ஈழத் தமிழர் விடுதலைக்கான நெடுந்தூர நடைபயணம் 24 மற்றும் 25வது நாள் நிகழ்வுகள்!

ஈழத் தமிழர் விடுதலைக்கான நெடுந்தூர நடைபயணத்தின் 24வது நாளான 08-02-2011 செவ்வாய்கிழமை காலை 05:30 மணியளவில் புறப்பட்டு காட்டு வழியில் பயணத்தைத் தொடர்ந்தது. சாலைகள் சாயாக இல்லாததால் நடைபயண வீரர்கள் வேகமாக நடக்க முடியவில்லை. மிகவும் சிரமப்பட்டு நடந்த நடைபயண வீரர்கள் தினமும் நடக்க வேண்டிய சராசரியான தூரத்தை கடக்க அதிக நேரம் எடுத்துக்கொண்டார்கள். இரவு 10:00 மணியளவில்தான் இரவு முகாம் வந்து சேர்ந்தனர். 24வது நாளான நேற்று செவ்வாய்கிழமை மிகவும் சிரமப்பட்டு 40 கிலோ மீற்றர் தூரம் நடந்தார்கள். மொத்தமாக 788.5 கிலோ மீற்றர் தூரத்தைக் கடந்தனர்.

காட்டு வழி பயணமாகையினால் ஒரு சில வீரர்கள் ரைபாய்டு மற்றும் மலேரியா காச்சலினால் அவதிப்படுகின்றனர். அதில் நடைபயண வீரர்களாலும் மற்றும் அனைவராலும் குண்டு மாமா என்று அன்புடன் அழைக்கப்படும் திருவண்ணாமலை முகாமிற்கு வெளியில் தங்கியிருக்கும் திரு. சேதுபதி மாமா அவர்களுக்கும் மலேரியா காச்சல் தொற்றியுள்ளது. மிகவும் கஸ்ரப்பட்ட அவருக்கு அங்கேயே சிகிச்சையளிக்கப்பட்டது.  எனினும் அவர் ஓய்வு எடுக்காத காரணத்தினால் காச்சல் குணமாகவில்லை.

அவர் சிகிச்சைக்காக சென்னைக்கு கட்டாயத்தின் பேரில் வரவழைக்கப்பட்டார். அவர் எனக்கு காச்சல் குணமாகாவிட்டாலும் பரவாயில்லை, என்னை உடனே எனது பிள்ளைகள் (நடைபயண வீரர்கள்) இருக்கும் இடத்திற்கு அனுப்பிவையுங்கள் என்று பாசத்துடன் கேட்டுக்கொண்டிருக்கிறார். அவரின் அன்பு கலந்த வெருட்டலுக்கு நடைபயண வீரர்கள் அனைவரும் அடிமையாகியுள்ளனர் நடைபயண வீரர்கள் குண்டுமாமா எப்போது திரும்பி வருவார் என்று ஆவலுடன் எதிர்பார்த்துக் காத்திருக்கின்றனர்.

குண்டு மாமாவுக்கு காச்சல் அதிகமானதால் சென்னை மருத்துவமனையில் சிகிச்சைக்காக அனுமதிக்கப்பட்டு இப்போது குணமடைந்து வருகிறார். நடைபயண வீரர்களுக்கு தொலைபேசியில் தினமும் தொடர்பு கொண்டு மாமா கெதியில் வந்துவிடுவேன் யோசிக்க வேண்டாம் என்று நடைபயண வீரர்களை உற்சாகப்படுத்தி வருகிறார். விரைவில் அவர் நடைபயண வீரர்களோடு இணைந்துகொள்வார்.

25வது நாளான இன்று (09-02-2011 புதன் கிழமை) காலை 05:30 மணியளவில் மீண்டும் காடுகள் வழியாக பயணத்தை தொடங்கிய நடைபயண வீரர்கள் மோசமான சாலைகள் வழியாக பயணித்து. விழியில் சிறிய சிறிய கிராமங்களைக் கடந்து சற்று நேரத்திற்கு முன்னர் இரவு 10:00 மணியளவில் 41.5 கிலோ மீற்றர்கள் கடந்து இரவு முகாம் வந்து சேர்ந்தனர். மொத்தமாக 830 கிலோ மீற்றர் தூரத்தைக் கடந்துள்ளனர்.

இன்று பகல் நேரத்தில் ரி.வி.5 என்ற உலகத்தில் அனைத்து மொழிகளிலும் ஒலிபரப்பாகும் தொலைக்காட்சி நிறுவனம் வந்து எங்களோடு உரையாடி வீடியோ படங்கள் எடுத்து பேட்டிக்கண்டனர். திரு. சகானி (P.T.I.District correspondent)  அவர்கள் திரு. ஞானராஜா அவர்களிடமும் திரு. மங்களராஜா அவர்களிடம் மற்றும் ஈழ தேசிய ஜனநாயக விடுதலை முன்னணியின் துணைப் பொதுச் செயலாளர் திரு. வசீகரன் அவர்களிடமும் பேட்டி எடுத்தார்கள்.

திரு. வசீகரன் அவர்கள் நடைபயணத்தின் நோக்கத்தையும், இலங்கையின் அரசியல் சூழ்நிலைகளையும் ஆங்கிலத்தில் விபரமாக தெளிவாக எடுத்துரைத்தார். திரு. சகானி அவர்கள் உங்கள் நியாயமான கோரிக்கைகளுக்கு நிச்சயமாக நாங்கள் தொடர்ந்து ஆதரவு தருவோம் என்று கூறி உறுதி வழங்கி வாழ்த்துக் கூறிச் சென்றார்கள்.

மேலும் இன்று இரவு முகாம் அர்குல் என்ற கிரமாத்தில் உள்ள உயர்திரு. கங்காரெட்டி என்ற உயர்ந்த மனிதர் தனது தோப்பில் முகாம் அமைக்குமாறு கேட்டுக்கொண்டதிற்கினங்க அங்கு இரவு முகாம் அமைத்திருந்தனர்.

திரு. கங்காரெட்டி அவர்கள் வீரர்களின் உடல்நலன்களை தெரிந்துகொண்டு, சிறப்பு மருத்துவர் ஒருவரை வரவழைத்து மருத்துவ பரிசோதனை செய்து, தனது சொந்த செலவில் சிகிச்சை மற்றும் மருந்துகள் கொடுத்து மருத்துவ முகாம் நடத்திக்கொண்டிருக்கிறார். இவைமட்டுமல்லாமல் மேலும் பல உதவிகள் செய்வதாக கூறியுள்ளார்.

திரு. கங்காரெட்டி அவர்கள் நடைபயண வீரர்களின் முகாமில் தங்கி நடைபயண வீரர்களின் ஒவ்வொரு குறைகளையும், ஈழத் தமிழர்களின் வரலாரையும் கேட்டுத் கொண்டு ஈழத் தமிழர்களுக்கும் அவர்களுக்கு ஆதரவான உங்களுக்கும் எங்களது ஆதரவு தொடர்ந்து இருக்கும் என்று தெரிவித்து மருத்துவ முகாம் முடியும் வரை அங்கே இருப்பதாகவும் மீண்டும் காலையில் வருதாகவும் தெரிவித்தார்.

நடைபயண வீரர்கள் திரு. கங்கா ரெட்டி அவர்களின் அன்பிலும் கனிவான பேச்சிலும் அரைவாசி வருத்தம் குறைந்துவிட்டதாக அவரிடம் தெரிவித்து நன்றி தெரிவித்தனர்.

இவ்வண்ணம்,

சீ. வசீகரன்

நடைபயண தலைமைக் குழு

09-02-2011