இலங்கை கம்யூனிஸ்ட் கட்சி ஸ்தாபகர்களில் ஒருவர்
சிறந்த கணித ஆசிரியர்
யாழ். இந்துக் கல்லூரி ஆசிரியர்
உரும்பிராய் இந்துக் கல்லூரி அதிபர்
வடமாகாண ஆசிரியர் சங்க ஸ்தாபகர்களில் ஒருவர்
தோழர் அ. வைத்தியலிங்கம் அவர்களின் 100வது பிறந்த தின வைபவம் எதிர்வரும் செப்டெம்பர் மாதம் 12ம் திகதி இலண்டன் ரிறினிற்ரி மண்டபத்தில் இடம்பெறவுள்ளது.
பிரித்தானிய குடியேற்ற ஆட்சி இலங்கையிலும்> இந்தியாவிலும் கோலோச்சியிருந்த வேளை> இந்த நாடுகளின் தொழில் வளங்கள் நசுக்கப்பட்டு> மூல வளங்கள் சுரண்டப்பட்டு அம் மூல வளங்களினைப் பயன்படுத்தி தயாரிக்கப்பட்ட முடிவுப் பொருட்களின் சந்தையாக இத் தேசங்கள் மாற்றப்பட்டிருந்த வேளை பிரித்தானியாவின் பல்கலைக் கழகங்களில் மாணவர்களாக இருந்த கிருஷ்ணமேனன்> ஜோதிபாசு> பெரோஸ் காந்தி> பொன். கந்தையா> பீட்டர் கெனமன் போன்ற தனது நண்பர்களுடன் இணைந்து ‘ பிரித்தானியாவே வெளியேறு’ என்ற இயக்கத்தை நடத்தியவர்களில் ஒருவர்.
பட்டப்படிப்பை முடித்து தாயகம் சென்ற இவர்கள் குடியேற்ற ஆட்சிக்கு எதிராக இயக்கங்களை நடத்தினார்கள். அப்போதிருந்த இடதுசாரிக் கட்சியான லங்கா சமசமாஜக் கட்சியில் இணைந்து பணியாற்றிய அவர் புரட்சி> குடியேற்ற ஆட்சியிருந்து விடுபடுவது> புரட்சியில் தொழிலாள> விவசாய வர்க்கங்களின் பங்கு போன்ற சர்வதேச அளவிலான தத்துவார்த்த> நடைமுறை சார்ந்த விவாதங்களினால் ஏற்பட்ட பிளவுகள் காரணமாக அக் கட்சியிலிருந்து வேளியேறி 40களில் ஐக்கிய சோசலிசக் கட்சியை ஸ்தாபித்தார்கள். பிரித்தானிய குடியேற்ற ஆட்சியாளர்களின் கெடுபிடிகளுக்கு முகம் கொடுத்த இவர்களது கட்சி தடைசெய்யப்பட்டது. இருப்பினும் அவர்கள் இரகசியமாக இயங்கினார்கள்.
1943 இல் சர்வதேச அளவில் தொழிலாள இயக்கங்கள் பல கம்யூ. கட்சியாக மாற்றம் பெற்ற வேளை சோசலிசக் கட்சியை கம்யூ. கட்சியாக பெயர் மாற்றம் செய்தார்கள். இலங்கையிலும்> இந்தியாவிலும் பிரித்தானிய குடியேற்ற ஆட்சிக்கு எதிராக மாகாத்மா காந்தி தலைமையிலும்> இடதுசாரி இயக்கங்களினாலும் போராட்டங்கள் தீவிரப்படுத்தப்பட்ட நிலையில் சுதந்திரத்தை வழங்கி வெளியேறும் முடிவுக்கு குடியேற்ற ஆட்சியாளர் வந்தனர். இதன் காரணமாக இலங்கைக்கான அரசியல் யாப்பை வரையும் பொருட்டு சோல்பரி ஆணைக்குழு இலங்கைக்கு அனுப்பி வைக்கப்பட்டது. இவ் ஆணைக்குழு முன்னிலையில் கம்யூ. கட்சி தேசிய இனப் பிரச்சனை தொடர்பாக மிகவும் தெளிவாக சில முன் மொழிவுகளை சமர்ப்பித்தது. அவை இன்றும் வலுவான> பொருத்தமான கோரிக்கைகளாக இருப்பதை அவதானிக்கலாம்.
தேசிய இனப் பிரச்சனை தொடர்பாக சுயாட்சியை இன்று தமிழ் அரசியல் தலைமைகள் முன்வைத்த போதிலும் இவை 40களில் கம்யூ கட்சியால் முன்வைக்கப்பட்டதை ஏற்றுக்கொண்டதும் இல்லை. ஆதரித்ததும் இல்லை.
- இலங்கை பல்லின மக்களின் தாயகம்.
- பல மதங்களை பின்பற்றும் நாடு.
- பல மொழி பேசுபவர்களின் தேசம்.
- பல கலாச்சாரங்களின் இருப்பிடம்.
- இலங்கைத் தமிழர்கள் தனித் தேசிய இனம்> தமது பிரதேசங்களின் விவகாரங்களை நிர்வகிக்கும் சுயாட்சி உரிமை அம் மக்களுக்கு உண்டு.
என தேசிய இனப் பிரச்சனை குறித்து தமது திட்டத்தினை முன்மொழிந்தார்கள். இத் தீர்மானங்களை தொழிற்சங்க சம்மேளனத்தின் சார்பில் வைத்தியலிங்கம் அவர்களும்> கம்யூ. கட்சி சார்பில் பீட்டர் கெனமன் அவர்களும் கையளித்தனர்.
யாழ். இந்துக் கல்லாரியின் கணித ஆசிரியராகவும்> பின்னர் உரும்பிராய் இந்துக் கல்லாரி அதிபராகவும் பணியாற்றிய அவர் சிறந்த மாணாக்கர்களை உருவாக்கியதோடு> உரும்பிராய் இந்துக் கல்லூரியில் பல கட்டிடங்களை நிர்மாணித்து அதன் தரத்தை உயர்த்தவும் உழைத்தார்.
அவ் வேளையில் வட மாகாணத்தின் பாடசாலைகள் பல தனியார் மயமாக இருந்த வேளை ஆசிரியர்களுக்கென வட மாகாண ஆசிரியர் சங்கம்> அதனைத் தொடர்ந்து மாணவர்களின் கல்வித்தரத்தை உயர்த்த அம் மாகாண ஆசிரியர் சங்கத்தினால் பரீட்சைகளும் நடத்த உதவினார்.
தேசத்தின் சாமான்ய உழைக்கும் மக்களுக்காக செயற்பட்ட இம் மகான் தனது மக்களுக்காகவும் தனது உழைப்பை வழங்கத் தவறவில்லை. பல்வேறு இடர்களுக்கு மத்தியிலும் தனது இலட்சியத்திலிந்து விலகாது மக்களுக்குச் சேவை செய்த வைத்திலிங்கம் அவர்களை நினைவுகூர்வது சாலப் பொருத்தமானது.

அமைதி சமாதானம் ஜனநாயகம்

www.sooddram.com