புலிகளை கங்கணம் கட்டி அழித்த பிரித்தானியா புதிய ஆதாரம் !

புலிகளுக்கும் இலங்கை இராணுவத்திற்கும் நடந்த இறுதிப்போரில், பல நாடுகள் இலங்கைக்கு உதவிகளை செய்தது என்று நாம் படித்திருக்கிறோம். அந்த வகையில் பிரித்தானியா 1979ம் ஆண்டு முதலே ஈழத் தமிழர்களுக்கு எதிராக செயல்பட்டு வருவதாகவும் அது 2009ம் ஆண்டு வரை தொடர்ந்து செல்வதாகவும் பில் மில்லர் என்னும் எழுத்தாளர் கூறியுள்ளார். "த டேட்டி வார்" என்ற புத்தகத்தை எழுதியுள்ள மில்லர் அவர்கள், புது ஆதாரங்களையும் வெளியிட்டுள்ளார்.

இலங்கையில் 70வதுகளில் ஜே.வி.பி இயக்கம் உருப்பெற்று, அதில் ஆயிரக்கணக்கில் சிங்கள இளைஞர் இணைந்து கொண்டார்கள். ஒரு காலத்தில் ஆயுதப்போராட்டத்தை மேற்கொண்ட அவர்களை இலங்கை அரசு இந்தியாவின் படை உதவியோடு அடக்கி ஒடுக்கியது. அப்போது முதல் கொண்டு 2009ம் ஆண்டுவரை பிரித்தானியா இலங்கைக்கு படை உதவிகளை வழங்காவிட்டாலும், பாரிய அளவில் வேறுவிதமான உதவிகளை வழங்கிவந்துள்ளது. 2009ம் ஆண்டுக்குப் பின்னர் கூட, பிரித்தானிய அரசு இலங்கைக்கு தேவையான ஆயுதங்களை கொடுத்து வருகிறது. இன் நிலையில், பிரித்தானிய இராணுவப் பிரிவினர், அடிக்கடி இலங்கை சென்று சிங்கள ராணுவத்திற்கு பயிற்சிகளை வழங்கியுள்ளார்கள்.

இதன்போது எடுக்கப்பட்ட புகைப்படங்களை எழுத்தாளர் மில்லர் அவர்கள் பிரசுரித்துள்ளார். இலங்கைக்கு அயர்லாந்து பொலிசாரை அனுப்பிய பிரித்தானியா 2009ம் ஆண்டு மே மாதம் வரை அவர்களை அங்கே தங்கச் சொல்லி இருந்ததாகவும், அவர்கள் என்ன வகையில் இலங்கை புலனாய்வுப் பிரிவினருக்கு உதவிகளை மேற்கொண்டார்கள் என்றும் மில்லர் பல விடையங்களை எழுதியுள்ளார். புலிகள் பல இடங்களில் பின்வாங்கியவேளை, அவர்கள் கொழும்பு நகரை தாக்க கூடும் என்ற அச்சத்தில் இலங்கை அரசு தவித்ததாகவும், இதனை சமாளிக்கவும் மற்றும் கொழும்பில் மறைந்திருந்த புலிகளை கைதுசெய்வது எப்படி என்று அறுவுரை கூறவே இவர்கள் அனுப்ப பட்டதாக கூறப்படுகிறது.

தமிழர்களுக்கு எதிரான பிரித்தானியாவின் கறைபடித்த யுத்தம் என்னும் ஆவணப் புத்தகம் தற்போது வெளியாகியுள்ளது. அதில் பல திடுக்கிடும் விடையங்கள் உள்ளடக்கப்பட்டுள்ளது. இதனை எழுத்தாளர் மில்லர் அவர்கள் ஐ.நா விசாரணைக் குழுவுக்கும் அனுப்பவுள்ளார் என்று தெரியவருகிறது.