ஈழ தேசிய ஜனநாயக விடுதலை முன்னணியின் அடுத்தக்கட்ட நகர்வுக்கான ஆலோசனைக் கூட்டம்!

ஈழ தேசிய ஜனநாயக விடுதலை முன்னணியின் அடுத்தக்கட்ட நகர்வுக்கான அலோசனைக் கூட்டம் உயர்திரு. ஞா.ஞானசேகரன் அவர்கள் தலைமையில் இன்று (31-03-2011, வியாழன்) கூடியது. இந்த ஆலோசனைக் கூட்டத்தில் ஈ.என்.டி.எல்.எப். இயக்கத்தின் இந்தியா, இலங்கை மற்றும் ஐரோப்பாவில் இயங்கும் 30 முக்கிய மூத்த உறுப்பினர்கள் கலந்துகொண்டனர்.

இந்த சிறப்புக் கூட்டத்தில் சில முக்கிய தீர்மானங்கள் நிறைவேற்றப்பட்டன. ஈழத் தமிழர் விடுதலைக்கான நெடுந்தூர நடைபயணத்தின் போது ஏற்றுக்கொள்ளப்பட்ட கோரிக்கைகளை தமிழகத்தில் வாழும் ஈழ அகதிகள் மற்றும் தமிழகத் தமிழர்களின் அங்கீகாரத்தைப் பெறுவதற்கான ஒரு மாநாட்டை நடத்த வேண்டும் என்று தீர்மானம் நிறைவேற்றப்பட்டது.

இந்த மாநாட்டில் தமிழகத்தில் உள்ள அனைத்து அகதிகள் முகாம்களில் இருந்தும் பிரதிநிதிகள் கலந்துகொள்வதற்கான வேலைத்திட்டங்களை மேற்கொள்ள வேண்டும் என்றும் தீர்மானம் நிறைவேற்றப்பட்டது. இந்த மாநாட்டின் அங்கீகாரம் கிடைக்கப்பெற்றவுடன் உலகத்தமிழர்களின் அங்கீகாரத்தைப் பெறுவதற்கான வேலைத்திட்டங்களை தொடங்கவேண்டும் என்றும் தீர்மானம் நிவேற்றப்பட்டது.

ஈழத் தமிழர் விடுதலைக்கான நெடுந்தூர பயணத்தை வெற்றிகரமாக முடித்தது போன்று இன்றைய காலகட்டத்தில் ஈழத் தமிழர் விடுதலை பெறுவதற்கான ஈ.என்.டி.எல்.எப். இயக்கத்தின் முதற்கட்ட கோரிக்கைகள் தொடர்பாக தமிழர்களின் அங்கீகாரத்தைப் பெறுவதற்காக மேற்கொள்ளப்படும் இந்த மாநாட்டிற்கான அனைத்து வேலைத்திட்டங்களையும் சிறப்பாக செய்து முடிப்போம் என்று ஈ.என்.டி.எல்.எப்.இன் முக்கிய உறுப்பினர்கள் அனைவரும் தலைவர் ஞா.ஞானசேகரன் அவர்களிடம் உறுதி தெரிவித்தனர்.

இந்த மாநாட்டிற்கான ஆரம்பக்கட்ட வேலைகளுக்கான குழுக்கள் நியமிக்கப்பட்டதுடன், இன்றிலிருந்தே வேலைத்திட்டங்கள் தொடங்கப்பட்டன. இந்த மாநாட்டிற்கான அறிவிப்பு இன்னும் ஒன்று அல்லது இரண்டு வாரங்களில் அறிவிக்கப்படும் என்று ஈ.என்.டி.எல்.எப். இயக்கத்தின் தலைவர் ஞா.ஞானசேகரன் அவர்கள் தெரிவித்துள்ளார்.

இவ்வண்ணம்,

அரசியல்துறை

ஈழ தேசிய ஜனநாயக விடுதலை முன்னணி

(ஈ.என்.டி.எல்.எப். )

31-03-2011