண்டாண்டுகள் கடந்தபின்னும் தமிழ் மக்கள் சொல்லொண்ணா துயரங்களை அனுப வித்துவருகின்றனர். பகைமை உணர்வின் உச்சத்திற்கு ராஜபக்சே அரசு சென்றிருக் கிறது. தங்களது வீடுகளை விட்டு வேரு டன் பிடுங்கப்பட்டது போன்ற நிலையில் லட்சக்கணக்கான தமிழ் மக்கள் இப்போதும் அகதி முகாம்களில்தான் தங்கவைக் கப்பட்டிருக்கிறார்கள். அவர்கள் தங்களது வீடுகளுக்குத் திரும் புவது, அவர்களது மறுவாழ்வு இரண்டுமே நடக்கவில்லை. அவர்களுக்குப் புதிய வீடு கள் கட்டவும் மறுவாழ்வுப் பணிகளுக்காக வும் நிதி உதவி வழங்கிய இந்திய அரசுக்கு, இனியும் காலதாமதம் இல்லாமல் அந்தப் பணிகள் நடந்தேறுவதை உறுதிப்படுத்து கிற கடமையும் இருக்கிறது.

இப்போதும் அங்கே ராணுவ கண்கா ணிப்பின் கீழ்தான் தமிழ்மக்கள் வாழ்கிறார் கள். அவர்களது இயல்பான அன்றாட வாழ்க் கை கடுமையாக முடக்கப்பட்டுள்ளது. போரின் முடிவில் பெருமளவுக்கு வன் கொடுமைகள் நடந்ததையும், மனித உரிமை கள் மீறப்பட்டதையும் ஐ.நா. சபை நியமித்த குழு கண்டறிந்துள்ளது. அந்த அத்துமீறல் கள் குறித்து உயர்நிலை விசாரணைக்கு ஆணையிடவோ, மனித உரிமை மீறல் குற் றங்களில் ஈடுபட்டவர்கள் யார் யார் என்று கண்டறிந்து பொறுப்பேற்கச் செய்யவோ ராஜபக்சே அரசு தயாராக இல்லை.

விடுதலைப் புலிகள் அமைப்பினர் வன்முறைகளில் ஈடுபட்டதை மார்க்சிஸ்ட் கட்சி ஒருபோதும் ஆதரிக்கவில்லை. ஆனால் அதற்காக, இலங்கையின் தமிழ் மக்கள் தண்டனைக்கு உள்ளாக்கப்படு வதை ஏற்பதற்கில்லை. உலக சமுதாயத் தின் குரலுக்கு ராஜபக்சே செவிமடுக்க வேண்டும். மனிதஉரிமைகள் மீறப்படுவ தற்கு எதிராக நடவடிக்கை எடுப்பதே ஒரு நாகரிக அரசின் கடமை.

விடுதலைப் புலிகளுடன் போர் நடந்து கொண்டிருந்தபோது தான் அளித்த வாக் குறுதிகளை ராஜபக்சே அரசு, போர் முடிந்த பின்பு நிறைவேற்ற மறுப்பது கண்டனத் துக்குரியது. இது தமிழ்நாட்டு மக்களின் பிரச் சனை மட்டுமல்ல, அகில இந்தியப் பிரச் சனை. ஆகவே, அந்த வாக்குறுதிகளை நிறைவேற்றச் செய்ய இந்திய அரசு அரசி யல் அடிப்படையிலும், அரசுறவு அடிப்படை யிலும் அனைத்து முயற்சிகளையும் மேற் கொள்ள வேண்டும். இவ்வாறு பிரகாஷ் காரத் கூறினார்.