ஐ.நா. பொதுச்சபை இன்று கூடுகிறது

ஐக்கிய நாடுகள் சபை யின் பொதுச்சபைக்கூட் டம் செப்டம்பர் 21 புத னன்று கூடுகிறது. இதில் பங் கேற்பதற்காக பிரதமர் மன் மோகன் சிங் செவ்வாயன்று நியூயார்க் புறப்பட்டுச் சென்றார். 193 உறுப்புநாடுகளைக் கொண்ட ஐக்கிய நாடுகள் சபையில் 194வது நாடாக எங்களையும் சுதந்திர தேச மாக அங்கீகரிக்க வேண்டு மென பாலஸ்தீனம், உலக நாடுகளின் ஆதரவோடு உரத்துக்குரல் எழுப்பியுள்ள சூழலில், நியூயார்க்கில் கூட வுள்ள இந்தப்பொதுச் சபைக் கூட்டம்மிகுந்த முக் கியத்துவம் பெற்றுள்ளது. அதுமட்டுமின்றி ஐ.நா. பாதுகாப்பு கவுன்சிலில் இந் தியா உள்ளிட்ட வளர்முக நாடுகளுக்கும் உரிய அந்தஸ் தும் அங்கீகாரமும் அளிக் கும் விதத்தில், பாதுகாப்புக் கவுன்சில் முழுமையாக மாற்றியமைக்கப்பட வேண்டும் என்ற குரலும் வலுத்துள்ளது.

அமெரிக்காவில் மையம் கொண்டுள்ள பொருளாதார நெருக்கடி யால் உலகெங்கிலும் நவீன தாராளமயக் கொள்கை களை ஈவிரக்கமின்றி பின் பற்றிய நாடுகளில் மக்கள், ஆளும் அரசாங்கங்களை எதிர்த்து பெரும் போராட் டக்களத்தில் குதித்துள்ள பின்னணியில், ஐ.நா. பொது சபைக்கூட்டம் கூடுகிறது என்பது குறிப்பிடத்தக்கது.

இக்கூட்டத்தில் செப் டம்பர் 23ம் தேதி பிரதமர் மன்மோகன் சிங் உரை யாற்றுகிறார். பொதுச்சபைக் கூட் டம் குறித்தும் இந்தியாவின் பங்கேற்பு குறித்தும் ஐ.நா. சபை வளாகத்தில் பல்வேறு நாடுகளின் ஊடகங்களுக்கு பேட்டியளித்த இந்தியா வின் நிரந்தரப் பிரதிநிதி யான ஹர்தீப் சிங் பூரி, வளர்ச்சி குறித்த கவலைகள், வறுமை ஒழிப்பு, ஐ.நா.வின் ஆயிரமாண்டு வளர்ச்சி இலக்குகள், அனைத்து தரப் பினரையும் உள்ளடக்கிய வளர்ச்சி மற்றும் பயங்கர வாதப் பிரச்சனை போன்ற பிரச்சனைகளை ஐ.நா பொதுச்சபை விவாதங்க ளில் இந்தியா முன்வைக்கும் எனக்குறிப்பிட்டார்.

பாதுகாப்புக் கவுன்சில் சீரமைப்பு குறித்து குறிப் பிட்ட பூரி, பாதுகாப்பு கவுன்சிலில் நிரந்தர உறுப் பினர் அந்தஸ்து பெறு வதற்கான முனைப்புடன் இந்தியா செயல்படுகிறது என்றும், இதற்காக தீவிர மான பேச்சுவார்த்தையில் ஈடுபட்டுள்ளது என்றும் தெரிவித்தார். இந்த அந்த ஸ்தை பெறுவதற்கு ஐ.நா. பொதுச்சபையில் மூன்றில் இரண்டு பங்கு பெரும் பான்மை ஆதரவை இந் தியா பெற்றுள்ளது எனக் குறிப்பிட்ட அவர், பாது காப்பு கவுன்சிலில் இருக்கும் நாடுகளின் மூலம் இந்த அந் தஸ்து பெறுவதை உறு திப்படுத்த முடியாது என் றாலும், பொதுச்சபையில் இதுகுறித்த விவாதத்தை எழுப்பி ஆதரவை உறுதி செய் வோம் என்று கூறி னார்.

பாதுகாப்பு கவுன்சிலில் நிரந்தர உறுப்பினர் அந் தஸ்து கோரும் இந்தியா, பிரேசில், ஜப்பான் மற்றும் ஜெர்மனி ஆகிய நாடுகள், தங்களது இலக்கிற்காக கூட்டாக ஒத்துழைக்க தீர்மானித்துள்ளன. ஐ.நா. பொதுசபை கூட் டத்தின் இடையே நேபாள பிரதமர் பாபுராம் பட்டா ராய், ஜப்பான் பிரதமர் யோஷி கிகோ நோடா மற்றும் இலங்கை ஜனாதிபதி மகிந்தா ராஜபக்சே ஆகியோருடன் பிரதமர் மன்மோகன்சிங் பேச்சு நடத் துகிறார்.

அமெரிக்க ஜனாதிபதி ஒபாமாவுடன் அவர் சந்திக் கும் வாய்ப்பு இல்லை என்று இந்தியத் தூதரக வட்டாரங் கள் தெரிவித்தன. முன்னதாக இக்கூட்டத் திற்காக சனிக்கிழமை தில்லி யிலிருந்து பிரதமர் மன் மோகன்சிங் புறப்பட்டார். அவருடன் வெளியுறவுத் துறை அமைச்சர் எஸ்.எம். கிருஷ்ணா, தேசிய பாது காப்பு ஆலோசகர் சிவசங் கர் மேனன், வெளியுறவுத் துறை செயலாளர் ரஞ்சன் மத்தாய் உள்ளிட்டோர் அடங்கிய உயர்நிலைக்குழு வும் நியூயார்க் பயணம் மேற்கொண்டுள்ளது.